Aposolo 8:21 - Panake Pi La: Ula: Buka pita: Kine Pieke Buka

²¹ Du pitele ekina꞉ neketa꞉ niki ame̱le̱ na hake. Pa ekipeke naka꞉ pukita꞉ Koda꞉na꞉ leke popelekena꞉ tikitiki na pa꞉la꞉me.

Aposolo 8:21 Referans Kwoze

Hibulu 4:13

Koda꞉ma꞉ na handena꞉ yeke ala꞉ta꞉ ma꞉nda꞉ a꞉mbao panka꞉ wia꞉peke na ya꞉la꞉me. Dia꞉me. Koda꞉ma꞉ handa꞉leketa꞉ ipika꞉ leke popelekena꞉ta꞉ mo wepia ula꞉ ala꞉ta꞉ ala꞉ta꞉ paeyao ota꞉ peneme yao lumbupa ula꞉me. Kutupa niki paeyaoma꞉ nika꞉ puma꞉ hau manuta꞉ ipiki pa꞉ta꞉ ota꞉ peneme yaalumeke.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

Peneme Yaeyekeeki 22:19

Kutupa ma꞉nda꞉ epima꞉ do bukana꞉ ula꞉ wetepena꞉ pulu pa꞉la꞉ pimanu ma꞉nda꞉ mea baeya꞉ka꞉na꞉ta꞉ kota꞉ koto some ipika꞉ mo da꞉ta꞉la꞉eki hala꞉peke ya꞉la꞉ tina꞉ kiliki mulupa꞉la꞉ yenkina꞉ putupilikita꞉ pao mea make mo hande yakopiki daoni pua hapeke ya꞉la꞉eki make Koda꞉ma꞉ pao milieke. Do bukana꞉ la꞉la꞉ ekina꞉ loa꞉me.

Peneme Yaeyekeeki 20:6

Mo mandane homeme wanda꞉halimanu do titina꞉ mea tiaasa꞉eki pa꞉ta꞉ apa꞉taemeka꞉na꞉ta꞉ ika꞉ta꞉ ta꞉na꞉ma꞉ homena꞉ laa yako pina꞉ lelieke. Mo yaapo peao homa꞉la꞉ ekima꞉ta꞉ iki wataapeketa꞉ honkopu na ula꞉me. Ikita꞉ Koda꞉ pita꞉ Ketiso yaapona꞉ yeni peaasa꞉ haliweki hata꞉ 1 daoseni bapimanu ipiki ame̱le̱ handeteke halimikie.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.

Luku 1:6

Mo wanda꞉ hali yaapota꞉ Koda꞉na꞉ leke popelekena꞉ tikitiki yao hata꞉ ipika꞉ pi ula꞉ ekimanu paeyao opu haepekeme.

Epesese 5:5

Do wape pa꞉la꞉ ekita꞉ Ota꞉ekie hone wia꞉pa꞉peke. Hali epima꞉ loke hoeyaasa꞉eki make na tiaake hau pita꞉la꞉eki make pasa꞉tei hau pita꞉la꞉eki make (mo pasa꞉tei hau pita꞉la꞉ ekita꞉ hande toopima꞉ wepia ula꞉ ale pa꞉ta꞉ yeni hau pita꞉la꞉ ekima꞉ kone handa꞉la꞉me) kutupiki hau pita꞉la꞉ halita꞉ Koda꞉ Ketiso yaapona꞉ Kilu Tombuao Hala꞉ ekina꞉ ota꞉ pua꞉peke na ya꞉la꞉me.

Aposolo 8:37

[Kutupa Pilipima꞉ alota꞉ Nakana꞉ma꞉ naka꞉ puki paeyaoma꞉ hone wikina꞉ta꞉ kota꞉ naka꞉e leekeme. Kutupa mo halima꞉ alota꞉ I̱ma꞉ta꞉ Yesu Ketisota꞉ Koda꞉na꞉ Eiyeke hala꞉me hone witolome leekeme.]