Aposolo 28:2 - Panake Pi La: Ula: Buka pita: Kine Pieke Buka

² Koto pa꞉ta꞉ haeme haliwekima꞉ niki petololo hata꞉ ti kita kiki kimime. Lako ipulu hata꞉ kosa꞉ pieke handa pimime.

Aposolo 28:2 Referans Kwoze

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Loma꞉ 1:14

Kapomanina꞉ pita꞉la꞉ hau handeleme wanda꞉hali pa꞉ta꞉ make na handeleme wanda꞉hali pa꞉ta꞉ make wape handeleme wanda꞉hali pa꞉ta꞉ make wape na handeleme wanda꞉hali pa꞉ta꞉ make paeyao pa꞉ta꞉ I̱ma꞉ pi wala꞉peke ya꞉la꞉me.

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

Aposolo 28:4

Mo da haliwekima꞉ hande keto ipika꞉ kikina꞉ hapulia꞉eki handaata꞉ ika꞉ kone ane mone pitolo hata꞉ alota꞉ Do halima꞉ta꞉ ketete pea hali ma꞉nda꞉ litolo pa꞉la꞉me lememe. Dawala pa꞉ta꞉ na homea꞉pate pa ipika꞉ ketetena꞉ homilieke lememe.

1 Kotindi 14:11

Kutu pa꞉la꞉pate hande pi ala꞉ halina꞉ pita꞉ I̱ma꞉ na opua꞉ka꞉na꞉ta꞉ kota꞉ I̱ma꞉ ipikita꞉ da ma꞉nda꞉ nane hao a꞉pa hala꞉ halie hone ulueke. Kutupa ipikana꞉ma꞉ make I̱ta꞉ da ma꞉nda꞉ nane hao a꞉pa halo halie hone wilieke.

Ma꞉tiu 10:42

Epima꞉ do ya hoki nane tolu hala꞉ you hali dia꞉ ya꞉la꞉pate kone pa ya hoki nane tolu hala꞉ hali ya꞉leke handaa mo hande ipi kanake homeke ma꞉nda꞉ halo haeya꞉ka꞉na꞉ta꞉ kota꞉ koto ikali halia꞉ somema꞉ ipika꞉ yenki putu piliki ota꞉ ana꞉na꞉ milieke hone wia꞉pa꞉peke alome leekeme.

Aposolo 27:3

Da kelepeeke handa mo Saidoni da opolo poma꞉me. Kutupa Diuliusima꞉ Polo pa꞉ta꞉ a꞉ta꞉ma꞉ homolo hata꞉ ipika꞉ yankeke titima꞉ handeteke haena꞉yeke handolo pena꞉ lea꞉me.

Loma꞉ 2:27

Koto ekina꞉ Diendaili haliwekima꞉ta꞉ sekemesaisi hau na piki hata꞉ kone hande Lo Pimanu opua miniki hata꞉ pu haleme ekina꞉ Diu wanda꞉hali kiki ma̱leke lilieke. Pa ekipeke ikana꞉ma꞉ta꞉ hande wape peaala꞉ Lo Pimanu miniki hata꞉ make sekemesaisi hau peaala꞉eki pea hata꞉ make pa yambolo haleme ekina꞉ kiki ma̱leke lilimikie.

Dioni 18:18

Kosa꞉ pieke handa mo e pokaemeke haliweki make mo tembolo da handeteke haemeke haliweki make paeyaoma꞉ punu lankake momba꞉lao ta꞉na꞉ laata꞉ titipuna꞉ pambo haemekeme. Pida make ipika꞉ loke titipu pina꞉ alo mo haliweki haemeke alena꞉ pua hayekeme.

Aposolo 28:3

Poloma꞉ tisunu mu tonko pea tina꞉ wia꞉pate titipu pieke handa hoke ketoma꞉ a꞉pa ipika꞉ kikina꞉ hapulia꞉me.

Loma꞉ 14:1

Hali ma꞉nda꞉ta꞉ ipika꞉ hone tulao hala꞉eki damako pu pa wia꞉ka꞉na꞉ta꞉ kota꞉ iki ame̱le̱ apa꞉tao haena꞉ ikana꞉ma꞉ handa꞉ mea꞉pa꞉peke. Kutu pulu pelemepate ipikana꞉ma꞉ ipika꞉ hone wia pita꞉la꞉eki manuna꞉ ikana꞉ma꞉ ipiki ame̱le̱ ape na lapa꞉peke.

Loma꞉ 14:3

Mo hande nemanu paeyao napeke ya꞉la꞉ halima꞉ta꞉ hande ena꞉ noka꞉pa꞉la꞉ nemanu homeke nala꞉ hali pa꞉ta꞉ laaso hata꞉ ninamu no hala꞉ halie lapeke na ya꞉la꞉me. Kutupa make mo hande ena꞉ noka꞉pa꞉la꞉ nemanu homeke nala꞉ halima꞉ta꞉ hande ne paeyao nala꞉ hali pa꞉ta꞉ hone u hoeyaaso hata꞉ neketa꞉ hoke halie laa lapeke na ya꞉la꞉me. Do alo ekita꞉ do ekina꞉ yeke loa꞉me. Hande ne paeyao nala꞉ halita꞉ Koda꞉ma꞉ ipiki amba꞉ handa꞉ ma꞉la꞉me.