Aposolo 24:12 - Panake Pi La: Ula: Buka pita: Kine Pieke Buka

¹² Mo Diu haliwekima꞉ta꞉ mo tembolo da tukiki pa꞉ta꞉ I̱ma꞉ hali ma꞉nda꞉ ame̱le̱ ape alo hano ma꞉nda꞉ma꞉ I̱ na a꞉pa handea꞉me. Mo pi hotu haleme da pa꞉ta꞉manu make mo daoni tukiki pa꞉ta꞉ make aleta꞉ ma꞉nda꞉ pa꞉ta꞉ make I̱ma꞉ wanda꞉hali sutia tia pitolo hano hali ma꞉nda꞉ma꞉ I̱ na a꞉pa handea꞉me.

Aposolo 24:12 Referans Kwoze

Aposolo 25:8

Koto lemekepate Poloma꞉ ipika꞉ kone alota꞉ I̱ma꞉ta꞉ Diu wanda꞉halina꞉ Lo Pimanu pa꞉ta꞉ make mo tembolo da pa꞉ta꞉ pi wilimi ekimanu pa꞉ta꞉ make mo Loma꞉ kapomani hali Sisa pa꞉ta꞉ make hau ma꞉nda꞉ na polome laa leekeme.

Aposolo 28:17

Kutupa nate tepo paeyeketa꞉ Poloma꞉ koto pa꞉ta꞉ haeme tondiki Diu haliweki wi la꞉ mepi peaata꞉ kutupa momba꞉la haena꞉ ipikana꞉ma꞉ alota꞉ Kametitio. I̱ma꞉ta꞉ nika꞉ wanda꞉hali pa꞉ta꞉ make nika꞉ apa꞉mei manuna꞉ peleme ekimanu pa꞉ta꞉ make ekia꞉nda꞉ na pua꞉pate mo Diutuseleme haliwekima꞉ I̱ meaata꞉ Loma꞉ haliweki pa꞉ta꞉ halememe.

Aposolo 24:18

Mo tembolo da tukiki pa꞉ta꞉ koto hau pitolo hata꞉ta꞉ mo hali wamo pitolo pu hala꞉ hau pu paeyao hano kone mo haliwekima꞉ I̱ a꞉pa handememe. Koto pa꞉ta꞉ta꞉ haliweki wopu I̱ ame̱le̱ mandake pa꞉ta꞉ na a꞉pa haememe. Haliwekima꞉ poiya꞉ poiya꞉ na a꞉pa lememe.

Aposolo 24:5

Do hande halima꞉ta꞉ wanda꞉hali hao hoeyaena꞉ dupi dupi laa sutiao hala꞉ hali hala꞉ ekita꞉ handoma꞉me. Ipikana꞉ma꞉ do kenke paeyao pa꞉ta꞉ Diu haliweki ame̱le̱ a꞉nda꞉ semba꞉lalo pa꞉la꞉ pi la꞉tiki pomu hala꞉me. Ipikita꞉ mo Na꞉sa꞉tini tapake wanda꞉halina꞉ you hali ma꞉nda꞉ hala꞉me.

Maka 9:14

Kutupa ikana꞉ma꞉ mo mandane disaipolo haliweki haemeke alena꞉ opolo puaata꞉ koto haliwekita꞉ wanda꞉hali wopu hao popei yao yopua haemeke ekina꞉ handemekeme. Pa ekipeke mandane wape pea wala꞉tiki pu haemeke haliwekita꞉ hande disaipolo haliweki ame̱le̱ kake ne̱li pitolo hata꞉ haemekeme.

Dioni 18:21

Kutu pua꞉ ekina꞉ I̱ ekipeke lota꞉ pitolo alepe laa I̱ma꞉ waloeki opimi wanda꞉hali pa꞉ta꞉ lota꞉ pie. I̱ma꞉ iki pa꞉ta꞉ loa꞉eki manuta꞉ hone wia halememe. Koto ekina꞉ I̱ma꞉ waloeki opuelena꞉ iki pa꞉ta꞉ lota꞉ pie leekeme.