Aposolo 8:23 - Panake Pi La: Ula: Buka pita: Kine Pieke Buka

²³ I̱ma꞉ta꞉ neketa꞉ teto pita꞉la꞉ alema꞉ handeleke handolome. Kutupa naka꞉ hoke hau pitele ekima꞉ neke tonkao ula꞉me leekeme.

Aposolo 8:23 Referans Kwoze

Hibulu 12:15

Koda꞉na꞉ a꞉ta꞉ma꞉ homa tamba꞉ mina꞉la꞉ hau pa꞉ta꞉ hoki walaapa꞉na꞉ma꞉ wopu handeteke hapa꞉peke. Iki homeke ma꞉nda꞉ma꞉ ipika꞉ puki pa꞉ta꞉ ka꞉ta꞉pa wilie titi peaasa꞉ ale ma꞉nda꞉ pa opa daeyaena꞉ alo hata꞉ iki paeyao hoeyaapa꞉na꞉ma꞉ wopu handa꞉ paleke hapa꞉peke.

Dioni 8:34

Yesuma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Hali epima꞉ hoke hau pu haya꞉ka꞉na꞉ta꞉ koto halima꞉ta꞉ hoke hau pu hala꞉ ekina꞉ e pa hameke pokaasa꞉ hali leke hala꞉me leekeme.

2 Pida 2:19

Ikita꞉ ika꞉ lu wiala꞉ hoke hoeyaasa꞉ hauna꞉ pa hameke e pokaasa꞉ haliweki hata꞉ kone mo wanda꞉hali pa꞉ta꞉ta꞉ iki ka꞉la꞉paalumeke laa pi la꞉ u halememe. Ma꞉nda꞉ epi a꞉nda꞉ ipika꞉ pu hala꞉ hauma꞉ da panda꞉ mina꞉ lea꞉ka꞉na꞉ta꞉ kota꞉ koto someta꞉ pa hameke e pokaasa꞉ hali hala꞉me.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Epesese 4:31

Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