Aposolo 26:18 - Panake Pi La: Ula: Buka pita: Kine Pieke Buka

¹⁸ Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Aposolo 26:18 Referans Kwoze

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.

Epesese 1:18

I̱ma꞉ yeni pu halo ekita꞉ ika꞉ hone lumbu wia ipika꞉ pa̱a̱ pa꞉la꞉eki handoemena꞉yeke pu halome. Kotoeki handemeka꞉na꞉ta꞉ Koda꞉ma꞉ ipika꞉ pi la꞉ witolo hata꞉ ipika꞉ wanda꞉hali wotu epeaalo pa꞉la꞉ ekimanu ota꞉ seliapo pikieki hone wilimikie.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

Aposolo 20:32

Kutupa ameta꞉ Koda꞉ pa꞉ta꞉ make ipika꞉ pa a꞉ta꞉ma꞉ homa꞉la꞉ pi ale pa꞉ta꞉ make iki halolome. Ipikana꞉ma꞉ta꞉ iki daeyaapeke yao ipika꞉ talopu mea haena꞉ la꞉la꞉ wanda꞉hali ame̱le̱ ika꞉ anke teke mulu pelemeeki ana꞉na꞉ kia꞉peke ya꞉la꞉me lea꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Dioni 8:12

Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

Luku 1:79

Kutupata꞉ mo homa꞉la꞉ ekina꞉ paala꞉ma꞉ homolo hata꞉ timba꞉ la꞉pa pa꞉la꞉ ekina꞉ tu̱ pa꞉ta꞉ haleme wanda꞉hali pa꞉ta꞉ make Koda꞉ma꞉ oli ya nane hata꞉ pa̱a̱ peanialieke. Nikita꞉ mo puki lopa꞉niao pula꞉ pota꞉na꞉ pomonoyeke ipikana꞉ma꞉ nika꞉ pota꞉ walolo hata꞉ do haumanu pilieke laa leekeme.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

2 Kotindi 6:14

Mo hone na tulaleme wanda꞉hali ame̱le̱ apa꞉tao e pokuluekema꞉ na taapa꞉peke. Pa ekipeke iki ota꞉ ta꞉ma꞉ni pea꞉peke na ya꞉la꞉me. Tikitiki hau pita꞉la꞉eki pita꞉ ata꞉ka꞉ piki hau pita꞉la꞉eki yaapota꞉ ekipa yankeke hapeke ya꞉la꞉pe. Pa̱a̱ pa꞉la꞉eki pita꞉ timba꞉ la꞉la꞉eki yaapota꞉ ekipa apa꞉tao hapeke ya꞉la꞉pe.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.

1 Dioni 1:9

Pate nikana꞉ma꞉ nika꞉ hoke haumanu Koda꞉ pa꞉ta꞉ kelepoma꞉ka꞉na꞉ta꞉ kota꞉ ipikana꞉ma꞉ ipika꞉ pulueke laa la꞉ ula꞉eki pilieke. Kutupa ota꞉ tikitiki pita꞉la꞉ hau pitolo hata꞉ nika꞉ hoke haumanu paeyao paeyaasota꞉ nika꞉ hokeeki poloma꞉eki paeyao wamo pealieke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.

1 Pida 2:25

Amba꞉ ikita꞉ alu pimi sipisipi ma꞉na꞉ leke haemepate ameta꞉ mo sipisipi handeteke hala꞉ hali tomuemena꞉ hatuku mea epeleme. Ipikita꞉ mo ika꞉ temoko handeteke hala꞉ halie.

Hibulu 11:6

Ma꞉nda꞉ hali epima꞉ hone na tulake hata꞉ Koda꞉ ta꞉na꞉ma꞉ homaapeke na ya꞉la꞉me. Ekipeke. Hali homeke ma꞉nda꞉ma꞉ a꞉nda꞉ Koda꞉ teke pa꞉ta꞉ puluekema꞉ pia꞉ka꞉na꞉ta꞉ kota꞉ titina꞉ amba꞉la ipika꞉ honema꞉ta꞉ Koda꞉ ota꞉ hala꞉me laa ipikana꞉ma꞉ mo ipiki ota꞉ wei moneao haleme wanda꞉hali iki epeaasa꞉ ota꞉ epeke yenki mola꞉me hone tulaapeke ya꞉la꞉me.

