Aposolo 6:1 - Panake Pi La: Ula: Buka pita: Kine Pieke Buka

¹ Koto natena꞉ta꞉ mo Yesuna꞉ disaipolo haliweki daeyaeyekeme. Mo Kitiki pi lo haemeke Diu wanda꞉halima꞉ mo teke da pa꞉ta꞉ haemeke Diu wanda꞉halima꞉ ika꞉ kosa꞉piki wanda꞉sunu ne ana꞉na꞉ na telipitolo hata꞉ honditi pitelememe laa pi lemekeme.

Aposolo 6:1 Referans Kwoze

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

Dia꞉mesi 5:9

Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.

Aposolo 9:39

Koto ekina꞉ Pida tiaota꞉ mo hali yaapo ame̱le̱ mandakena꞉ pemekeme. Da opolo peeketa꞉ oli manda da panda꞉ pa꞉ta꞉ ipiki hatuku a꞉meimikime. Koto pa꞉ta꞉ta꞉ mo kosa꞉piki wanda꞉sunu paeyaoma꞉ta꞉ mombololo hata꞉ e̱ a꞉pa lemekeme. Hande Dokasima꞉ na homeke pa hayeke pita꞉na꞉ tumbulieke sedisunu make kosa꞉ aka꞉manu make Pida pa꞉ta꞉ walemekeme.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Pilipai 3:5

Ya mendieke nate pula꞉ homeke yapeeke dina꞉ I̱ sekemesaisi hau peaemekeme. I̱ta꞉ ota꞉ Isulai hali hano Isulai nane mendiekeme. I̱ta꞉ Benisaminina꞉ tapakee. Kutupa ya apa꞉na꞉ atekena꞉ ateketa꞉ mo Hibulu haliweki homeke haemekeme. Hande Diu wanda꞉halina꞉ pi ula꞉ ekimanu miniki haasa꞉ ekina꞉ pi hotuma꞉ka꞉na꞉ta꞉ kota꞉ I̱ta꞉ Pa꞉tisi hali haowa꞉me.

Aposolo 11:20

Kutu pimikipate mandane haliwekima꞉ Saipotasi Saitini yaapo nane haemeke haliwekima꞉ A꞉ndioko da pa꞉ta꞉ opolo a꞉paata꞉ mo Tekehali Yesuna꞉ pi Kitiki wanda꞉hali pa꞉ta꞉ make wala꞉tiki pimikime.

Aposolo 9:41

Pidama꞉ panda꞉puniao ipika꞉ kiki yola꞉ mea tiaeyekeme. Kutu pieketa꞉ Pidama꞉ mo Ketiso wanda꞉hali make mo kosa꞉piki wanda꞉sunu make ipupe laata꞉ hande wanda꞉ta꞉ do tiao hala꞉ handa꞉pe laa leekeme.

Aposolo 9:29

Solota꞉ mo wanda꞉hali paala꞉ma꞉ na homeke mo Tekehalina꞉ biki laa pi wala꞉tiki piekeme. Kutupa pi pi la꞉tiki pitolo hata꞉ mo Kitiki pi lo haemeke Diu wanda꞉hali ame̱le̱ make pi la alu alu pua꞉tiki pomiekepate mo wanda꞉halima꞉ta꞉ Solo lu pie hone wimikime.

Aposolo 5:14

Kutu pimikipate amba꞉ na pu haemeke tupa꞉ ma꞉nda꞉ ma꞉nda꞉ lo wanda꞉weki make haliweki make Yesu pa꞉ta꞉ ta꞉ma꞉ni puluendi pimikime.

Aposolo 4:4

Kutu piekepate mo pi opimiki wanda꞉halita꞉ pi mimikime. Kutupa mo haliwekita꞉ 5000manu yekeme.

Hibulu 13:1

Ketiso tapakema꞉ ika꞉ Ketiso yankeke tonu ame̱le̱ pukima꞉ homa꞉ alualu pu hapa꞉peke.

2 Kotindi 11:22

Ikita꞉ Hibulu ya꞉ka꞉ta꞉pe kota꞉ I̱ make lataa. Ikita꞉ Isulai ya꞉ka꞉ta꞉pe kota꞉ I̱ make lataa. Ikita꞉ Eipoloha꞉ma꞉na꞉ tapake ya꞉ka꞉ta꞉pe kota꞉ I̱ make lataa.

