Aposolo 24:16 - Panake Pi La: Ula: Buka pita: Kine Pieke Buka

¹⁶ Kutu pulu pa꞉la꞉ ekina꞉ I̱ma꞉ta꞉ nate paeyao Koda꞉na꞉ leke minekena꞉ hata꞉ make wanda꞉halina꞉ leke minekena꞉ hata꞉ make yaka pu halo hau pa꞉ta꞉ hokeeki ma꞉nda꞉ taapa꞉paapa꞉na꞉ hone wotu wia hao halome.

Aposolo 24:16 Referans Kwoze

Aposolo 23:1

Kutupa Poloma꞉ mo ka̱le̱sete haliweki wotu handake witolo hata꞉ alota꞉ Kametitio. Hokeeki na piki Koda꞉ pa꞉ta꞉ epeke tupa꞉ hatiki pea ame make hata꞉ pua꞉me leekeme.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

Hibulu 10:22

Koto pa꞉la꞉ ekima꞉ta꞉ nikana꞉ma꞉ nika꞉ puki pa꞉ta꞉ ota꞉ hau homeke miniki halomeke handa make Koda꞉ pa꞉ta꞉ ota꞉ hone tulaomeke handa make Ketisona꞉ wema꞉ mo nika꞉ hoke hone tekena꞉ tande laaleke halomeke handa make mo kila wiki ikalima꞉ nika꞉ loke tanda꞉paleke handa make koto haloma꞉ ekina꞉ta꞉ ota꞉ Koda꞉ teke pa꞉ta꞉ a꞉pa hamana꞉e.

Loma꞉ 2:15

Mo hande Lo Pimanu ika꞉ puki pa꞉ta꞉ mendieleme ekita꞉ ika꞉ pu haleme ekima꞉ peneme yaasa꞉me. Kutupa make mo hande Lo Pimanu ota꞉ekie laa ika꞉ hone pa꞉ta꞉ kone leekeme. Hoto ma꞉nda꞉ma꞉ta꞉ ika꞉ honema꞉ alota꞉ Hokeeki pimime alemepate hoto ma꞉nda꞉ma꞉ta꞉ ika꞉ honema꞉ alota꞉ Epekeeki pimime la alememe.

2 Kotindi 1:12

Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.

1 Pida 3:21

Koto ikalita꞉ mo hande wetepena꞉ bapitaisi hau epolo piekeeki manda mieke ikalie. Do ame pu haleme bapitaisi hauma꞉ta꞉ pa ika꞉ lokena꞉ ha̱i̱ tanda꞉ pelemeeki dia꞉ya꞉la꞉pate ika꞉ epeke hone tekema꞉ Koda꞉ pa꞉ta꞉ pi la꞉ witolo hamena꞉ mo ikalima꞉ iki petolo hala꞉me. Do bapitaisi hauta꞉ mo Yesu Ketisona꞉ paa tiaeyeke ekima꞉ iki petolo hala꞉me.

Taitasi 1:15

Yako piki hau pu hala꞉ somema꞉ paeyaota꞉ pa yako pikieki homeke hone u hala꞉pate pa mo pi na miki ha̱i̱piki hone u hala꞉ somema꞉ paeyaota꞉ yako pikieki dia꞉me hone u hala꞉me. Pa ekipeke ipika꞉ hone wita꞉la꞉ ekimanu make ipika꞉ puki make ha̱i̱ pitolo pita꞉la꞉me.

1 Kotindi 4:4

I̱ pa꞉ta꞉ eki a꞉nda꞉ na handolopate pa koto ekima꞉ta꞉ I̱ma꞉ta꞉ Epeke halie pi lapeke ana꞉ na pa꞉la꞉me. Pa ekipeke yaka hauna꞉ pi yokaalu pea꞉peke halita꞉ mo Tekehali homekee.

1 Pida 3:16

Koto pa꞉la꞉pate ikana꞉ma꞉ hombo peaemeka꞉na꞉ta꞉ epeke hone witolo hata꞉ homu pikima꞉ lapa꞉peke. Ika꞉ hone teke tikitiki yao hala꞉ tupa꞉ kone haena꞉ lo hapa꞉peke. Koto pimika꞉na꞉ta꞉ iki mo Ketisona꞉ hoki nane telia꞉la꞉ wanda꞉hali hata꞉ epeke hau pu halemeeki handata꞉ mo mandane wanda꞉halima꞉ do hauta꞉ hokeekie lemeka꞉na꞉ta꞉ wetepena꞉ koto leme ekina꞉ yaala꞉ma꞉ homena꞉ yeke ika꞉ hone teke tikitiki yao haena꞉ lapa꞉peke.

