Aposolo 8:13 - Panake Pi La: Ula: Buka pita: Kine Pieke Buka

¹³ Kutupa Saimono make Koda꞉na꞉ pi minolo haena꞉ ipiki bapitaisi peaeyekeme. Kutupa Saimonota꞉ Pilipi yaapo hata꞉ mo wele pita꞉la꞉ ekimanu make na hando haemeke ekimanu make hando haota꞉ leke opa꞉ mina꞉ bepi piekeme.

Aposolo 8:13 Referans Kwoze

Aposolo 19:11

Koda꞉ma꞉ Polo pa꞉ta꞉ wele peaaso hata꞉ na hando haemeke wele pita꞉la꞉ ekimanu peaena꞉ la꞉tiki piekeme.

Dioni 5:20

Hande Apa꞉ma꞉ ipika꞉ Eiyeke pa꞉ta꞉ pukima꞉ homolo hata꞉ ipikana꞉ma꞉ pu hala꞉ ekimanu paeyao hande Eiyeke pa꞉ta꞉ walo hala꞉me. Iki penkilipa꞉tia pomuemena꞉yeke ipikana꞉ma꞉ wetepena꞉ta꞉ ota꞉ hau tiekemanu dupikieki wetepeao ipikana꞉ma꞉ Eiyeke pa꞉ta꞉ walieke.

Aposolo 13:44

Kutupa mo hande Hoto Pila꞉ Nate ma꞉nda꞉na꞉ mo daoni nane wanda꞉hali paeyao Koda꞉na꞉ pi opuluekema꞉ mombelemekeme.

Dioni 7:21

Yesuma꞉ ika꞉ pi hombo peaaso alota꞉ I̱ma꞉ta꞉ wele pita꞉la꞉ hau homeke pua꞉ ekina꞉ iki paeyaoma꞉ penkilipimime.

Luku 8:13

Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Maka 16:17

Kutupa pi mulu peleme wanda꞉halima꞉ do wele pita꞉la꞉ ekimanu handilimikie leekeme. Ya bikina꞉ hoke temokomanu tolu limikie. Panake pimanu lelimikie.

Aposolo 8:21

Du pitele ekina꞉ neketa꞉ niki ame̱le̱ na hake. Pa ekipeke naka꞉ pukita꞉ Koda꞉na꞉ leke popelekena꞉ tikitiki na pa꞉la꞉me.

Aposolo 3:10

Kutupa mo wanda꞉halima꞉ hone wimikime. Do halita꞉ mo hande tembolona꞉ Seliapopiki Pota꞉ Kake pa꞉ta꞉ pita꞉ mani honke lo hala꞉ halie hone wimikime. Kutupa puki keapa anemone pitolo haena꞉ alota꞉ Do halita꞉ ekipa pa꞉la꞉pe lemekeme.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.