Aposolo 24:25 - Panake Pi La: Ula: Buka pita: Kine Pieke Buka

²⁵ tikitiki hau pita꞉la꞉eki hone tulaasa꞉ pi teke la halolo kone ana꞉na꞉ handeteke hala꞉eki pa꞉ta꞉ make Koda꞉ma꞉ wanda꞉hali paeyao pa꞉ta꞉ pi yokaalu pulu pa꞉la꞉eki pa꞉ta꞉ make kutupiki pi leekepate Pilikisima꞉ paala꞉ma꞉ homolo hata꞉ alota꞉ Ameta꞉ pue laa Nate ma꞉nda꞉na꞉ waleke wia꞉ka꞉na꞉ta꞉ epoelena꞉ paa wi loluekema꞉ ameta꞉ pue leekeme.

Aposolo 24:25 Referans Kwoze

Dioni 16:8

Kutupa a꞉paata꞉ ipikana꞉ma꞉ta꞉ kenke wanda꞉halima꞉ mo hoke hau pita꞉la꞉eki pa꞉ta꞉ make tikitiki hau pita꞉la꞉eki pa꞉ta꞉ make pi yokaalu pulu pa꞉la꞉eki pa꞉ta꞉ make ika꞉ hone u hoeyaasekeeki peneme yao walieke.

1 Pida 3:15

Koto pa꞉la꞉pate Ketiso pa꞉ta꞉ homu pea hata꞉ hone wopu witolo hata꞉ ipikita꞉ ika꞉ Tekehali haena꞉ lapa꞉peke. Kutupa ma꞉nda꞉ma꞉ ika꞉ hone ti lao haleme ekita꞉ ekipape la lota꞉ pia꞉ka꞉na꞉ta꞉ ikana꞉ma꞉ hombo pealuekema꞉ta꞉ tikitiki yao hapa꞉peke.

2 Pida 1:6

Koto ika꞉ hone wilimieki pa꞉ta꞉ta꞉ mo ika꞉ kone loke hone yaapo lu tumbao haleme hau apa꞉taapa꞉peke. Kutupa koto loke hone yaapo lu tumbao halemeeki pa꞉ta꞉ta꞉ puki hana꞉ noka꞉pelemeeki apa꞉taapa꞉peke. Koto ika꞉ puki hana꞉ noka꞉pelemeeki pa꞉ta꞉ta꞉ Koda꞉na꞉ hau leke pitelemeeki apa꞉taapa꞉peke.

Ka꞉leisia 5:23

kimelema꞉ hala꞉ hau make naka꞉ kone naka꞉ loke hone yaapo lu tombuao hala꞉ hau make ipikana꞉ma꞉ta꞉ koto hau paeyao peawaasa꞉me. Dupiki haumanu sa꞉sa꞉ puluekema꞉ Lo Pi ma꞉nda꞉ ota꞉ na ula꞉me.

Aposolo 10:42

Kutupa ipikana꞉ma꞉ niki pa꞉ta꞉ mana꞉ alo hata꞉ alota꞉ dupae. Wanda꞉hali pa꞉ta꞉ pi walemeka꞉na꞉ta꞉ Koda꞉ma꞉ I̱ta꞉ homa꞉la꞉ wanda꞉hali make pa haleme wanda꞉hali make ika꞉ pi yokaalu peaalo polo hali mea hano lea꞉me lapa꞉peke lea꞉me.

1 Dioni 3:7

Yaka wekiwandikio. Ma꞉nda꞉ma꞉ iki na makeaena꞉ lapa꞉peke. Ma꞉nda꞉ epima꞉ ota꞉ hau pia꞉ka꞉na꞉ta꞉ kota꞉ koto someta꞉ mo Ketiso pa꞉la꞉ tupa꞉ tikitiki piki some hala꞉me.

Dia꞉mesi 2:19

Naka꞉ hone tulale ekita꞉ dupae. Koda꞉ homeke hala꞉me ale ekita꞉ epeke alepate pa mo hande hoke temoko manuma꞉ make koto lo halemepateta꞉ pututuma꞉ homolo hata꞉ lo halememe.

