Aposolo 28:4 - Panake Pi La: Ula: Buka pita: Kine Pieke Buka

⁴ Mo da haliwekima꞉ hande keto ipika꞉ kikina꞉ hapulia꞉eki handaata꞉ ika꞉ kone ane mone pitolo hata꞉ alota꞉ Do halima꞉ta꞉ ketete pea hali ma꞉nda꞉ litolo pa꞉la꞉me lememe. Dawala pa꞉ta꞉ na homea꞉pate pa ipika꞉ ketetena꞉ homilieke lememe.

Aposolo 28:4 Referans Kwoze

Luku 13:4

Kutupa make mo hande Sailoa꞉me da pa꞉ta꞉ haliao a꞉emeke da hokulu tieke lombolo hata꞉ lu sesape pieke 18 wanda꞉hali pa꞉ta꞉ta꞉ eki hone witelemepe. Mo hande dama꞉ lieke ekina꞉ta꞉ ika꞉ hoke hauta꞉ mo Diutuseleme haleme wanda꞉hali paeyaona꞉ pimiki hoke hau ota꞉ lombei peake tupa꞉ pimikieki peneme yaasa꞉pe.

Luku 13:2

Koto ekina꞉ Yesuma꞉ ika꞉ pi hombo peaaso alota꞉ Mo Ka꞉lili haliweki paeyaota꞉ hoke hau pu halemepate ika꞉ honema꞉ta꞉ mo hande limiki haliwekima꞉ hoke hau ota꞉ haka꞉ta꞉pao pimiki yeke handa liekeme hone witelemepe.

Aposolo 28:5

Koto lemepate Poloma꞉ ipika꞉ kiki tande tande laa mo keto ti pa꞉ta꞉ lopaeya꞉me. Kutupa ipika꞉ lokena꞉ ekia꞉nda꞉ na pia꞉me.

Aposolo 28:2

Koto pa꞉ta꞉ haeme haliwekima꞉ niki petololo hata꞉ ti kita kiki kimime. Lako ipulu hata꞉ kosa꞉ pieke handa pimime.

Dioni 7:24

Pa lekema꞉ handolo hata꞉ hone na wiki tiki tiki hau pa꞉la꞉ ekina꞉ hone wia꞉pa꞉peke aleo.

Ma꞉tiu 23:35

Kutu pilimi ekina꞉ pulu pa꞉la꞉ ekita꞉ dupa alome. Mo hande hoke hau na pimiki epeke wanda꞉hali paeya tapao pa pahameke limiki ekina꞉ yenkita꞉ iki nane la꞉ mea lopaalieke. Koto alo ekita꞉ mo hande hoke hau na pieke Eipolo pa꞉ta꞉ kini pu mea lu tiki puaata꞉ mo hande ikana꞉ma꞉ tembolo da oloda yaapo tukiki pa꞉ta꞉ limiki Beta꞉kia꞉na꞉ eiyeke Sekataiya litolo lunaimeke ekina꞉ alome.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.

Ma꞉tiu 27:25

Iki paeyaoma꞉ ipika꞉ pi hombo peaaso doeki lemekeme. Koto halina꞉ weta꞉ nika꞉ biki manda make nika꞉ wekiwandiki paeyao manda make lopa wina꞉e lemekeme.

Kini Pieke 3:1

Mo Koda꞉ma꞉ wepieke hotekemanu paeyao tukiki pa꞉ta꞉ keto homeketa꞉ ota꞉ hone wopu u lenkene piki hoteke wepiekeme. Koto ketoma꞉ mo wanda꞉ lota꞉ pitolo alota꞉ Koda꞉ma꞉ ipiliki pa꞉ta꞉ta꞉ do e pa꞉ta꞉ hala꞉ ti ma꞉nda꞉na꞉ poteke na napa꞉peke laa ota꞉ lea꞉pe laa leekeme.

Aposolo 28:3

Poloma꞉ tisunu mu tonko pea tina꞉ wia꞉pate titipu pieke handa hoke ketoma꞉ a꞉pa ipika꞉ kikina꞉ hapulia꞉me.