Aposolo 26:14 - Panake Pi La: Ula: Buka pita: Kine Pieke Buka

¹⁴ Kutupa niki paeyao kenkena꞉ honda꞉pa lopa wiomono I̱ma꞉ta꞉ Hibulu pima꞉ kone pi ho̱la̱꞉make I̱ pa꞉ta꞉ lea꞉eki opua꞉me dupae. Solo. Solo. Ekipeke I̱ pa꞉ta꞉ a꞉nda꞉ litelepe lea꞉me. Kanake etima꞉ awa꞉la꞉eki kiaase ekina꞉ tanda koto minele handa꞉e lea꞉me.

Aposolo 26:14 Referans Kwoze

Aposolo 21:40

Kutupa mo halima꞉ A꞉pa꞉la꞉me lolena꞉e leeke handa Poloma꞉ta꞉ mo wata꞉pe manda hata꞉ ipika꞉ kikima꞉ wanda꞉hali pa꞉ta꞉ pi paape laaka꞉na꞉ ikana꞉ma꞉ pi pi na leke haena꞉ Poloma꞉ mo Hibulu pi laa iki pa꞉ta꞉ alota꞉

Aposolo 22:2

Kutupa iki pa꞉ta꞉ ipikana꞉ma꞉ Hibulu pi laa leekeeki opuaka꞉na꞉ pi pi na leke pa haemekeme. Kutupa ipikana꞉ma꞉ iki pa꞉ta꞉ alota꞉

Aposolo 9:7

Kutupa mo Solo ame̱le̱ epemeke haliweki ota꞉ nunu nunu pisiki make ota꞉ na leke hata꞉ mo leeke pi homeke opiekepate ma꞉nda꞉ a꞉nda꞉ na handemekeme.

1 Kotindi 10:22

Pate mo Tekehalima꞉ niki pa꞉ta꞉ soka꞉la꞉ma꞉ homena꞉ loluekema꞉ hone witoloma꞉pe. O nika꞉ honkopuma꞉ta꞉ ipika꞉eki lombei pa꞉la꞉me laa hone witoloma꞉pe.

Aposolo 26:13

Ya tiekeo. Nate you tikekena꞉ haena꞉ pota꞉na꞉ pulu hamono oli ya nanema꞉ pa̱a̱ tieke nate tupa꞉ dia꞉me mo I̱ ame̱le̱ mandakena꞉ poma꞉ haliweki hande pa̱a̱ tiekema꞉ niki dopuaeya꞉eki handoa꞉me lea꞉me.

Aposolo 26:15

Kutupa I̱ma꞉ alota꞉ Tekehalio. Neketa꞉ epika꞉ta꞉pe loa꞉me. Kutupa Tekehalima꞉ alota꞉ I̱ta꞉ Yesue. Nakana꞉ma꞉ I̱ pa꞉ta꞉ a꞉nda꞉ liteleme.