Aposolo 27:11 - Panake Pi La: Ula: Buka pita: Kine Pieke Buka

¹¹ Koto leekepate mo opisa halima꞉ Poloma꞉ lea꞉ pi na opiki mo palai kawaso teke halina꞉ pi pita꞉ mo teke handeteke hayeke hali yaapona꞉ pi homeke opia꞉me.

Aposolo 27:11 Referans Kwoze

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

Aposolo 27:21

Kutupa nate paeyao ne na nemeke handa Poloma꞉ta꞉ tiao iki pa꞉ta꞉ pua alota꞉ Haliwekio. I̱ma꞉ hande loa꞉ pi opua꞉pa꞉peke aleo. Kotiti nane na mina꞉pa꞉laemeka꞉na꞉ yoluta꞉ do ala꞉ta꞉ ala꞉ta꞉ la꞉tieke na hao weleke we puma꞉ ekita꞉ na pulu puma꞉me lea꞉me.

Peneme Yaeyekeeki 18:17

Pate nateleke homeke sikina꞉ kone do hamoko alemanu paeyao alu paeya꞉me. Mo dawalana꞉ sipi you haliweki make mo sipina꞉ pua꞉tiki pimi wanda꞉hali make mo sipina꞉ e poka꞉la꞉ haliweki make mo dawalana꞉ ane mone e pokeme wanda꞉hali paeyao make papate haememe.

Dia꞉mesi 3:4

Mo hande sisima pa꞉ta꞉ make hone wia꞉pa꞉peke. Ale tieke kone po tiekema꞉ mea puaasa꞉pateta꞉ mo hande kapidini halima꞉ ipika꞉ hone pa꞉la꞉ nane poluekema꞉ mo hande mendeke nane hapulaala꞉ alesiki la꞉ka꞉lolo hata꞉ kone pota꞉ mea puaasa꞉me.