Aposolo 13:47

Pa ekipeke Koda꞉ma꞉ dupape laa niki pa꞉ta꞉ leeke ekita꞉ dupae. Ikita꞉ mo Diendaili wanda꞉halina꞉ pa̱a̱ pita꞉la꞉eki hamina꞉ la꞉la꞉me leekeme. Ikana꞉ma꞉ mo kenke honiki nane pa꞉ta꞉manu da꞉taasa꞉eki mea pomina꞉ la꞉la꞉me leekeme.

Aposolo 15:9

Kutu pieke ekima꞉ ipikana꞉ma꞉ta꞉ niki Diu wanda꞉hali make iki Diendaili wanda꞉hali make ta꞉ta꞉ ta꞉ta꞉ pea na haloma꞉eki waleekeme. Ika꞉ hone tulaemeke ekina꞉ ipikana꞉ma꞉ ika꞉ hoke haumanu pa paeyaeyekeme.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

Dioni 9:5

I̱ kenkena꞉ a꞉pa halo dina꞉ta꞉ kenkena꞉ pa̱a̱ peaasoeki halome leekeme.

Dioni 3:19

Mo pi yokaalu pulu pa꞉la꞉ ekita꞉ dupae. Do kenkena꞉ pa̱a̱ pa꞉la꞉eki amba꞉ epa꞉la꞉pate haliwekima꞉ta꞉ ika꞉ hoke haumanu pu haleme ekina꞉ hande pa̱a̱ pa꞉la꞉ ekita꞉ kiao mo timba꞉la꞉ pamba꞉la꞉eki pa꞉ta꞉ haluekema꞉ hone witelememe.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.

1 Pida 1:4

Koda꞉ma꞉ kita꞉la꞉ ota꞉ epeke ale manuta꞉ ipika꞉ wanda꞉halima꞉ mina꞉ momba꞉la wiala꞉ ekie. Koto ekina꞉ta꞉ do ale manuta꞉ nikana꞉ma꞉ mulumeke hone ti lao haloma꞉me. Ipikana꞉ma꞉ mo ota꞉ epeke ale manuta꞉ hepeni nane kukutu na pu o na hoyo make honipa pua꞉peke na yo pia꞉peke ale pa꞉ta꞉ wiala꞉me. Mo ale manuta꞉ ika꞉eki wiawala꞉me.

Dioni 17:17

Nakana꞉ma꞉ naka꞉ ota꞉ pi lele ekima꞉ do haliwekita꞉ yakopiki haliweki haena꞉ lapeke. Naka꞉ pita꞉ ota꞉ ekie.

Luku 1:77

Nakana꞉ma꞉ ipika꞉ wanda꞉hali pa꞉ta꞉ dupa lelipikie. Koda꞉ma꞉ ika꞉ hoke hau peleme ekimanu paeyaaso hata꞉ta꞉ iki mea da꞉taalieke laa lelipikie.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

Hibulu 10:14

Ipikana꞉ma꞉ mo hoke haumanu paeyawaena꞉ la haleme wanda꞉halita꞉ ipika꞉ hoto homeke homeke homeeke ekima꞉ ikita꞉ ota꞉ wamo peayekeme. Koto ekita꞉ ota꞉ na paelieke.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Luku 24:45

Kutupa Yesuma꞉ mo wanda꞉halina꞉ honemanu lumbao mo Baiboloma꞉ leeke ekimanu opina꞉ laa

2 Timodi 2:26

kota꞉ ika꞉ honemanu paa epeke tupa꞉ mea lopao wilimikie. Kutu pimikina꞉ta꞉ kota꞉ ikana꞉ma꞉ Sadanina꞉ hone pa꞉la꞉eki peaena꞉ miniki hala꞉ bisale pa꞉ta꞉ pambelemeeki hola꞉pa yopua halimikie.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

Luku 4:18

I̱ma꞉ natehali wanda꞉hali pa꞉ta꞉manu mo Pi Seliapomanu laanoyeke mo I̱ mea haena꞉ la꞉la꞉ Tekehalima꞉ ipika꞉ Sipitidi I̱ yaapo hala꞉me. Ipikana꞉ma꞉ I̱ tapaala꞉ ekita꞉ mo dipula pila꞉ wanda꞉hali ikita꞉ ka꞉la꞉pa꞉ tapao halememe lono make mo leke holupiki wanda꞉hali ikita꞉ ika꞉ leke manuma꞉ paa handilimikie laa lonoyeke tapaala꞉me. Kutupa make mo ika꞉ ka꞉nda꞉ manuma꞉ kone tekepa꞉ta꞉ hoeyaapeke ya꞉la꞉ wanda꞉hali ka꞉la꞉pa꞉ tapawano make