Aposolo 2:45

Ika꞉ kenkemanu o damanu make ika꞉ ala꞉ta꞉ ala꞉ta꞉ make ma꞉nda꞉ma꞉ hambena꞉ laata꞉ mani meata꞉ mo iki ame̱le̱ mani dia꞉yeke wanda꞉halimanu pa꞉ta꞉ telipaemekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Dia꞉mesi 4:5

Hande Baibolo bukana꞉ wape pa꞉la꞉ ekita꞉ paekie hone witelemepe dupae. Hande Koda꞉ma꞉ niki loke tukiki pa꞉ta꞉ pitaala꞉ temokoma꞉ta꞉ ipika꞉ hone pa꞉la꞉eki puluekema꞉ wotu taapilieke wape pa꞉la꞉me.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

1 Timodi 5:9

Mo kosa꞉piki wanda꞉wekina꞉ biki ula꞉ wapena꞉ta꞉ dupiki wanda꞉na꞉ biki homeke wia꞉peke. Wanda꞉ ma꞉nda꞉ ipika꞉ bapi hali tieke tepo paeya꞉ka꞉na꞉ make ipikita꞉ hali homekena꞉ da peeke wanda꞉ make

1 Kotindi 10:10

Kutupa nikana꞉ma꞉ Koda꞉ pa꞉ta꞉ pi la la na pumana꞉ pea꞉pa꞉peke. Mo hande mandane wanda꞉halima꞉ kutupiki hau pimiki handaata꞉ mo lu homaasa꞉ enisoloma꞉ iki liekeme.

Aposolo 5:28

Mo hande halina꞉ bikina꞉ wanda꞉hali pa꞉ta꞉ pi ma꞉nda꞉ na wala꞉pa꞉peke laa iki pa꞉ta꞉ na lapa꞉peke laa ta꞉e leke pi loma꞉pate ikana꞉ma꞉ pimieki hone wia꞉pa꞉peke. Do Diutuseleme da paeyao pa꞉ta꞉ ika꞉ pi yama꞉ tumbulu bao ula꞉me. Kutupa make mo hande hali homea꞉ ekita꞉ ikana꞉ma꞉ niki tulaasememe laa leekeme.

Aposolo 6:2

Mo 12 haliwekima꞉ mo Ketiso haliweki paeyao wi la alota꞉ Nikana꞉ma꞉ Koda꞉na꞉ pi waloloma꞉eki mina꞉pa꞉lao ne telipaoma꞉ka꞉na꞉ta꞉ ana꞉ na pa꞉la꞉me lemekeme.

Aposolo 11:26

Kutupa handa꞉ wiata꞉ mo A꞉ndioko da pa꞉ta꞉ hatuku epeekeme. Bapi homeke koto pa꞉ta꞉ hata꞉ mo siosi tapake ame̱le̱ pi hotu haota꞉ wanda꞉hali wopu pi walo haepekeme. Koto da pa꞉ta꞉ pi mimiki wanda꞉hali ikita꞉ mo Ketiso wanda꞉halie laa mo koto bikita꞉ koto da pa꞉ta꞉ kini pu mimikime.

Aposolo 11:29

Kutupa mo disaipolo wanda꞉halima꞉ hone wia alota꞉ Nika꞉ Diudia nane haleme kametiti tamba꞉ mumana꞉ paeyaoma꞉ ana꞉na꞉ halomana꞉e lemekeme.

Loma꞉ 12:7

Koda꞉ma꞉ta꞉ mo Ketiso wanda꞉hali tamba꞉ mea꞉peke ekita꞉ niki kia꞉ka꞉na꞉ta꞉ kota꞉ nikana꞉ma꞉ tamba꞉ mea꞉peke ya꞉la꞉me. Koda꞉ma꞉ta꞉ mo pi wala꞉la꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ nikana꞉ma꞉ ipika꞉ pi wala꞉peke ya꞉la꞉me.

1 Timodi 5:3

Kosa꞉piki wanda꞉ ma꞉nda꞉ ota꞉ ipika꞉ honumake siki hala꞉eki handeka꞉na꞉ta꞉ kota꞉ ipiki tamba꞉ muluekema꞉ hone epeke u hapeke.