Aposolo 23:15 - Panake Pi La: Ula: Buka pita: Kine Pieke Buka

¹⁵ Koto ekina꞉ ikana꞉ma꞉ mo ka̱le̱sete haliweki ame̱le̱ hata꞉ mo a꞉nda꞉ tumiki hali pa꞉ta꞉ pi tapaapa꞉peke dupa. Hande Polota꞉ ipika꞉ pi yokaalu ota꞉ tikitikina꞉ pumana꞉yeke hatuku a꞉pa꞉peke laa tapaapa꞉peke lemekeme. Kutupa Polota꞉ a̱i̱ na opolo pa ipulu haena꞉ kone amba꞉ lulumeke lemekeme.

Aposolo 23:15 Referans Kwoze

Aposolo 22:30

Kutupa da kelepeeketa꞉ mo Diu haliwekima꞉ Polo ba꞉sa꞉ pimiki ekina꞉ ota꞉ teke lota꞉ pu handuluekema꞉ mo a꞉nda꞉ tumiki halima꞉ Polona꞉ tonkaemekeeki ka꞉la꞉paka꞉na꞉ta꞉ mo Diuna꞉ yeni peao haemeke you haliweki make ika꞉ ka̱le̱sete haliweki paeyao make mombelena꞉ laata꞉ Polota꞉ mo haliweki pa꞉ta꞉ hatuku mea a꞉pa haena꞉ leekeme.

Aposolo 25:3

Nikana꞉ma꞉ epeke hone wiomono Polota꞉ do Diutuseleme nane epena꞉ lae lemekeme. Koto lemeke pita꞉ Polota꞉ pota꞉na꞉ ipulu haena꞉ luekema꞉ a꞉nda꞉ lomba꞉ wia lemekeme.

Dioni 18:12

Mo ami haliweki ika꞉ you hali tonka꞉na꞉ mo Diu wanda꞉halina꞉ tembolo da handeteke haemeke haliweki make ikana꞉ma꞉ Yesu da꞉ka꞉pa꞉ minaata꞉ puma꞉ tonkao

Aposolo 23:1

Kutupa Poloma꞉ mo ka̱le̱sete haliweki wotu handake witolo hata꞉ alota꞉ Kametitio. Hokeeki na piki Koda꞉ pa꞉ta꞉ epeke tupa꞉ hatiki pea ame make hata꞉ pua꞉me leekeme.

Aposolo 23:6

Kutu piekepate Poloma꞉ mo hande ka̱le̱sete haliweki handaata꞉ mo Sa꞉dusi Pa꞉tisi yaapo tapake haliweki a꞉pa pita꞉ pelememe hone wia iki pa꞉ta꞉ pi anekema꞉ alota꞉ Kametitio. I̱ta꞉ Pa꞉tisi hali hata꞉ Pa꞉tisi tapake weki mendia꞉me laata꞉ Do I̱ pa꞉ta꞉ pi yokaalu piteleme ekita꞉ hande I̱ polo tupa꞉ wanda꞉hali mea tiaalo pa꞉la꞉ ekina꞉ pitelememe laa leekeme.