Aposolo 22:16 - Panake Pi La: Ula: Buka pita: Kine Pieke Buka

¹⁶ Kutupa ameta꞉ ekipeke hando halepe. Tiao pua bapitaisi hau pea ipika꞉ bikina꞉ wi alo hata꞉ naka꞉ hoke hau pi ekimanu tanda꞉pena꞉ lapeke lea꞉me leekeme.

Aposolo 22:16 Referans Kwoze

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Aposolo 2:21

Koto di ipula꞉ naneta꞉ hali epima꞉ Tekehalina꞉ biki alo hata꞉ wi lea꞉ka꞉na꞉ta꞉ kota꞉ koto someta꞉ Tekehalima꞉ da꞉taena꞉ loluekema꞉ petelelieke laa leekeme.

Hibulu 10:22

Koto pa꞉la꞉ ekima꞉ta꞉ nikana꞉ma꞉ nika꞉ puki pa꞉ta꞉ ota꞉ hau homeke miniki halomeke handa make Koda꞉ pa꞉ta꞉ ota꞉ hone tulaomeke handa make Ketisona꞉ wema꞉ mo nika꞉ hoke hone tekena꞉ tande laaleke halomeke handa make mo kila wiki ikalima꞉ nika꞉ loke tanda꞉paleke handa make koto haloma꞉ ekina꞉ta꞉ ota꞉ Koda꞉ teke pa꞉ta꞉ a꞉pa hamana꞉e.

Taitasi 3:5

ipikana꞉ma꞉ niki pa꞉ta꞉la tamba꞉ miekeme. Pa nikana꞉ma꞉ nika꞉ epeke hau pumeke handa na pieke yekepate pa mo ipika꞉ a꞉ta꞉ma꞉ homeeke ekina꞉ niki tamba꞉ miekeme. Kutu piekeeki manuta꞉ niki panake weki tupa꞉ da꞉ta hamono Koda꞉ma꞉ ipika꞉ Holi Sipitidi pa꞉ta꞉ yama꞉ tanda pa꞉la꞉me.

1 Kotindi 6:11

Iki pa꞉ta꞉ mandane wanda꞉halita꞉ kutupiki wanda꞉hali haemepate pa Koda꞉ma꞉ ika꞉ hoke haumanu tanda꞉ pea haena꞉ yeke handa ameta꞉ wamo pea halememe. Ameta꞉ Koda꞉ma꞉ iki talopu mea hamina꞉ la꞉la꞉me. Kutupa ame ikita꞉ Koda꞉ pa꞉ta꞉ tikitiki yao hamina꞉ la꞉la꞉me. Kutupiki hauta꞉ mo Tekehali Yesu Ketiso pita꞉ nika꞉ Koda꞉na꞉ Sipitidi yaapoma꞉ peaala꞉me.

1 Pida 3:21

Koto ikalita꞉ mo hande wetepena꞉ bapitaisi hau epolo piekeeki manda mieke ikalie. Do ame pu haleme bapitaisi hauma꞉ta꞉ pa ika꞉ lokena꞉ ha̱i̱ tanda꞉ pelemeeki dia꞉ya꞉la꞉pate ika꞉ epeke hone tekema꞉ Koda꞉ pa꞉ta꞉ pi la꞉ witolo hamena꞉ mo ikalima꞉ iki petolo hala꞉me. Do bapitaisi hauta꞉ mo Yesu Ketisona꞉ paa tiaeyeke ekima꞉ iki petolo hala꞉me.

Ka꞉leisia 3:27

Ikana꞉ma꞉ Ketiso ame̱le̱ ta꞉ma꞉ni pea hamena꞉yeke bapitaisi peaya꞉me. Koto ekina꞉ta꞉ ameta꞉ ikana꞉ma꞉ Ketisona꞉ da꞉taasa꞉ ekita꞉ aka꞉ leke pambao halememe.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.

Aposolo 9:14

Kutupa ipikana꞉ma꞉ mo yeni peao haleme teke haliweki pa꞉ta꞉ pase mea wia hata꞉ do naka꞉ bikina꞉ pi milie Damasikasi wanda꞉hali pa꞉ta꞉ tanda tanda halolo pita꞉la꞉me leekeme.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

Aposolo 9:18

Kutupa koto kone mo ta꞉peli o̱ma꞉ handeke ale manuma꞉ leke tombuao hao londa꞉la꞉pa lopeke nono piekeme. Kutupa ipika꞉ leke paa ki leekeme. Kutupa koto kone tiao pua bapitaisi piekeme.

Dioni 13:8

Pidama꞉ ipiki pa꞉ta꞉ alota꞉ Yaka anke nakana꞉ma꞉ hoto homeke a꞉nda꞉ tanda꞉pa꞉peke na ya꞉la꞉me leekeme. Yesuma꞉ ipika꞉ pi hombo peaaso alota꞉ I̱ma꞉ naka꞉ anke na tanda꞉poa꞉ka꞉na꞉ta꞉ kota꞉ neketa꞉ yaka disaipolo hali hapeke na yelieke leekeme.

Aposolo 7:59

kutupa toopima꞉ litolo haena꞉ Sidipenima꞉ yeni pitolo alota꞉ Tekehali Yesuo. Yaka temoko nakana꞉ma꞉ handa꞉ mie leekeme.

Epesese 5:26

Dupieke ekima꞉ Ketisoma꞉ hande ipika꞉ siosi wanda꞉hali pima꞉ make ikalima꞉ make wamo peata꞉ Koda꞉na꞉eki kone tombo waleekeme.