Aposolo 6:6 - Panake Pi La: Ula: Buka pita: Kine Pieke Buka

⁶ Do haliwekita꞉ hatuku pua mo aposolo haliwekina꞉ leke popelekena꞉ a꞉pa yeni pitolo hata꞉ ika꞉ kiki mo haliwekina꞉ youna꞉ wimikime.

Aposolo 6:6 Referans Kwoze

2 Timodi 1:6

Koto hone ua꞉eki tekena꞉ta꞉ I̱ma꞉ naka꞉ youna꞉ ya kiki ua꞉ pa꞉ta꞉ yama꞉ Koda꞉ma꞉ neke pa꞉ta꞉ pa hameke ka꞉la꞉ hauta꞉ alupaama꞉na꞉ halima꞉ ti honiaama꞉na꞉ po lo hala꞉ tupa꞉ kone do hauta꞉ pa mea tiaaso tiaaso halena꞉ hone u tiaasome.

Aposolo 1:24

Kotoeki peaata꞉ yeni dupa pimikime. Tekehalio. Wanda꞉hali paeyaona꞉ puki pa꞉ta꞉ ula꞉ haumanu paeyao nakana꞉ma꞉ handeleme. Kutu pele ekina꞉ Tekehalio. Do hali yaapo pa꞉ta꞉ta꞉ Diudasima꞉ta꞉ aposolo hali hata꞉ pokea꞉ e mina꞉pa꞉lao ipika꞉ halo pia꞉ alena꞉ peeke handaata꞉ koto eta꞉ hali epima꞉ mina꞉pe. Niki pa꞉ta꞉ nakana꞉ma꞉ walae.

1 Timodi 4:14

Mo siosi you haliwekima꞉ pi la꞉ witolo hata꞉ naka꞉ youna꞉ ika꞉ kiki wimi dina꞉ Koda꞉ma꞉ ipika꞉ pa hameke kita꞉la꞉ epeke ale homeke naka꞉ puki pa꞉ta꞉ wiaya꞉ ekita꞉ nakana꞉ma꞉ ota꞉ na mina꞉pa꞉lapeke.

Aposolo 8:17

Pida Dioni yaapoma꞉ ipilika꞉ kiki mo wanda꞉halina꞉ youna꞉ wia hata꞉ yeni pipiki handa Holi Sipitidita꞉ mo wanda꞉halina꞉ weleke pa꞉ta꞉ a꞉pa pitiekeme.

Aposolo 13:3

Kutupa pa ne na neke yeni peaata꞉ mo hali yaapona꞉ youna꞉ kiki wiata꞉ hande leeke e pokaena꞉ pena꞉ tapaemekeme.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.

1 Timodi 5:22

Hali ma꞉nda꞉ma꞉ siosi pa꞉ta꞉ Koda꞉na꞉ e pokaena꞉ta꞉ na hondoma꞉ tiake hata꞉ kiki wita꞉la꞉ hau a̱i̱ na pea꞉peke. Mandane wanda꞉halina꞉ hoke hau neke pa꞉ta꞉ na mundilina꞉ leke naka꞉ hauta꞉ yako pea hapeke.

Hibulu 6:2

bapitaisi pita꞉la꞉ hau manuna꞉ pi wala꞉la꞉eki make youna꞉ kiki wia yeni pita꞉la꞉ haumanu make homa paa tiaasa꞉ hau make Koda꞉na꞉ pi yokaalu pea mo honiki na paeke homo hala꞉ alena꞉ tapaalo pa꞉la꞉ ekina꞉ wala꞉la꞉ pimanu make koto amba꞉ hande titina꞉ waloma꞉ pimanu na ambula u hake

Maka 5:23

Ya wandikisiki ota꞉ homuluekema꞉ taapolo pila꞉me leekeme. Tiao haena꞉yeke nakana꞉ma꞉ a꞉pa naka꞉ kikima꞉ ipiki wataapeke leekeme.

Aposolo 9:12

Kutupa ipikana꞉ma꞉ hali ma꞉nda꞉ biki A꞉na꞉naisi a꞉pa ipika꞉ kiki yaka youna꞉ a꞉pa wia꞉ka꞉na꞉ ya leke ki leliekee laa amba꞉ handea꞉me leekeme.

Aposolo 19:6

Kutupa Poloma꞉ ipika꞉ kiki yaapo ika꞉ youna꞉ wieketa꞉ mo Holi Sipitidi iki pa꞉ta꞉ epeekeme. Kutupa pi ta꞉ta꞉ ta꞉ta꞉ kone laaka꞉na꞉ta꞉ Koda꞉na꞉ pimanu lemekeme.