Aposolo 3:17 - Panake Pi La: Ula: Buka pita: Kine Pieke Buka

¹⁷ Ya kametitio. Ikana꞉ma꞉ make ika꞉ you haliwekima꞉ tonka꞉na꞉ Yesu pa꞉ta꞉ pimiki ekita꞉ teke na handa꞉ wiki hata꞉ pimi ekita꞉ I̱ma꞉ hone witolome.

Aposolo 3:17 Referans Kwoze

Luku 23:34

Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Aposolo 13:27

Mo Diutuseleme da pa꞉ta꞉ haleme wanda꞉halima꞉ make ika꞉ you haliwekima꞉ make Yesuta꞉ wanda꞉hali Da꞉taasa꞉ Hali hala꞉ ekita꞉ hone na wimikime. Mo Hoto Pila꞉ Natemanu paeyaona꞉ mo hande potopede haliwekima꞉ wape pea ula꞉ ekimanu yata꞉po halemeeki make hone wopu na wilimime. Kutu pimikipate ikana꞉ma꞉ta꞉ Yesuta꞉ lia homaemeke ekima꞉ mo hande potopede haliwekima꞉ wape pea ula꞉eki kone yaemekeme.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

Dioni 16:3

Yaka Apa꞉ diki na handeleme ekina꞉ koto haumanu pilimikie.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.

Loma꞉ 11:2

Koda꞉ma꞉ta꞉ panake pa꞉ta꞉ talopu mea haena꞉ la꞉la꞉ ipika꞉ wanda꞉halita꞉ na kiaeyekeme. Hande Baibolo bukana꞉ wape pa꞉la꞉ ekita꞉ Ilaidiama꞉ Isulai wanda꞉hali pa꞉ta꞉ pi alo hata꞉ Koda꞉ pa꞉ta꞉ ota꞉ honke leeke ekita꞉ ikana꞉ma꞉ opimime.

Aposolo 26:9

Mo hande Na꞉sa꞉tete hali Yesuna꞉ bikina꞉ pita꞉la꞉ ekimanu sa꞉sa꞉ puluekema꞉ I̱ma꞉ta꞉ hau ma꞉nda꞉ wotu puluekema꞉ hone wopu wiaata꞉

Aposolo 7:40

Ikana꞉ma꞉ Etoni pa꞉ta꞉ alota꞉ Nakana꞉ma꞉ niki hatuku polo peleme koda꞉manu wepiae. Mo hande Idiepi nane hamono niki hatuku epea꞉ hali Mosesita꞉ hane pa꞉la꞉pe niki na handoloma꞉me lemekeme.

Dioni 7:52

Mo haliwekima꞉ ipiki lu pambaaso alota꞉ Neke make mo hande Ka꞉lili hali yekea. Mo Baibolo buka yata꞉pata꞉ mo Koda꞉na꞉ potopede hali ma꞉nda꞉ta꞉ oli Ka꞉lili nane hao epolo pa꞉la꞉eki na handilipikie lemekeme.

Kini Pieke 44:15

Diosepema꞉ alota꞉ Ikana꞉ma꞉ta꞉ ekipiki hau pea pelemepe. Ikana꞉ma꞉ta꞉ dupiki e pokolo hali I̱ma꞉ta꞉ ika꞉ peleme hauta꞉ mo handehau pea na handa꞉ ulueke hone wimipe leekeme.

Kini Pieke 39:8

Koto leeke mo wekima꞉ kiaaso hata꞉ mo wanda꞉ pa꞉ta꞉ alota꞉ Handa꞉e. Yaka you halima꞉ta꞉ do I̱ halo ekina꞉ ipika꞉ da pa꞉ta꞉ ula꞉ alemanu paeyaota꞉ hone bao hala꞉me. Ipikana꞉ma꞉ta꞉ ala꞉ta꞉ ala꞉ta꞉ paeyao I̱ma꞉ handeteke hano la꞉la꞉me.

Kini Pieke 21:26

Abimelekema꞉ hombo peaaso alota꞉ Do hau pa꞉la꞉ someta꞉ epipe. Nakana꞉ma꞉ I̱ na laa keleme. Kutupa ame do siki opitolome leekeme.

Pilipai 1:22

Koto pa꞉la꞉pate pa ya hao halue ekima꞉ta꞉ mo epeke e mandaneeki pia꞉peke ya꞉ka꞉na꞉ta꞉ kota꞉ I̱ma꞉ta꞉ handoeki ma̱leke lua꞉pe mone mata꞉la꞉me.

Luku 23:13

Pailedima꞉ mo yeni peao haemeke you haliwekima꞉ make tondiki haliwekima꞉ make mo wanda꞉hali

Dioni 15:21

Ikita꞉ yakaeki halemeke handaa do haumanu paeyao iki pa꞉ta꞉ pilimikie. Kutupa make I̱ tapaala꞉ hali na handolo hata꞉ pilimikie.

Aposolo 22:5

Mo yeni peao haleme you haliwekina꞉ you halima꞉ make mo ka̱le̱sete haliwekima꞉ make handememe leekeme. Mo haliweki pa꞉ta꞉ ika꞉ Damasikasi hameke titina꞉ pasemanu meaka꞉na꞉ oli da nane Ketiso wanda꞉hali muluekema꞉ poa꞉me leekeme. Mo wanda꞉hali mea tonkao Diutuseleme da nane hatuku a꞉pa panisi peaaluekema꞉ pua꞉me leekeme.

Aposolo 28:21

Kutupa ikana꞉ma꞉ ipiki pa꞉ta꞉ alota꞉ Diudia nanema꞉ neke pa꞉ta꞉ wape pea ipula꞉ pasemanu na muma꞉me. Kutupa do ane epea꞉ kame homekema꞉ pi ma꞉nda꞉ hoke pi make neke pa꞉ta꞉ na la꞉la꞉me lememe.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.