Aposolo 7:14 - Panake Pi La: Ula: Buka pita: Kine Pieke Buka

¹⁴ Koto ekina꞉ Diosepema꞉ta꞉ ipika꞉ ateke Dieikope pa꞉ta꞉ pi la꞉ moneaaso alota꞉ Neke make neke ame̱le̱ tapake wanda꞉hali paeyao make Idiepi nane ipupe laa leekeme. Mo wanda꞉hali paeyaota꞉ 75 wanda꞉hali haemekeme.

Aposolo 7:14 Referans Kwoze

Kini Pieke 46:12

Diuda make ipika꞉ weki tonuta꞉ Sela make Petese make Sita makee. Diudana꞉ eiyeke yaapo Ea pita꞉ Onane yaapota꞉ Keinani haemeke toma꞉na꞉ kone amba꞉ homepekeme.

Kini Pieke 45:13

Kutaa I̱ do Idiepi kenke pa꞉ta꞉ ota꞉ honkopu tieke ula꞉eki make mo ikana꞉ma꞉ handeleme alemanu paeyao make yaka apa꞉ pa꞉ta꞉ pua lapa꞉peke. Kutupa a̱i̱ a̱i̱ pu kone ipiki do pate hatuku a꞉pa꞉pa꞉peke leekeme.

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.