Hibulu 9:27

Wanda꞉hali paeyao tana꞉ homeke homaa hoki naneta꞉ Koda꞉ma꞉ pi yokaalu pina꞉ handeteke halieke.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

Hibulu 3:13

Koto hau na pikita꞉ mo hoke hauma꞉ iki makeao haama꞉na꞉ laa ika꞉ puki taka꞉lawaama꞉na꞉ nate paeyao ika꞉ ika꞉ kone epeke pi manuma꞉ tikitiki ya alualu pu hapa꞉peke. Mo Baiboloma꞉ Ame do natee la꞉la꞉ pita꞉ niki pa꞉ta꞉ waleke kitolo aleketa꞉ kota꞉ koto ala꞉ hau pu hamana꞉e.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

2 Kotindi 5:10

Pa ekipeke niki paeyaota꞉ ipikana꞉ma꞉ pi yokaalu pina꞉ Ketisona꞉ leke popelekena꞉ pua hapeke ya꞉lieke. Homeke homekema꞉ ipika꞉ mea꞉peke ya꞉la꞉ ekita꞉ ota꞉ milieke. Ipika꞉ kenke lokema꞉ epekeeki o hokeeki pa꞉la꞉eki paeyao sikina꞉ ana꞉na꞉ kone milieke.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.

2 Timodi 4:1

Mo pa haleme wanda꞉hali pita꞉ amba꞉ homemeke wanda꞉hali pea telipulu pa꞉la꞉ Ketiso Yesu pita꞉ Koda꞉ yaapona꞉ leke popelekena꞉ telepo pi na alopate Ketisota꞉ mo wanda꞉halina꞉ handeteke hao halo pa꞉la꞉ Kini hali ipiliekeyeke ya pukima꞉ ka꞉nda꞉ma꞉ homolo haena꞉ I̱ma꞉ neke pa꞉ta꞉ dupa꞉pekee alome.

2 Kotindi 6:2

Do Koda꞉ma꞉ ala꞉eki opie. Mo iki pa꞉ta꞉ ta꞉na꞉ pa꞉la꞉eki walo pua꞉ nate epeeketa꞉ I̱ma꞉ iki opua꞉me. Mo iki petelolo pua꞉ nate opolo epeeketa꞉ I̱ma꞉ iki tamba꞉ mua꞉me laa la꞉la꞉me. Opie. Do nate leketa꞉ ota꞉ Koda꞉na꞉ ana꞉ pa꞉la꞉eki mulu peleme nate lekee. Ame do nateta꞉ iki petelo pa꞉la꞉ natee.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

Aposolo 24:15

Koda꞉ma꞉ pulu pa꞉la꞉ ekina꞉ I̱ma꞉ ipiki pa꞉ta꞉ hone tulao hata꞉ handeteke hao halo tupa꞉ do haliwekima꞉ make Koda꞉ pa꞉ta꞉ koto tupa꞉ halememe. Dupae. Koda꞉ma꞉ta꞉ wanda꞉hali paeyaota꞉ epeke wanda꞉hali make hoke wanda꞉hali make homa lapa꞉ pa꞉ta꞉ ula꞉ wanda꞉hali paeyao ipikana꞉ma꞉ mea tiaalieke.

Aposolo 17:32

Kutupa mo hande homa pa mea tiaeyekeeki opuaata꞉ mandane haliwekima꞉ ki taemekepate mandane haliwekima꞉ alota꞉ Do alo ekina꞉ta꞉ hoto ma꞉nda꞉ naka꞉ pi opulumekee laa lemekeme.

Aposolo 17:2

Kutupa Poloma꞉ honda꞉ pambaata꞉ hande pu hayekeeki pitolo hata꞉ kutupa Hoto Pila꞉ Nate tepona꞉ mo Baibolo buka pina꞉ pi yokaalu alu pitolo hata꞉

Aposolo 2:37

Mo wanda꞉halima꞉ koto pi opuaata꞉ ika꞉ puki pa꞉ta꞉ aweeke handaa Pida pa꞉ta꞉ make mandane aposolo haliweki pa꞉ta꞉ make alota꞉ Kametitio. Nikana꞉ma꞉ eki peomonope laa lemekeme.

