Aposolo 3:26 - Panake Pi La: Ula: Buka pita: Kine Pieke Buka

²⁶ Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Aposolo 3:26 Referans Kwoze

Ma꞉tiu 1:21

Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Aposolo 3:22

Mosesima꞉ dupa leekeme. Ika꞉ Koda꞉ hande Tekehalima꞉ I̱ tapaeya꞉ tupa꞉ iki pa꞉ta꞉ make potopede hali ma꞉nda꞉ tapaalieke. Koto halita꞉ ika꞉ tapake hali kone tapaalieke. Ipikana꞉ma꞉ eki pimanu iki pa꞉ta꞉ lea꞉ka꞉na꞉ta꞉ ota꞉ opua꞉pa꞉peke.

Diudi 1:24

Koda꞉ma꞉ta꞉ iki lopaama꞉na꞉yeke ana꞉na꞉ handeteke hala꞉me. Kutupa mo ipika꞉ pa̱a̱ pu hala꞉ alena꞉ pua hamena꞉ yeke ipikana꞉ma꞉ iki ana꞉na꞉ hatuku pua꞉peke ya꞉la꞉me. Koto pa꞉ta꞉ta꞉ ikita꞉ ata꞉ka꞉ ma꞉nda꞉ na piki ta꞉na꞉ pita꞉la꞉ ekina꞉ tumbulu bao halimikie.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Aposolo 3:25

Mo potopede haliwekima꞉ Koda꞉ma꞉ la꞉ wieke pimanu la hale hale pimiki ekita꞉ ika꞉eki kone ula꞉me. Kutupa make Koda꞉ma꞉ ika꞉ apa꞉mei ameda ame̱le̱ pi la꞉ wieke ekita꞉ iki pa꞉ta꞉ make la꞉ ula꞉me. Koda꞉ma꞉ Eipoloha꞉ma꞉ pa꞉ta꞉ leeke tupa꞉ dupae. Naka꞉ hoki nane monduma꞉ monduma꞉ pilimi wanda꞉halima꞉ kenke wanda꞉hali paeyao I̱ma꞉ epeaalueke laa leekeme.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Loma꞉ 15:29

I̱ epoa꞉ka꞉na꞉ta꞉ kota꞉ Ketisoma꞉ iki ota꞉ wotu epeaena꞉yeke ipuluekema꞉ loa꞉me.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

Aposolo 13:26

Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Aposolo 3:20

Dupimika꞉na꞉ta꞉ ika꞉ temoko manuna꞉ honkopu ha tiaasa꞉eki Koda꞉ma꞉ kiaata꞉ kutupa Yesuta꞉ Koda꞉ma꞉ amba꞉ mea ika꞉ Ketiso hali haena꞉ leeke hali iki pa꞉ta꞉ tapaalieke.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Ma꞉tiu 15:24

Yesuma꞉ ika꞉ pi hombo peaaso alota꞉ I̱ta꞉ mo hande Isulai tapake alu pula꞉ sipisipimanu leke haleme wanda꞉hali pa꞉ta꞉ tapaaleke handaa epolome leekeme.

Dioni 4:22

Iki Sametia wanda꞉hali ikana꞉ma꞉ yeni piteleme ekita꞉ epi pa꞉ta꞉ pitelemepe. Ikana꞉ma꞉ wopu na handelememe. Kutu pitelemepate niki Diu wanda꞉hali nikana꞉ma꞉ yeni pitoloma꞉ ekita꞉ epi pa꞉ta꞉ pitoloma꞉pe kota꞉ ota꞉ handoloma꞉me. Pa ekipeke mo wanda꞉hali da꞉taasa꞉ ekita꞉ Diu wanda꞉hali pa꞉ta꞉ kini pea ipula꞉eke handa loa꞉me leekeme.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Loma꞉ 15:8

I̱ma꞉ iki pa꞉ta꞉ la kitolo ekita꞉ dupae. Ketisoma꞉ta꞉ Diu wanda꞉halina꞉ e pokalo a꞉pa꞉la꞉ ekita꞉ Koda꞉ma꞉ ipika꞉ la꞉ wieke pimanu ota꞉ yao hala꞉me laa la kuluekema꞉ pokalo epeekeme. Ketisoma꞉ta꞉ Koda꞉ma꞉ mo hande Diu wanda꞉halina꞉ apa꞉mei pa꞉ta꞉ la꞉ wieke pimanu yalo a꞉pata꞉