Luku 2:32

Kutu pitolo hata꞉ ipikana꞉ma꞉ mo Diendaili wanda꞉hali pa꞉ta꞉ pa̱a̱ pa꞉la꞉eki haluekema꞉ make Isulai wanda꞉halina꞉ biki tieke wina꞉ loluekema꞉ make pilieke laa leekeme.

Ma꞉tiu 4:16

mo timba꞉ leke pa꞉ta꞉ hao haleme wanda꞉hali paeyaoma꞉ pa̱a̱ tieke handilimikie. Mo homo hala꞉ timba꞉ leke kenke pa꞉ta꞉ haleme wanda꞉hali iki pa꞉ta꞉ mo pa̱a̱ma꞉ pa̱a̱ peaalieke leekeme.

Hibulu 10:10

Yesu Ketisoma꞉ ipika꞉ Atekena꞉ pi teliolo hata꞉ Atekena꞉ hone piekeeki paeyao pitolo ipika꞉ loketa꞉ paa pa hameke hala꞉la꞉ hoteke we leke pa hoto homeke homeke halaa paeyaeyekeme. Koto pa꞉la꞉ ekima꞉ta꞉ nika꞉ hoke haumanu pa paeyao yokaa yako pea hamono la꞉la꞉me.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Epesese 1:14

Holi Sipitidi ka꞉la꞉ ekita꞉ kota꞉ Koda꞉ma꞉ ipika꞉ wanda꞉hali pa꞉ta꞉ la꞉ wiekeeki ota꞉ yaalo pa꞉la꞉ ekina꞉ ti witolo pa꞉la꞉me. Dupa make Koda꞉ma꞉ ipika꞉ wanda꞉halita꞉ ota꞉ ka꞉la꞉pe tapao hao hamono la꞉la꞉eki wopu wala꞉la꞉me. Hande pa̱a̱ pa꞉la꞉ Koda꞉ ipika꞉ pi laamana꞉e.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Ka꞉leisia 3:2

Ameta꞉ ya lota꞉ pitoloeki homeke doma꞉ ikana꞉ma꞉ hombo peape. Ikana꞉ma꞉ Koda꞉na꞉ Sipitidita꞉ mo pi ula꞉eki manuma꞉ pea꞉peke ala꞉eki opua pimi ekima꞉ mimipe o mo pi seliapo opua koto pi pa꞉ta꞉ hone tulaeme ekima꞉ mimipe.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Aposolo 26:23

Dupa. Ketisota꞉ titina꞉ amba꞉la tanda pa꞉la꞉eki meaata꞉ kutupa titina꞉ homa paa tiaalo pa꞉la꞉ hali hata꞉ mo Diu wanda꞉hali pa꞉ta꞉ make mo Diendaili wanda꞉hali pa꞉ta꞉ make pa̱a̱ pita꞉la꞉eki wala꞉tiki pilieke leleme pi kone I̱ma꞉ make alome leekeme.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Dioni 9:39

Kutupa Yesuma꞉ alota꞉ Do kenkena꞉ wanda꞉halina꞉ pi yokaalu puluekema꞉ epoa꞉me la leke holupiki wanda꞉halima꞉ handena꞉ make handeleme wanda꞉hali make leke holu pea haena꞉yeke epoa꞉me la leekeme.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 4:10

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Aposolo 26:19

Koto ekina꞉ Kini Akatipao. I̱ma꞉ oli ya nanema꞉ peneme yao la꞉niaeya꞉eki opuata꞉ pi na tunkuliki ota꞉ pua꞉me.

Epesese 5:11

Mo timba꞉ lo pamba꞉la꞉ pa꞉ta꞉ hata꞉ napeke na wita꞉la꞉ alema꞉ handeke haumanu pu haleme wanda꞉hali ame̱le̱ na ta꞉ma꞉ni pea na hake kutupiki haumanu mo hande pa̱a̱ peaasa꞉ ekima꞉ kone peneme yaena꞉ lapa꞉peke.

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.