Aposolo 4:26 - Panake Pi La: Ula: Buka pita: Kine Pieke Buka

²⁶ Do kenkena꞉ kini haliwekima꞉ tikitiki yao hata꞉ mo you haliweki ame̱le̱ momba꞉laata꞉ mo Tekehali pa꞉ta꞉ make ipika꞉ Ketiso pa꞉ta꞉ make mea lopaaluekema꞉ tiao haemekeme leekeme.

Aposolo 4:26 Referans Kwoze

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Hibulu 1:9

Nakana꞉ma꞉ta꞉ epeke hau pa꞉ta꞉ta꞉ puki wopu pelepate hoke hau pa꞉ta꞉ta꞉ honditi wopu peleme. Koto ekima꞉ta꞉ Koda꞉ naka꞉ Koda꞉ hata꞉ neke mea mo naka꞉ yankeke tonu lombei piki some halena꞉ tombo kitolo hata꞉ ta꞉na꞉ peaasa꞉ honku naka꞉ kitawaya꞉me leekeme.

Luku 4:18

I̱ma꞉ natehali wanda꞉hali pa꞉ta꞉manu mo Pi Seliapomanu laanoyeke mo I̱ mea haena꞉ la꞉la꞉ Tekehalima꞉ ipika꞉ Sipitidi I̱ yaapo hala꞉me. Ipikana꞉ma꞉ I̱ tapaala꞉ ekita꞉ mo dipula pila꞉ wanda꞉hali ikita꞉ ka꞉la꞉pa꞉ tapao halememe lono make mo leke holupiki wanda꞉hali ikita꞉ ika꞉ leke manuma꞉ paa handilimikie laa lonoyeke tapaala꞉me. Kutupa make mo ika꞉ ka꞉nda꞉ manuma꞉ kone tekepa꞉ta꞉ hoeyaapeke ya꞉la꞉ wanda꞉hali ka꞉la꞉pa꞉ tapawano make

Peneme Yaeyekeeki 17:17

Pa ekipeke Koda꞉ma꞉ta꞉ ipika꞉ hone pa꞉la꞉eki peaena꞉ yeke ika꞉ puki pa꞉ta꞉manu ipika꞉ hone pa꞉la꞉eki wina꞉ leeke handaa ikana꞉ma꞉ ta꞉ma꞉ni pea homeke tupa꞉ hau pilimikie. Ika꞉ honkoputa꞉ mo sayale pa꞉ta꞉ halaata꞉ Koda꞉na꞉ pimanu ota꞉ peneme yaalo epena꞉ lelimikie.

Peneme Yaeyekeeki 12:10

Kutupa oli hepeni nane pi ho̱la̱꞉make tiekema꞉ alota꞉ Ameta꞉ niki da꞉ta꞉monoyeke Koda꞉na꞉ pa꞉ta꞉la꞉la꞉eki ta a꞉pa꞉la꞉ handa꞉e. Ameta꞉ Koda꞉ ipiki kini hata꞉ ipika꞉ weleta꞉ peneme yaasa꞉ handa꞉e. Ameta꞉ ipika꞉ ma̱leke lila꞉ Ketisoma꞉ ipika꞉ handeteke hala꞉eki peneme yao wala꞉la꞉ handa꞉e. Pa ekipeke nika꞉ Koda꞉na꞉ puki tikitikina꞉ hata꞉ peliolo da kelepolo nika꞉ kamemanu ma̱leke lia hokeeki pa꞉la꞉me lo haya꞉ halita꞉ oli hepeni mina꞉pa꞉lao tolu lopaala꞉me.

Peneme Yaeyekeeki 11:15

Kutupa mo watake hata꞉ enisoloma꞉ ipika꞉ bu kanake lia꞉ dina꞉ta꞉ oli hepeni nane pi ho̱la̱꞉make tieke tieke manuma꞉ alota꞉ Mo kenke handeteke halo pa꞉la꞉ honkoputa꞉ ameta꞉ nika꞉ Tekehali pita꞉ ipika꞉ ma̱leke lila꞉ hali Ketiso pa꞉ta꞉ ula꞉me. Kutupa hoto paeyao handeteke hao halieke lememe.