Aposolo 28:16 - Panake Pi La: Ula: Buka pita: Kine Pieke Buka

¹⁶ Kutupa mo Loma꞉ daoni pa꞉ta꞉ opolo poma꞉pate pa Polota꞉ ipika꞉ kone honumake haena꞉ mo ami hali homekema꞉ ipiki handeteke haena꞉ lememe.

Aposolo 28:16 Referans Kwoze

Aposolo 27:3

Da kelepeeke handa mo Saidoni da opolo poma꞉me. Kutupa Diuliusima꞉ Polo pa꞉ta꞉ a꞉ta꞉ma꞉ homolo hata꞉ ipika꞉ yankeke titima꞉ handeteke haena꞉yeke handolo pena꞉ lea꞉me.

Aposolo 24:23

Koto laata꞉ mo Polo handeteke hayeke ami opisa pa꞉ta꞉ alota꞉ Polo handeteke hata꞉ta꞉ ota꞉ dipula pila꞉ hali tupa꞉ na handeteke hake ipika꞉ yankeke titima꞉ ota꞉ mea꞉peke alemanu mea epemeka꞉na꞉ta꞉ sa꞉sa꞉ na pea꞉peke laa leekeme.

Peneme Yaeyekeeki 17:18

Mo hande wanda꞉ta꞉ mo aneke daoni hombelekee. Mo kenke honiki paeyaona꞉ kinimanu handeteke hala꞉ daonie laa lea꞉me.

Peneme Yaeyekeeki 17:9

Doeki manuta꞉ hone u lenkene pita꞉la꞉eki pita꞉ hone wita꞉la꞉eki yaapoma꞉ handa꞉peke ya꞉la꞉ haue. Mo watake hata꞉ amboketa꞉ watake hata꞉ yueli manue. Kotota꞉ mo hande wanda꞉ pila꞉ alena꞉e. Kutupa make ikita꞉ watake hata꞉ kini manue.

Aposolo 27:43

pa ika꞉ opisa halima꞉ Polo tamba꞉ muluekema꞉ mo haliweki hone wimieki tunkula sa꞉sa꞉ pia꞉me. Ipikana꞉ma꞉ pi la alota꞉ Kiki moka꞉lapeke ya꞉la꞉ haliweki amba꞉la dawala pa꞉ta꞉ ponkaniao kenke nane pua꞉pa꞉peke lea꞉me.

Aposolo 27:31

Poloma꞉ mo opisa hali ipika꞉ ami haliweki tonka꞉na꞉ iki pa꞉ta꞉ alota꞉ Do palai kawaso handeteke haleme haliweki do pa꞉ta꞉ na pitimika꞉na꞉ta꞉ da꞉ta꞉peke na ya꞉la꞉me lea꞉me.

Aposolo 23:11

Kutupa nate ma꞉nda꞉na꞉ timba Tekehalima꞉ Polo teke pa꞉ta꞉ a꞉pa hata꞉ alota꞉ Honkopu hapeke. Do Diutuseleme da pa꞉ta꞉ yaka pi la halawaeye tupa꞉ mo Loma꞉ da pa꞉ta꞉ make pi la halawaalena꞉e leekeme.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 18:2

Diu hali homeke Akuila mo Pondasi da nane hali kone pua handeekeme. Koto halita꞉ ipika꞉ weteke Pisila yaapo mo Ideli nane mina꞉pa꞉lao panake a꞉pa haepekeme. Mo Sisa Kolodiusima꞉ Diu wanda꞉hali paeyaota꞉ Loma꞉ da mina꞉pa꞉lao pupe leeke handa epepekeme. Poloma꞉ta꞉ ipiliki handuluekema꞉ ipilika꞉ da pa꞉ta꞉ peekepate

Aposolo 2:10

Pitikia nane make Pa꞉mbilia nane make Idiepi nane make mo Saitini teke pa꞉ta꞉ Libia nane make mandane haliweki Loma꞉ da hao epoloma꞉me laata꞉ nikita꞉ Diu haliweki make mo Diu haliwekina꞉ hau puluekema꞉ la꞉ka꞉la haloma꞉ Diendaili haliwekima꞉ make mandane ekita꞉

Kini Pieke 37:36

Kutu pitolo haena꞉ta꞉ mo Midiani tapakema꞉ta꞉ oni Idiepi pua Diosepeta꞉ mo kinina꞉ da handeteke haena꞉ leeke you some ma꞉nda꞉ Podipama꞉ hambena꞉ tapaemekeme.