Aposolo 23:9 - Panake Pi La: Ula: Buka pita: Kine Pieke Buka

⁹ Kutupa ape ape alo hata꞉ mandane Pa꞉tisi tapake Wape pea wala꞉tiki pu haemeke haliwekima꞉ tiao alota꞉ Do halita꞉ eki a꞉nda꞉ ketete make na handa꞉ witoloma꞉me. Enisoloma꞉ o temokoma꞉ ipiki pa꞉ta꞉ la pia꞉pe niki mata꞉la꞉me lemekeme.

Aposolo 23:9 Referans Kwoze

Aposolo 22:7

I̱ta꞉ kenkena꞉ honda꞉pa lopa wiono pi ho̱la̱꞉makema꞉ I̱ pa꞉ta꞉ dupa la꞉niaeya꞉me. Solo. Solo. Ekipeke I̱ pa꞉ta꞉ a꞉nda꞉ litelepe laa la꞉niaeya꞉me.

Dioni 12:29

Koto pa꞉ta꞉ pambulu bao haemeke wanda꞉halima꞉ hande pi ho̱la̱꞉make opua alota꞉ Tutu lia꞉me lemekeme. Mandane wanda꞉halima꞉ alota꞉ Enisolo halima꞉ ipiki pa꞉ta꞉ pi alopate lea꞉me lemekepate

Aposolo 26:31

ika꞉ kone pi la alu alu pitolo alota꞉ Do halita꞉ dipula pitina꞉ homaapeketa꞉ ana꞉ na pa꞉la꞉me. Eki a꞉nda꞉ na pia꞉me laa lemekeme.

Aposolo 25:25

Koto alemepate do halima꞉ta꞉ ipika꞉ homolo pa꞉la꞉ hau ma꞉nda꞉ pa꞉la꞉ ekita꞉ I̱ma꞉ na handa꞉ witolome. Ipikana꞉ma꞉ kone Sisama꞉ ipika꞉ pi yokaalu peaena꞉ honke lea꞉ ekina꞉ Sisa pa꞉ta꞉ tapaalueke hone ua꞉me.

Aposolo 23:29

mo ba꞉sa꞉ pimi pita꞉ pa ika꞉ Lo Pi manuna꞉ pimime. Koto ekina꞉ ipikita꞉ dipula mea pitapeke o homena꞉ lapeke ekita꞉ ana꞉ na pa꞉la꞉me handa꞉ ua꞉me.

Maka 2:16

Kutupa mandane wape pea wala꞉tiki pu haemeke haliwekima꞉ Pa꞉tisi haliweki kone Yesuta꞉ mo dakisi mu haemeke haliweki make hoke haliweki ame̱le̱ ne nalo pitimikieki handolo hata꞉ ipika꞉ disaipolo haliweki pa꞉ta꞉ alota꞉ Ekipeke Yesuma꞉ dakisi mani mu haleme haliweki mo hoke haliweki ame̱le̱ ne no pilimipe lemekeme.

1 Kotindi 10:22

Pate mo Tekehalima꞉ niki pa꞉ta꞉ soka꞉la꞉ma꞉ homena꞉ loluekema꞉ hone witoloma꞉pe. O nika꞉ honkopuma꞉ta꞉ ipika꞉eki lombei pa꞉la꞉me laa hone witoloma꞉pe.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 23:8

Mo hande Sa꞉dusi tapake haliwekima꞉ lo haemeke ekimanu dupa Homemeke wanda꞉hali paa na mea tialieke laa mo enisolo tapaketa꞉ na hao hata꞉ pelememe laa make mo temokomanu make na pita꞉ pelememe laa lo haemekepate mo Pa꞉tisi tapake haliwekima꞉ koto pi paeyao opu haemekeme.

Aposolo 11:17

Nikana꞉ma꞉ta꞉ hande Tekehali Yesu Ketiso pa꞉ta꞉ amba꞉ hone tulaome pita꞉ta꞉ Koda꞉ma꞉ niki kia꞉ ekita꞉ kotoeki kone mo Diendaili wanda꞉hali pa꞉ta꞉ make halea꞉me. Koda꞉ma꞉ pita꞉la꞉ ekita꞉ sa꞉sa꞉ pua꞉ka꞉na꞉ta꞉ kota꞉ I̱ta꞉ epipe. Dia꞉me. Sa꞉sa꞉ pea꞉peke na ya꞉la꞉me laa leekeme.

Aposolo 9:4

Kutupa mo some kenkena꞉ honda꞉pa topopi lopolo hata꞉ ho̱la̱꞉make opiekepate alota꞉ Soloo. Soloo. Ekipeke I̱ yaapo a꞉nda꞉ litelepe leekeme.

Aposolo 5:39

Kutu pulu pia꞉pate Koda꞉ma꞉ pina꞉ lea꞉ka꞉na꞉ta꞉ kota꞉ ikana꞉ma꞉ mo haliweki bepolaapeke na ya꞉la꞉me. Kutu pimika꞉na꞉ta꞉ Koda꞉ ame̱le̱ a꞉nda꞉ lita꞉la꞉eki handilimikie leekeme. Kamalielema꞉ mana꞉ leeke pita꞉ mo ka̱le̱sete haliwekima꞉ opimikime.

Luku 23:22

Pailedima꞉ paa hoto tepo peao alo alota꞉ Koto pa꞉la꞉pate ipikana꞉ma꞉ ekipiki pi ata꞉ka꞉ peala꞉pe. I̱ma꞉ta꞉ ipikana꞉ma꞉ homa꞉peke hau ma꞉nda꞉ na pa꞉la꞉ ekina꞉ ipikita꞉ pa dopitama꞉ yombina꞉ laa paa tapalueke leekeme.

Luku 23:4

Kutupa Pailedima꞉ mo yeni peao haemeke teke haliweki pa꞉ta꞉ make mo mombelemeke wanda꞉hali pa꞉ta꞉ make alota꞉ I̱ma꞉ta꞉ do hali hoeyaapeke pota꞉ ma꞉nda꞉ na handa꞉ witolome leekeme.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Aposolo 22:6

Pota꞉na꞉ puaka꞉na꞉ mo Damasikasi da nane opolo poluekema꞉ pulu hano nate you tikekena꞉ haena꞉ oli ya nanema꞉ epea꞉ pa̱a̱ tiekema꞉ I̱ hapisa꞉ pea to hopa꞉liaeya꞉me leekeme.