1 Pida 2:19

Ma꞉nda꞉ma꞉ ika꞉ hoke hau peleme ekina꞉ dia꞉ya꞉la꞉pate pa hameke iki pa꞉ta꞉ ka꞉nda꞉ kia꞉ka꞉na꞉ta꞉ ikana꞉ma꞉ Koda꞉na꞉ hone pa꞉la꞉eki hone witolo hata꞉ mo ka꞉nda꞉ mea tia haemeka꞉na꞉ta꞉ Koda꞉ma꞉ iki tamba꞉ mea epeaalieke.

Hibulu 13:18

Koda꞉ma꞉ niki tamba꞉ mina꞉ yeni na mina꞉pa꞉lake wopu peao hapa꞉peke. Nikana꞉ma꞉ hoto paeyao ota꞉ tikitiki piki hau puluekema꞉ taapo haloma꞉me. Koto ekina꞉ nika꞉ hone teketa꞉ Koda꞉na꞉ leke popelekena꞉ ota꞉ tikitiki pa꞉la꞉me hone witoloma꞉me.

Hibulu 9:14

kota꞉ mo Ketisona꞉ wema꞉ta꞉ koto titina꞉ hau ota꞉ lombei peao hau tieke peaapeke ya꞉la꞉me laa hone wipee. Ipikana꞉ma꞉ta꞉ mo na paelo pa꞉la꞉ Sipitidi pa꞉ta꞉ yama꞉ ala꞉ta꞉ ma꞉nda꞉ na ta̱lekeeki ipiki kone Koda꞉ pa꞉ta꞉ haleekeme. Nikana꞉ma꞉ mo da꞉ta hao hala꞉ Koda꞉na꞉ e ana꞉na꞉ pokomono ipika꞉ wema꞉ nika꞉ hone teke pa꞉ta꞉ ula꞉ popeke na piki haumanu tandepo halieke.

2 Timodi 1:3

Ya apa꞉na꞉ atekena꞉ atekema꞉ Koda꞉ pa꞉ta꞉ hone tulao hao haemeke tupa꞉ I̱ make ya hone tekema꞉ ala꞉ta꞉ ma꞉nda꞉ na ta̱le̱na꞉ leke koto tupa꞉ kone hone tulao halome. I̱ma꞉ timba make natena꞉ make neke hone na yonka꞉lake Koda꞉ pa꞉ta꞉ yeni pitolo keiyae pi lo halome.

1 Desalonaika 2:10

Nikita꞉ iki hone tulaaseme wanda꞉hali ame̱le̱ haeme dina꞉ta꞉ nikana꞉ma꞉ iki pa꞉ta꞉ puma꞉ hau manuta꞉ yakopiki hau make tonda꞉pa꞉piki hau make hau ma꞉nda꞉ na piki hau make puma꞉ ekita꞉ Koda꞉ma꞉ handolo haena꞉ ikana꞉ma꞉ make handolo hamina꞉ puma꞉me.

1 Timodi 3:9

Kutupa hokeeki ika꞉ hone teke pa꞉ta꞉ na u pelia haena꞉ alo hata꞉ta꞉ mo wala꞉ tiaeyeke ota꞉ pimanu wotu miniki hao halimikie.

1 Timodi 1:19

Kutupa naka꞉ hone tulaleeki wopu miniki hata꞉ naka꞉ hone tekemanu ha̱i̱ peaapa꞉na꞉ wopu handeteke hapeke. Mandane haliwekima꞉ta꞉ ika꞉ hone tekemanu pendulu baemeke handaata꞉ ika꞉ hone tulaaseme ekita꞉ mo hande sisima kawasota꞉ toopina꞉ tulaaso yambolo hoeta꞉la꞉ tupa꞉ ika꞉ hone tulaasemeeki make koto tupa꞉ kone ota꞉ hoeyaasememe.

Loma꞉ 9:1

I̱ma꞉ alo ekita꞉ ota꞉ pi alome. I̱ta꞉ Ketisona꞉eki ota꞉ hata꞉ yayapiki pi na alome. Holi Sipitidima꞉ yaka hone pa꞉ta꞉ handeteke haena꞉ I̱ma꞉ta꞉ yayapiki pi aleme laa ya hone pa꞉ta꞉ kone na ala꞉me.

1 Kotindi 10:32

Kutupa mo Diu wanda꞉hali pa꞉ta꞉ make Diendaili wanda꞉hali pa꞉ta꞉ make mo Koda꞉na꞉ siosi wanda꞉hali pa꞉ta꞉ make homeke a꞉nda꞉ mea lopaaluekema꞉ hau ma꞉nda꞉ a꞉nda꞉ na pea꞉pa꞉peke.