Aposolo 4:19 - Panake Pi La: Ula: Buka pita: Kine Pieke Buka

¹⁹ Koto leeke Pidama꞉ alota꞉ Koda꞉na꞉ leke popelekena꞉ hata꞉ ikana꞉ma꞉ aleme pi opua pita꞉la꞉ ekita꞉ a꞉pa꞉la꞉pe o Koda꞉na꞉ pi opua pita꞉la꞉ ekita꞉ a꞉pa꞉la꞉pe. Ika꞉ hone wia pi hotia꞉pa꞉peke lepekeme.

Aposolo 4:19 Referans Kwoze

Aposolo 5:29

Pidama꞉ mo aposolo haliweki ame̱le̱ hata꞉ ipika꞉ pi hombo peaaso alota꞉ Nikana꞉ma꞉ta꞉ haliwekina꞉ pi amba꞉la na opiki Koda꞉na꞉ pi opua꞉pa꞉peke ya꞉la꞉me.

1 Kotindi 10:15

Ikana꞉ma꞉ hone wotu wilimi ekina꞉ do pimanu iki pa꞉ta꞉ alome. Koto ekina꞉ I̱ma꞉ aloeki opuaata꞉ teke weiya handa꞉pa꞉peke.

1 Timodi 2:3

Kutu piki yeni pita꞉la꞉eki manuma꞉ta꞉ mo niki pa꞉ta꞉la꞉la꞉ Koda꞉ ta꞉na꞉ma꞉ homaasa꞉me.

Dioni 7:24

Pa lekema꞉ handolo hata꞉ hone na wiki tiki tiki hau pa꞉la꞉ ekina꞉ hone wia꞉pa꞉peke aleo.

Ma꞉tiu 22:21

Sisana꞉ ekie lemekeme. Koto lemeke Yesuma꞉ iki pa꞉ta꞉ alota꞉ Sisana꞉ alemanu meata꞉ kota꞉ Sisa pa꞉ta꞉ kone pa mea hala꞉pa꞉peke. Kutupa Koda꞉na꞉ alemanu ya꞉ka꞉na꞉ta꞉ kota꞉ Koda꞉ pa꞉ta꞉ kone pa mea hala꞉pa꞉peke leekeme.

Dia꞉mesi 2:4

kota꞉ ikana꞉ma꞉ mo hali yaapota꞉ ta꞉ta꞉ ta꞉ta꞉ pea telipaaso hata꞉ honditi na pilimipe. Kutu pimika꞉na꞉ta꞉ ikana꞉ma꞉ ika꞉ kone pi yokaalu pita꞉la꞉ ekina꞉ tumiki haliweki mea haaso hata꞉ hoke hone wilimikie.

Epesese 6:1

Weki wandikio. Tekehalima꞉ waleeke handa ika꞉ apa꞉ ama꞉ yaapona꞉ pi na tunkuliki opua꞉tiki pea꞉pa꞉peke. Kutu pimika꞉na꞉ta꞉ tikitiki hau pu halimikie.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

Hibulu 11:23

Mosesina꞉ inkiki ateke yaapoma꞉ make ipilika꞉ hone tulao haepeke ekima꞉ta꞉ ipilika꞉ weki Mosesi mendipiki hoki naneta꞉ sumba꞉ tepo tukiki pa꞉ta꞉ mondu panka꞉ wipikime. Ipikita꞉ ota꞉ epeke weki seliapo yeke handaata꞉ mo kini halina꞉ pi wieke ekina꞉ paala꞉ma꞉ na homepekeme.

Luku 22:8

Yesuma꞉ Pida pita꞉ Dioni yaapo pa꞉ta꞉ dupiki pi mea pena꞉ lo tapaaso alota꞉ Pua nika꞉ Lombei Pupa Yapeeke Natena꞉ ne nolo polome alena꞉ tikitiki yaalo pupa꞉e leekeme.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 5:28

Mo hande halina꞉ bikina꞉ wanda꞉hali pa꞉ta꞉ pi ma꞉nda꞉ na wala꞉pa꞉peke laa iki pa꞉ta꞉ na lapa꞉peke laa ta꞉e leke pi loma꞉pate ikana꞉ma꞉ pimieki hone wia꞉pa꞉peke. Do Diutuseleme da paeyao pa꞉ta꞉ ika꞉ pi yama꞉ tumbulu bao ula꞉me. Kutupa make mo hande hali homea꞉ ekita꞉ ikana꞉ma꞉ niki tulaasememe laa leekeme.