Aposolo 6:11 - Panake Pi La: Ula: Buka pita: Kine Pieke Buka

¹¹ Kutupa mo haliwekima꞉ ika꞉ kone lomba mandane haliweki mea Ikana꞉ma꞉ta꞉ dupa lapa꞉peke. Do halima꞉ta꞉ Mosesi pa꞉ta꞉ make Koda꞉ pa꞉ta꞉ make hoke pi lea꞉ halie laa a꞉pa lapa꞉peke lemekeme.

Aposolo 6:11 Referans Kwoze

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Loma꞉ 3:8

Koto ekina꞉ mandane wanda꞉halima꞉ alota꞉ Epekeeki epena꞉ma꞉ kota꞉ hokeeki pumana꞉e laa alememe. Mandane wanda꞉halima꞉ I̱ la la pitolo hata꞉ kone alota꞉ Poloma꞉ kutupiki pi ombu la꞉tiki pu hala꞉me laa lelememe. Koto pi leleme wanda꞉halita꞉ Koda꞉ma꞉ hoke yenki halea꞉ka꞉na꞉ta꞉ tikitiki hau pitolo hata꞉ kone pilieke.

Aposolo 25:7

Kutupa Polo opolo a꞉pa haena꞉ta꞉ mo Diutuseleme da hao epemeke Diu haliwekima꞉ Polo dupao hata꞉ mo haliwekima꞉ alota꞉ Do halima꞉ta꞉ hoke hoke ane mone haumanu wopu pu hala꞉ halima꞉ pa꞉la꞉me lemekepate mo ota꞉ pa꞉la꞉eki tekemanu na la꞉ yokemekeme.

Aposolo 25:3

Nikana꞉ma꞉ epeke hone wiomono Polota꞉ do Diutuseleme nane epena꞉ lae lemekeme. Koto lemeke pita꞉ Polota꞉ pota꞉na꞉ ipulu haena꞉ luekema꞉ a꞉nda꞉ lomba꞉ wia lemekeme.

Aposolo 21:28

Isulai haliwekio. A꞉pa niki pa꞉ta꞉la꞉pe lemekeme. Nika꞉ wanda꞉hali pa꞉ta꞉ make mo hande Lo Pimanu pa꞉ta꞉ make do da pa꞉ta꞉ make wanda꞉hali paeyaoma꞉ hoke hone wina꞉yeke la꞉tia pomina꞉la꞉ hali doe lemekeme. Kutupa make do tembolo da tukiki pa꞉ta꞉ Kitiki haliweki hatuku a꞉paata꞉ do pi ula꞉ da amba꞉ hoeyaeya꞉ka꞉ta꞉me laa lemekeme.

Aposolo 18:6

Kutu piekepate ipiki tolu luekema꞉ pi la la pimiki pita꞉ Poloma꞉ ipika꞉ dau tandela iki pa꞉ta꞉ alota꞉ I̱ dia꞉me. Ika꞉ youna꞉ ika꞉ we mendia꞉pa꞉peke leekeme. Ya ketete dia꞉me leekeme. Ameta꞉ Diendaili wanda꞉hali pa꞉ta꞉ pulume leekeme.

Aposolo 15:21

Mosesima꞉ Lo Pi manuta꞉ mo pi hotu haleme da pa꞉ta꞉manu hata꞉ta꞉ Hoto Pila꞉ Nate paeyaona꞉ kone yata꞉pa꞉tiki pu haemekeme. Kutupa make daoni paeyao pa꞉ta꞉manu ipika꞉ pimanu wala꞉tiki pu halememe laa leekeme.

Aposolo 6:13

Kutupa hande la꞉ wimiki tupa꞉ mo yayapiki wekitisi haliwekima꞉ tiao alota꞉ Do halita꞉ do yakopiki tembolo da pa꞉ta꞉ make hande Lo Pimanu pa꞉ta꞉ make hoke pi lo hala꞉ halie lemekeme.

Dioni 16:3

Yaka Apa꞉ diki na handeleme ekina꞉ koto haumanu pilimikie.

Dioni 9:29

Koda꞉ma꞉ Mosesi pa꞉ta꞉ la꞉la꞉ ekita꞉ nikana꞉ma꞉ hone uluma꞉pate koto hande halita꞉ hando pa꞉ta꞉ hao a꞉pa pa꞉la꞉pe. Niki na handoloma꞉me laa lemekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Aposolo 26:11

Kutupa mo wanda꞉halita꞉ pi hotu haleme da paeyao pa꞉ta꞉ panisi wotu peatiki peaata꞉ Yesu pa꞉ta꞉ hoke pi lena꞉yeke la handetiki pua꞉me. Kutupa mo wanda꞉hali pa꞉ta꞉ mineke wotu pankolo hata꞉ mandane damanu pa꞉ta꞉ kone tolu lia꞉tiki pua꞉me.

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

Aposolo 6:12

Kutupa mo haliwekima꞉ wanda꞉hali make tondiki haliweki make wape pea wala꞉tiki pu haemeke haliweki make sutiaemeke handaata꞉ Sidipeni pua minata꞉ ka̱le̱sete haliweki pa꞉ta꞉ yola꞉ mea pemekeme.