Aposolo 3:19 - Panake Pi La: Ula: Buka pita: Kine Pieke Buka

¹⁹ Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Aposolo 3:19 Referans Kwoze

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Ma꞉tiu 18:3

Kutaa ipikana꞉ma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ hone topo pina꞉ lena꞉ laata꞉ mo weki siki leke na haemeka꞉na꞉ta꞉ kota꞉ ikana꞉ma꞉ hepenina꞉ Kilu Tombuao Hala꞉ pa꞉ta꞉ ota꞉ na honda꞉ pambilimikie.

Ma꞉tiu 13:15

Pa ekipeke. Ika꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pelememe. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me la꞉la꞉me leekeme.

2 Desalonaika 1:7

Kutupa iki niki paeyaona꞉ ka꞉nda꞉ pa꞉la꞉eki ipikana꞉ma꞉ yoka꞉ mea baalieke. Koda꞉ma꞉ kutu piki hauta꞉ Tekehali Yesu ipika꞉ honkopu tieke haasa꞉ enisolomanu tonka꞉na꞉ hepeni mina꞉pa꞉lao opolo epemeka꞉na꞉ kutu pilieke.

Aposolo 11:21

Kutupa Koda꞉ma꞉ mo haliweki tamba꞉ minolo haena꞉ wanda꞉hali wopuma꞉ pi meaata꞉ Tekehali pa꞉ta꞉ la꞉ka꞉la pemekeme.

2 Pida 3:8

Koto pa꞉la꞉pate yaka yankeke tonuo. Do alo pi homeke hone na yonka꞉lapa꞉peke. Koda꞉na꞉ leke popelekena꞉ta꞉ nate homeke pita꞉ bapi hali tieke eleke eleke manuta꞉ ata꞉ka꞉ na pa꞉la꞉me. Ipiki pa꞉ta꞉ta꞉ telipuna꞉ mandake hau kone pa꞉la꞉me.

Aposolo 28:27

Pa ekipeke. Do wanda꞉halina꞉ hone manuta꞉ timba꞉ lo make ika꞉ katakemanu poko make ika꞉ lekemanu handupu pa꞉la꞉me. Koda꞉ma꞉ alota꞉ Kutu piki haumanu na pia꞉ka꞉na꞉ yoluta꞉ ika꞉ lekema꞉ epeke hando make ika꞉ katakema꞉ epeke opu make ika꞉ honema꞉ epeke hone wia hata꞉ ikana꞉ma꞉ I̱ pa꞉ta꞉ la꞉ka꞉la epolo pimika꞉na꞉ yoluta꞉ kota꞉ I̱ma꞉ iki wamo pulu pua꞉me laa la꞉la꞉me leekeme lea꞉me.

1 Pida 2:25

Amba꞉ ikita꞉ alu pimi sipisipi ma꞉na꞉ leke haemepate ameta꞉ mo sipisipi handeteke hala꞉ hali tomuemena꞉ hatuku mea epeleme. Ipikita꞉ mo ika꞉ temoko handeteke hala꞉ halie.

2 Desalonaika 1:10

Mo ponka꞉di pilu wieke nate opolo epea꞉ka꞉na꞉ta꞉ Tekehalina꞉ wanda꞉hali paeyaoma꞉ ipiki biki yeiya꞉ laena꞉ make ipiki pa꞉ta꞉ hone tulaaseme wanda꞉halima꞉ ipiki pa꞉ta꞉ ta꞉na꞉ma꞉ homena꞉yeke Tekehali ipilieke. Nikana꞉ma꞉ iki pa꞉ta꞉ waloma꞉ opua꞉ hone tulao haeme ekina꞉ iki make mo hande wanda꞉hali ame̱le̱ mandakena꞉ mombilimikie.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Luku 1:16

Kutupa ipikana꞉ma꞉ Isulai wanda꞉hali wopu pa hatuku ika꞉ Tekehali Koda꞉ pa꞉ta꞉ pelimikie.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Aposolo 17:26

Hali homeke pa꞉ta꞉ kone ipikana꞉ma꞉ wanda꞉hali paeyaona꞉ tapakemanu kenke paeyaona꞉ mea haena꞉ la꞉la꞉me leekeme. Kutupa ika꞉ natemanu wiaota꞉ ika꞉ kenke tombomanu wiaota꞉

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 3:21

Yesuta꞉ hepeni nane pua hao hala꞉pate Koda꞉ma꞉ ala꞉ta꞉ ala꞉ta꞉ paeyao panake ekimanu wopulu pa꞉la꞉ nate handeteke hala꞉me. Amba꞉ kiaake Koda꞉ma꞉ ipika꞉ yakopiki potopede haliwekima꞉ la hale hale pieke tupa꞉ loa꞉me.

Aposolo 1:6

Yesu make mo haliweki ame̱le̱ mandake pa꞉ta꞉ momba꞉la haemeke dina꞉ ikana꞉ma꞉ Yesu pa꞉ta꞉ alota꞉ Tekehalio. Ame do natena꞉ta꞉ nakana꞉ma꞉ Isulai paa kilu tombuao haluekema꞉ alepe lemekeme.

Peneme Yaeyekeeki 21:4

Ipikana꞉ma꞉ta꞉ ika꞉ e̱ pankekemanu honialieke. Koto pa꞉ta꞉ta꞉ homa꞉la꞉eki pa na handilimikie. Kutupa puki tanda pitolo a꞉ta꞉ma꞉ homa꞉la꞉eki make e̱ ala꞉eki make tanda mina꞉la꞉eki make ota꞉ dia꞉ya꞉lieke. Mo amba꞉ haumanu paeyaota꞉ alu paeya꞉me laa lea꞉me.

2 Timodi 2:25

Ipikana꞉ma꞉ mo pi tunkuleleme wanda꞉hali tikitiki yaasota꞉ kimelema꞉ hauma꞉ta꞉ yopu pu halieke. Koto hau a꞉nda꞉ pu haya꞉ka꞉na꞉ta꞉ kota꞉ ikita꞉ Koda꞉ma꞉ iki pa꞉ta꞉ waleke wiaya꞉ka꞉na꞉ta꞉ ika꞉ pukimanu topo pea mo ota꞉ pina꞉ hone ti laemeka꞉na꞉ta꞉

Aposolo 3:20

Dupimika꞉na꞉ta꞉ ika꞉ temoko manuna꞉ honkopu ha tiaasa꞉eki Koda꞉ma꞉ kiaata꞉ kutupa Yesuta꞉ Koda꞉ma꞉ amba꞉ mea ika꞉ Ketiso hali haena꞉ leeke hali iki pa꞉ta꞉ tapaalieke.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

Luku 22:57

Koto leekepate Pidama꞉ Dia꞉me laa honi mea baaso alota꞉ Wanda꞉o. Ipikita꞉ I̱ na handolome leekeme.