Aposolo 8:22 - Panake Pi La: Ula: Buka pita: Kine Pieke Buka

²² Do hoke hau pi ekina꞉ hone ma꞉nda꞉ la꞉ka꞉la wiaata꞉ yeni pea꞉peke. Tekehalima꞉ naka꞉ hoke hone witele ekimanu paa mea tombualiepe mata꞉la꞉me leekeme.

Aposolo 8:22 Referans Kwoze

Hibulu 4:12

Koda꞉na꞉ pita꞉ da꞉taa hata꞉ e wopu poko hala꞉me. Mo pima꞉ta꞉ hande kake yaapo hake bainasi kone lombei pea ne ne wopu hala꞉me. Kutupa mo pima꞉ta꞉ wanda꞉hali ponda꞉pa꞉ awa ika꞉ temoko pita꞉ hone teke yaapo tukikina꞉ opolo pua tekili peao make ika꞉ lokena꞉ holiki kilikalu yaapo pa꞉nka꞉pa꞉ lia tekili pea alu make pea꞉peke ya꞉la꞉me. Wanda꞉halina꞉ honena꞉ hone pa꞉la꞉ ekimanu tikitiki yawao hala꞉me.

Loma꞉ 2:4

Koda꞉ma꞉ neke pa꞉ta꞉ a꞉ta꞉ma꞉ wopu homaata꞉ naka꞉ hoke hauna꞉ yenki a̱i̱ na kiki yu wia hao hala꞉ ekita꞉ neketa꞉ hone na witele. Koda꞉ma꞉ a꞉ta꞉ma꞉ homa꞉la꞉ ekita꞉ nakana꞉ma꞉ ipiki pa꞉ta꞉ hone ma꞉nda꞉ la꞉ka꞉la꞉ mina haelena꞉yeke pita꞉la꞉me. Koto ekita꞉ iki paeyaoma꞉ hone witolo pelememe.

Aposolo 17:30

Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

Aposolo 9:11

Kutupa Tekehalima꞉ alota꞉ Tiao. Oni pota꞉ bikita꞉ Tikitikipiki pota꞉ yola꞉ mea pua Diudasina꞉ da pa꞉ta꞉ pua Tasa꞉si hali Solota꞉ hando pa꞉ta꞉ pila꞉pe laa lota꞉ pia꞉pekee. Ipikita꞉ yeni koto pitolo pila꞉ handa꞉e leekeme.

Peneme Yaeyekeeki 2:21

I̱ma꞉ta꞉ ipika꞉ hoke hau hoki walena꞉ waleke haloa꞉pate ipika꞉ loke hoeyaasa꞉ hau pa꞉ta꞉ hoki wala꞉peke ya꞉leke kiaasa꞉me.

Aposolo 8:20

Koto leekepate Pidama꞉ alota꞉ Koda꞉ma꞉ pa kita꞉la꞉ ale naka꞉ honema꞉ hambuluekema꞉ hone witele ekina꞉ neke tonka꞉na꞉ naka꞉ mani tonka꞉na꞉ ma꞉nda꞉ma꞉ hoeyaena꞉e.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.