Aposolo 5:2 - Panake Pi La: Ula: Buka pita: Kine Pieke Buka

² Kutupa mo hande mipiki manita꞉ mandaneeki ipilika꞉ hone wia mea panka꞉ wiaata꞉ mandaneeki ipikana꞉ma꞉ mo hande aposolo haliweki pa꞉ta꞉ mea epeekeme.

Aposolo 5:2 Referans Kwoze

Aposolo 4:37

Koto hali ipikana꞉ma꞉ta꞉ ipika꞉ kenkesiki ma꞉nda꞉ hali ma꞉nda꞉ma꞉ hambena꞉ laata꞉ koto mieke mani mea a꞉paata꞉ aposolo haliweki pa꞉ta꞉ haleekeme.

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Dioni 12:6

Do leeke pita꞉ nate hali wanda꞉hali pa꞉ta꞉ a꞉ta꞉ma꞉ homolo na leke pake hali hata꞉ leekeme. Mani pausata꞉ ipikana꞉ma꞉ miniki hata꞉ mea pomiekepate ipika꞉ hone wia yoka꞉ mea꞉tiki piekeme.

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

1 Timodi 6:10

Mo mani we pamba꞉la꞉ ekima꞉ta꞉ ta꞉ta꞉ ta꞉ta꞉ piki hoke haumanu pu tialo pa꞉la꞉ ekina꞉ teke ula꞉me. Mandane wanda꞉halima꞉ mani muluekema꞉ hone wopu witolo hata꞉ ika꞉ hone tulao halemeeki mina꞉pa꞉lao hoke ka꞉nda꞉ manuma꞉ ika꞉ puki tandama꞉ homo haememe.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Aposolo 2:44

Mo hande pi mimiki wanda꞉hali paeyaoma꞉ wotu ta꞉ma꞉ni pea hata꞉ ika꞉ wia haemeke alemanu paeyao telipea pimikime.

Aposolo 5:1

Kutu piekepate A꞉na꞉naisi ipika꞉ wanda꞉ Sapaita yaapo ipilika꞉ kenketa꞉ ma꞉nda꞉ma꞉ hambena꞉ lepekeme.

Aposolo 5:8

Pidama꞉ mo wanda꞉ pa꞉ta꞉ alota꞉ Mo ipilika꞉ kenke hambena꞉ lepe mani manuta꞉ ota꞉ dupiki wopu mipipe leeke mo wanda꞉ma꞉ alota꞉ Aowe. Koto tupa꞉ mupa꞉me leekeme.