Aposolo 3:21 - Panake Pi La: Ula: Buka pita: Kine Pieke Buka

²¹ Yesuta꞉ hepeni nane pua hao hala꞉pate Koda꞉ma꞉ ala꞉ta꞉ ala꞉ta꞉ paeyao panake ekimanu wopulu pa꞉la꞉ nate handeteke hala꞉me. Amba꞉ kiaake Koda꞉ma꞉ ipika꞉ yakopiki potopede haliwekima꞉ la hale hale pieke tupa꞉ loa꞉me.

Aposolo 3:21 Referans Kwoze

Loma꞉ 8:21

hande wa꞉pa꞉la꞉ ekimanu paeyao wetepe tandepena꞉ tonkaake nono pea ula꞉pate ipikana꞉ma꞉ ka꞉la꞉pa꞉ tapaaluekema꞉ hone wiekeme. Koda꞉ma꞉ ipika꞉ weki wandiki honkopu hao ota꞉ epeke tupa꞉ ka꞉la꞉pa꞉ tapaalo pa꞉la꞉ ekita꞉ mo hande wa꞉pa꞉la꞉ ekimanu make kotoeki kone mina꞉e hone wiekeme.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

Peneme Yaeyekeeki 22:6

Kutupa mo enisoloma꞉ I̱ pa꞉ta꞉ alota꞉ Do pi manuta꞉ ota꞉eki ya꞉la꞉ ekina꞉ hone tu lapeke ya꞉la꞉me. Kutupa hande potopede haliweki pa꞉ta꞉ Sipitidi halo pa꞉la꞉ Tekehali Koda꞉ma꞉ mo ipika꞉ e pokaaseme haliweki pa꞉ta꞉ ame do koto kone pulu pa꞉la꞉ ekimanu walena꞉yeke ipika꞉ enisolo tapaala꞉me lea꞉me.

Luku 1:70

Ame do yaaso hata꞉ pita꞉la꞉ ekita꞉ amba꞉ titina꞉ kone ipika꞉ pi la꞉mea halo haemeke yako piki haliwekima꞉ ipika꞉ pi la꞉ wiaena꞉yeke leekeme.

2 Pida 3:2

Yaka hone pa꞉la꞉ ekita꞉ mo yakopiki potopede haliwekima꞉ amba꞉ hande la kimi pimanu make hande Pa꞉ta꞉la꞉la꞉ Tekehalina꞉ pi wiekeeki ika꞉ aposolo haliweki pa꞉ta꞉ yama꞉ iki kia꞉eki tonka꞉na꞉ niminatiki piomena꞉ loa꞉me.

2 Pida 1:21

Pa ekipeke mo la꞉ wieke pi ma꞉nda꞉ta꞉ halina꞉ hone pa꞉ta꞉ na epeekepate mo haliwekita꞉ Holi Sipitidima꞉ handeteke hayekeeki oto pa꞉ta꞉ hata꞉ Koda꞉ma꞉ haleeke tupa꞉ walao haemekeme.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Peneme Yaeyekeeki 18:20

Hepenio ta꞉na꞉ma꞉ homa꞉e. Pa ekipeke ipikita꞉ hoeyaala꞉ ekina꞉ loa꞉me. Koda꞉na꞉ wanda꞉hali make mo aposolo haliweki make potopede haliweki make ta꞉na꞉ma꞉ homa꞉pee. Pa ekipeke mo wanda꞉ma꞉ iki pa꞉ta꞉ pia꞉ ekina꞉ Koda꞉ma꞉ ipiki hoeyaala꞉me.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 3:20

Dupimika꞉na꞉ta꞉ ika꞉ temoko manuna꞉ honkopu ha tiaasa꞉eki Koda꞉ma꞉ kiaata꞉ kutupa Yesuta꞉ Koda꞉ma꞉ amba꞉ mea ika꞉ Ketiso hali haena꞉ leeke hali iki pa꞉ta꞉ tapaalieke.

Hibulu 1:1

Mo hande ambi sanake sanake aneketa꞉ Koda꞉ma꞉ hoto eleke elekema꞉ make mandane hau manuma꞉ make ipika꞉ pita꞉ mo potopede haliweki pa꞉ta꞉ yama꞉ nika꞉ apa꞉na꞉ atekena꞉ ateketonu pa꞉ta꞉ la hala꞉tiki pu hayekeme.