Aposolo 5:13 - Panake Pi La: Ula: Buka pita: Kine Pieke Buka

¹³ Kutupa ikina꞉ mo pa haemeke wanda꞉halima꞉ pi laemekepate paala꞉ma꞉ homolo hata꞉ iki ame̱le̱ haluekema꞉ hone na wimikime.

Aposolo 5:13 Referans Kwoze

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 4:21

Kutupa wanda꞉hali paeyaoma꞉ kutu piekeeki hando hao Koda꞉na꞉ pi laemeke handa hali yaapo panisi peaapeke na yeke pi taka꞉lakema꞉ paa laata꞉ da pena꞉ tapaemekeme.

Aposolo 19:17

Koto piekeeki mo Epesese da Kitiki pita꞉ Diu wanda꞉hali paeyaoma꞉ opuaka꞉na꞉ paala꞉ma꞉ homemekeme. Kutupa Tekehali Yesuna꞉ bikita꞉ kende tia wiekeme.

Aposolo 5:5

Do leeke ekimanu opuaata꞉ A꞉na꞉naisi kenkena꞉ honda꞉pa lopa homeekeme. Kutupa koto hao yapeeke haliwekima꞉ doeki opimiki haliwekima꞉ make paala꞉ma꞉ homolo hata꞉ leke opo handa꞉hake wimikime.

Dioni 19:38

Koto hau pimikieki hoki nane mo A꞉ta꞉matia da hao epeeke hali Diosepema꞉ta꞉ Yesu toko mea poluekema꞉ Pailedi pa꞉ta꞉ pua honke leekeme. Diosepema꞉ta꞉ Yesuna꞉ pi opu hayekepate mo Diu haliweki pa꞉ta꞉ paala꞉ hata꞉ puki tooluma꞉ piekeme. Pailedima꞉ a꞉pa꞉la꞉me leeke handaa Diosepema꞉ pua mea peekeme.

Dioni 12:42

Kutu pimikipate mo Diu you haliweki wopuma꞉ Yesu pa꞉ta꞉ hone tulaemekepate mo Pa꞉tisi haliweki pa꞉ta꞉ pieke handaata꞉ ika꞉ pi hotu haemeke da pa꞉ta꞉ ika꞉ ula꞉eki yokaama꞉na꞉ ika꞉ hone tulaemekeeki peneme yao na lemekeme.

Dioni 9:22

Ateke inkiki yaapoma꞉ mo Diu haliweki pa꞉ta꞉ paala꞉ma꞉ homolo hata꞉ dupa lepekeme. Mo Diu haliwekima꞉ta꞉ hali epima꞉ Yesuta꞉ hande Ketiso hala꞉me lelimi wanda꞉halita꞉ mo pi hotu haemeke da pa꞉ta꞉ na epena꞉yeke pa yokomana꞉ la pi la꞉ wieke ekina꞉ paala꞉ma꞉ homepekeme.

Luku 19:48

Kutu pimikipate ikana꞉ma꞉ pota꞉ ma꞉nda꞉ na handa꞉ wimikime. Pa ekipeke. Wanda꞉hali paeyaoma꞉ ipika꞉ pi pa oputia pulu hata꞉ ipika꞉ pi ma꞉nda꞉ hosiki siki make mina꞉pa꞉laluekema꞉ na taapemekeme.

Aposolo 5:26

Koto ekina꞉ mo hande tembolo da handeteke hayeke you halima꞉ ipika꞉ haliweki ame̱le̱ puaata꞉ mo aposolo haliweki hatuku mulu pua epemekeme. Wanda꞉halima꞉ toopima꞉ iki liaama꞉na꞉yeke mo haliweki yopu hatuku mea epemekeme.

2 Kotindi 10:15

Koto ekina꞉ta꞉ nikana꞉ma꞉ta꞉ mo Koda꞉ma꞉ nika꞉ tombo wia yekeeki ankulao mopate leke pokeme tapakena꞉ ena꞉ hakoko na litoloma꞉me. Kotoeki na pikita꞉ nikana꞉ma꞉ hone witoloma꞉ ekita꞉ ika꞉ hone tulaaseme ekita꞉ daetolo hata꞉ iki ame̱le̱ e wopu pokuluekema꞉ hone wopu witoloma꞉me. Koto ekita꞉ mo Koda꞉ma꞉ la꞉ ula꞉ tombo pa꞉ta꞉ hoto paeyao hata꞉ pokomono loa꞉me.