Aposolo 22:7 - Panake Pi La: Ula: Buka pita: Kine Pieke Buka

⁷ I̱ta꞉ kenkena꞉ honda꞉pa lopa wiono pi ho̱la̱꞉makema꞉ I̱ pa꞉ta꞉ dupa la꞉niaeya꞉me. Solo. Solo. Ekipeke I̱ pa꞉ta꞉ a꞉nda꞉ litelepe laa la꞉niaeya꞉me.

Aposolo 22:7 Referans Kwoze

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Kini Pieke 22:11

mo Tekehalina꞉ enisoloma꞉ ya pa꞉ta꞉ yama꞉ ipiki pa꞉ta꞉ wi alo alota꞉ Eipoloha꞉ma꞉o. Eipoloha꞉ma꞉o leekeme. Ipikana꞉ma꞉ hombo peaaso alota꞉ Wae. I̱ do handa꞉e leekeme.

Kini Pieke 22:1

Nate ma꞉nda꞉na꞉ Koda꞉ma꞉ Eipoloha꞉ma꞉ la handuluekema꞉ wi alota꞉ Eipoloha꞉ma꞉o leeke Eipoloha꞉ma꞉ma꞉ hombo peaasota꞉ Wae laa alota꞉ I̱ do handa꞉e leekeme.

Kini Pieke 16:8

Kutupa alota꞉ Sa꞉taina꞉ pa hameke e pokaaso wanda꞉ Heikao. Neketa꞉ hanema꞉ a꞉pa pelepe laata꞉ hane pulipe leekeme. Heikama꞉ hombo peaaso alota꞉ Ya handeteke hala꞉ wanda꞉ kiao pindipa pulume leekeme.

Kini Pieke 3:9

Pate Tekehali Koda꞉ma꞉ mo hali pa꞉ta꞉ wi la꞉moneaaso alota꞉ Neketa꞉ hando pa꞉ta꞉ halepe leekeme.

Ma꞉tiu 27:23

Kutupa Pailedima꞉ iki pa꞉ta꞉ alota꞉ Pa ekipeke. Eki hau pa꞉la꞉pe leekepate ikana꞉ma꞉ pi pa daeyao tanda pitolo hata꞉ alota꞉ A꞉ka꞉tei wape piki tina꞉ tamendiae laa wi alo alo haemekeme.

Aposolo 9:4

Kutupa mo some kenkena꞉ honda꞉pa topopi lopolo hata꞉ ho̱la̱꞉make opiekepate alota꞉ Soloo. Soloo. Ekipeke I̱ yaapo a꞉nda꞉ litelepe leekeme.

Aposolo 22:6

Pota꞉na꞉ puaka꞉na꞉ mo Damasikasi da nane opolo poluekema꞉ pulu hano nate you tikekena꞉ haena꞉ oli ya nanema꞉ epea꞉ pa̱a̱ tiekema꞉ I̱ hapisa꞉ pea to hopa꞉liaeya꞉me leekeme.

Aposolo 22:8

Kutupa I̱ma꞉ alota꞉ Tekehalio. Neketa꞉ epika꞉ta꞉pe laa la꞉liaowa꞉pate ipikana꞉ma꞉ alota꞉ I̱ta꞉ Na꞉sa꞉tete hali Yesue. Nakana꞉ma꞉ I̱ pa꞉ta꞉ a꞉nda꞉ liteleke pua꞉me laa la꞉niaeya꞉me.