Hibulu 6:2

bapitaisi pita꞉la꞉ hau manuna꞉ pi wala꞉la꞉eki make youna꞉ kiki wia yeni pita꞉la꞉ haumanu make homa paa tiaasa꞉ hau make Koda꞉na꞉ pi yokaalu pea mo honiki na paeke homo hala꞉ alena꞉ tapaalo pa꞉la꞉ ekina꞉ wala꞉la꞉ pimanu make koto amba꞉ hande titina꞉ waloma꞉ pimanu na ambula u hake

Hibulu 12:21

Mo potena꞉ ta꞉ta꞉ piki paala꞉ tieke piki haumanu piekeeki Mosesima꞉ handolo hata꞉ alota꞉ I̱ paala꞉ pitolo hata꞉ pututu tieke pa꞉la꞉me leekeme.

Loma꞉ 14:12

Koto pa꞉la꞉ ekina꞉ niki paeyao niki homeke homekema꞉ nika꞉ poloma꞉ ekimanu Koda꞉ pa꞉ta꞉ ka꞉la꞉pa la halumeke.

Loma꞉ 12:1

Koto pa꞉la꞉ ekina꞉ yaka kame titio. Koda꞉ma꞉ niki pa꞉ta꞉ a꞉ta꞉ma꞉ wotu homo haleke handaata꞉ I̱ma꞉ iki pa꞉ta꞉ honke aloeki ma꞉nda꞉ta꞉ dupa. Hande hotekemanu lia Koda꞉ pa꞉ta꞉ halemeke tupa꞉ ame ikana꞉ma꞉ta꞉ ika꞉ loke manuta꞉ pa da꞉ta hata꞉ kone Koda꞉ pa꞉ta꞉ hala꞉pa꞉peke. Ikana꞉ma꞉ kutu pimika꞉na꞉ta꞉ kota꞉ ikita꞉ ipika꞉eki hata꞉ta꞉ ipika꞉ e pokaaluekema꞉ make ipiki ta꞉na꞉ma꞉ homaaluekema꞉ make pilimikie. Kutu pita꞉la꞉ hauta꞉ Koda꞉ pa꞉ta꞉ panda꞉puniao ika꞉ temokoma꞉ ota꞉ yeni pita꞉la꞉eki pea꞉pa꞉peke aleo.

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

Aposolo 26:28

Kutupa Akatipama꞉ Polo pa꞉ta꞉ alota꞉ Naka꞉ honema꞉ta꞉ I̱ta꞉ paa koto kone Ketiso hali hanoyeke alepe laa leekeme.

Aposolo 17:13

Kutu pimikipate mo Desalonaika Diu haliwekima꞉ Poloma꞉ mo Betia da pa꞉ta꞉ make Koda꞉na꞉ pi ale wala꞉la꞉me pi opuata꞉ koto pa꞉ta꞉ make a꞉paata꞉ pa wanda꞉hali sutiaaso hata꞉ mineke panka꞉ tiaemekeme.

Aposolo 9:6

Tiao oni da nane naka꞉ pulu peleeki loluekema꞉ pue leekeme.

Ma꞉tiu 22:5

Mo biki amba꞉ wia꞉ wanda꞉halima꞉ koto leeke pi opemekepate pa kiao ika꞉ hone piekeeki ta꞉ta꞉ ta꞉ta꞉ pulu pemekeme. Hali ma꞉nda꞉ta꞉ ipika꞉ e pokolo peekeme. Hali ma꞉nda꞉ta꞉ ipika꞉ sidowa pa꞉ta꞉ e pokolo peekeme.

Aposolo 24:26

Pilikisima꞉ hone ma꞉nda꞉ make dupa wiekeme. Poloma꞉ mani ma꞉nda꞉ kina꞉e hone wiekeme. Koto pa꞉la꞉ ekina꞉ Polo epena꞉ wi la꞉tiki pea Polo yaapo pi la꞉tiki pipikime.

Taitasi 1:8

Ipika꞉ da pa꞉ta꞉ta꞉ kimisu wanda꞉hali pambolo opolo pina꞉ ala꞉ hali make epeke hau pita꞉la꞉ ekita꞉ ta꞉na꞉ma꞉ homa hone wotu wita꞉la꞉ hali make ipika꞉ hone pa꞉ta꞉ kone ana꞉e ala꞉ hali make tikitikina꞉ hala꞉ hali make yakopiki hali make ipika꞉ loke handeteke hala꞉ hali make hapeke yelieke.