Aposolo 4:34 - Panake Pi La: Ula: Buka pita: Kine Pieke Buka

^34-35 Kutu piekepate iki paeyaota꞉ ala꞉ta꞉ ala꞉ta꞉ paeyao ana꞉na꞉ wimikime. Mo hande tapake wanda꞉hali paeyaoma꞉ta꞉ ika꞉ da make ika꞉ kenke make hali ma꞉nda꞉ma꞉ hambena꞉ laata꞉ koto mani ki la꞉ meaata꞉ mo aposolo haliwekina꞉ anke teke pa꞉ta꞉ a꞉pa wia꞉tiki pimikime. Kutupa mo manita꞉ aposolo haliwekima꞉ meaata꞉ Ketiso wanda꞉hali pa꞉ta꞉ ana꞉na꞉ telipatiki pimikime.

Aposolo 4:34 Referans Kwoze

Aposolo 2:45

Ika꞉ kenkemanu o damanu make ika꞉ ala꞉ta꞉ ala꞉ta꞉ make ma꞉nda꞉ma꞉ hambena꞉ laata꞉ mani meata꞉ mo iki ame̱le̱ mani dia꞉yeke wanda꞉halimanu pa꞉ta꞉ telipaemekeme.

Luku 16:9

Kutupa Yesuma꞉ la꞉tia pulu hata꞉ alota꞉ I̱ma꞉ iki pa꞉ta꞉ alome. Do kenkena꞉ hamoko ale manuma꞉ta꞉ mandane wanda꞉hali naka꞉ yankeke halena꞉ lena꞉ lapeke. Kutu pika꞉na꞉ta꞉ mo hande hamoko alemanu paelia꞉ dina꞉ta꞉ neketa꞉ pa hao hala꞉ da nane handa꞉ milieke.

Luku 12:33

Ika꞉ ala꞉ta꞉ ala꞉ta꞉ta꞉ tapao mani meaata꞉ mo natehali wanda꞉hali pa꞉ta꞉ hala꞉pa꞉peke. Kutupa na kukutu pulu pa꞉la꞉ mani pausa meaata꞉ ika꞉ hamoko ale manuta꞉ oli ya nane na paeya꞉niake pa wia halo pelemeeki homeke amu pu hapa꞉peke. Ekipeke koto naneta꞉ mo pake no haleme haliwekima꞉ make bisapu inkikima꞉ make na hoeyaalimikie.

Luku 22:35

Kutupa Yesuma꞉ ipika꞉ disaipolo haliweki pa꞉ta꞉ alota꞉ Hande I̱ma꞉ iki tapawa꞉ dina꞉ta꞉ pausa o nu o anke dake na kiki pa tapawa꞉ma꞉ ikita꞉ ala꞉ta꞉ ma꞉nda꞉ weimipe laa lota꞉ piekeme. Ikana꞉ma꞉ hombo peaaso alota꞉ Ota꞉ ala꞉ta꞉ homekesiki ma꞉nda꞉ kone dia꞉me lemekeme.

Maka 10:21

Yesuma꞉ ipiki pa꞉ta꞉ handolo hata꞉ a꞉ta꞉ma꞉ homolo hata꞉ alota꞉ Nakana꞉ma꞉ta꞉ homeke hau homeke na pa꞉la꞉me. Neke pua naka꞉ wia hale alemanu paeyao ma꞉nda꞉ma꞉ hambaata꞉ mo natehali wanda꞉hali pa꞉ta꞉ hale hale pika꞉na꞉ta꞉ neketa꞉ oli hepeni nane yenki tieke wialieke leekeme. Kutupa a꞉pa ya hoki nane telia꞉peke leekeme.

Ma꞉tiu 19:21

Yesuma꞉ ipiki pa꞉ta꞉ alota꞉ Naka꞉ honema꞉ I̱ta꞉ ota꞉ epeke haupiki some halueke hone wika꞉na꞉ta꞉ kota꞉ mo naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laata꞉ mo milipi manita꞉ mandane natehali wanda꞉hali pa꞉ta꞉ halehale pea꞉peke. Kutu pika꞉na꞉ta꞉ kota꞉ nakana꞉ma꞉ mo hepeni tukiki pa꞉ta꞉ta꞉ ale epeke epeke wopu mu halipikie. Koto ekina꞉ta꞉ ya hoki telia꞉peke leekeme.

1 Timodi 6:19

Koto hau a꞉nda꞉ pu haemeka꞉na꞉ta꞉ kota꞉ ika꞉ wetepe hapeke yolo pa꞉la꞉ ekina꞉ epeke teke u haena꞉ lelimikie. Kutu pimika꞉na꞉ta꞉ kota꞉ mo ota꞉ deto hala꞉eki miniki hao halimikie.

Aposolo 4:37

Koto hali ipikana꞉ma꞉ta꞉ ipika꞉ kenkesiki ma꞉nda꞉ hali ma꞉nda꞉ma꞉ hambena꞉ laata꞉ koto mieke mani mea a꞉paata꞉ aposolo haliweki pa꞉ta꞉ haleekeme.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

1 Desalonaika 4:12

Kutu pu haemeka꞉na꞉ta꞉ mo pi na miki wanda꞉halima꞉ handolo hata꞉ iki pa꞉ta꞉ epeke hone wilimikie. Kutupa make ma꞉nda꞉ma꞉ peaena꞉e hone na wiki ika꞉ honumake kone handeteke hapeke yelieke.