Aposolo 3:15 - Panake Pi La: Ula: Buka pita: Kine Pieke Buka

¹⁵ Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Aposolo 3:15 Referans Kwoze

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Peneme Yaeyekeeki 21:6

Kutupa ombu alota꞉ Ameta꞉ pu paela꞉me. I̱ta꞉ titina꞉ make sale nane makee. Kini pitolo make paeyaaso makee. Ma꞉nda꞉ epita꞉ ikali na꞉na꞉ma꞉ homea꞉ka꞉na꞉ta꞉ I̱ma꞉ mo opa꞉la꞉ da꞉taasa꞉ ikalita꞉ na hambeke pa nena꞉ waleke halueke.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Hibulu 2:10

Mo ala꞉ta꞉ ala꞉ta꞉ paeyao wepia wina꞉ laa epeke handeteke hala꞉ Koda꞉ma꞉ wekiwandiki eleke eleke ipika꞉ hepeni kenke seliapo nane haena꞉ yeke ika꞉ deto hala꞉eki me̱a̱ya꞉ hali Yesu pa꞉ta꞉ tanda tieke haleeke ekima꞉ Koda꞉ma꞉ ipikita꞉ ota꞉ ika꞉ titina꞉ hali haena꞉ leeke ekita꞉ ota꞉ epeke hau epeke piekeme.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

Dioni 5:26

Hande Apa꞉ma꞉ ipiki kone da꞉ta꞉la꞉ teke hali hala꞉ tupa꞉ ipika꞉ Eiyeke make ipiki kone da꞉ta꞉la꞉ teke hali haena꞉ la꞉la꞉me.

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Peneme Yaeyekeeki 22:17

Mo Sipitidi pita꞉ mo hali panake pula꞉ wanda꞉ yaapoma꞉ alota꞉ Epoe ala꞉me. Do pi opilimi tapake paeyaoma꞉ make Epoe lapa꞉peke ya꞉lieke. Ikali na꞉na꞉ma꞉ homele some epita꞉ do da꞉taapeke ya꞉la꞉ ikalita꞉ pa hameke kita꞉la꞉ekie laa mea꞉peke ya꞉la꞉me. Dota꞉ ma꞉nda꞉ epi hone pa꞉la꞉ somena꞉ loa꞉me lea꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

Dioni 17:2

Nakana꞉ma꞉ ipikita꞉ wanda꞉hali paeyaona꞉ you haena꞉ laata꞉ Nakana꞉ma꞉ ipiki pa꞉ta꞉ halo pele wanda꞉hali paeyaota꞉ ipikana꞉ma꞉ da꞉tao hao haena꞉yeke lele ekina꞉ loa꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 4:10

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Epesese 1:20

hande Koda꞉ma꞉ wele wotu pitolo hata꞉ Ketisota꞉ homa wieke lapa꞉ pa꞉ta꞉ kone mea tiaota꞉ oli hepeni nane ipika꞉ popeke kiki nane mea pitaeyekeeki kotoeki kone niki tukiki pa꞉ta꞉ pila꞉me.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

Luku 24:48

Ikita꞉ do hau manuna꞉ wekitisie.

Aposolo 4:2

Pida Dioni yaapoma꞉ Yesuna꞉ bikina꞉ hande homa paa tiaalo poloma꞉eki wanda꞉hali pa꞉ta꞉ walepeke handa mo haliwekima꞉ mineke pankolo hata꞉

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.