Aposolo 23:12 - Panake Pi La: Ula: Buka pita: Kine Pieke Buka

¹² Kutupa da kelepeeketa꞉ Diu haliwekima꞉ tome tome pamba nindi pea alota꞉ Ne ikali a̱i̱ na neke hata꞉ Polo amba꞉la lumana꞉e lemekeme.

Aposolo 23:12 Referans Kwoze

Aposolo 23:30

Kutupa haliwekima꞉ Polo luekema꞉ tome tome pambemekeeki ma꞉nda꞉ma꞉ I̱ pa꞉ta꞉ la kieke handaa neke pa꞉ta꞉ koto kone tapaasome. Kutupa ipiki pa꞉ta꞉ ba꞉sa꞉ piteleme haliwekima꞉ neke pa꞉ta꞉ hata꞉ ba꞉sa꞉ pina꞉ loa꞉me loa꞉me laa wape piekeme.

Aposolo 23:21

Koto lelemepate nakana꞉ma꞉ na opua꞉peke. Pa ekipeke mo 45 tupa꞉ haleme haliwekima꞉ nindi pea ne ikali a̱i̱ na neke koto Polota꞉ titina꞉ amba꞉la lumeke laa pota꞉na꞉ yuwia pita꞉ tikitiki yao naka꞉ lolo peleeki opuluekema꞉ handeteke pita꞉ pelememe laa leekeme.

Aposolo 23:14

Kutupa mo yeni peao haemeke teke haliweki pa꞉ta꞉ make mo tondiki haliweki pa꞉ta꞉ make pua alota꞉ Nika꞉ kone ota꞉ nindi tieke pea Ne ikali a̱i̱ na neke hata꞉ Polo amba꞉la lumana꞉e loma꞉me lemekeme.

Aposolo 25:3

Nikana꞉ma꞉ epeke hone wiomono Polota꞉ do Diutuseleme nane epena꞉ lae lemekeme. Koto lemeke pita꞉ Polota꞉ pota꞉na꞉ ipulu haena꞉ luekema꞉ a꞉nda꞉ lomba꞉ wia lemekeme.

Ma꞉tiu 26:4

ikana꞉ma꞉ a꞉mbao Yesu da꞉ka꞉pa꞉ mina homena꞉ luluekema꞉ hone amba꞉ pambao wimikime.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

Ma꞉tiu 27:25

Iki paeyaoma꞉ ipika꞉ pi hombo peaaso doeki lemekeme. Koto halina꞉ weta꞉ nika꞉ biki manda make nika꞉ wekiwandiki paeyao manda make lopa wina꞉e lemekeme.

Ma꞉tiu 26:74

Koto lemekepate Pidama꞉ alota꞉ Do alo pita꞉ Koda꞉ma꞉ opitolo haena꞉ alome. Ya pi loa꞉ka꞉na꞉ta꞉ ipikana꞉ma꞉ I̱ hoeyaena꞉e. Koto aleme halita꞉ I̱ ota꞉ na handolome leekeme. Koto pi alo haena꞉ta꞉ koto kone koka꞉la꞉ tiaeyekeme.

Kini Pieke 37:18

Mo hama̱la̱꞉ hama̱la̱꞉ma꞉ta꞉ Diosepe papate leke epeekeeki hando haota꞉ a̱i̱ na opolo epeke haena꞉ kone pi lo tonkaasota꞉ lu homaamana꞉e laa lemekeme.

Aposolo 9:23

Hosiki hao hao pea wetepena꞉ mo haliwekima꞉ Solo luekema꞉ tome tome pambemekepate mo hande lemeke ekita꞉ Soloma꞉ amba꞉ opiekeme.

Aposolo 9:24

Mo haliwekima꞉ mo pota꞉ kake pa꞉ta꞉ timba andusa꞉ andusa꞉ make pa̱a̱na꞉ make haemekeme.

Aposolo 23:13

Kutupa mo 45 tupa꞉ haliwekima꞉ nindi pea koto lemekeme.

2 Kotindi 11:26

Yaka wopu pomua꞉tiki pu haowa꞉ pa꞉ta꞉ manuta꞉ I̱ lia homaaluekema꞉ mo ikali tieke tea꞉ ekima꞉ teke pa꞉ta꞉ epea꞉ make mo pake nala꞉ haliwekima꞉ make teke pa꞉ta꞉ haememe. Mo Diu yankeke tonu pita꞉ Diendaili tapake yaapoma꞉ta꞉ I̱ hoeyaaluekema꞉ hone wimime. Mo daonimanu pa꞉ta꞉ make hapu hayeke alemanu pa꞉ta꞉ make dawala tieke manuna꞉ make makeaaso yankeke tonu pa꞉ta꞉ make ota꞉ I̱ hoeyaapeke alemanu teke pa꞉ta꞉ hatiki pu haowa꞉me.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.