Aposolo 21:7 - Panake Pi La: Ula: Buka pita: Kine Pieke Buka

⁷ Nikita꞉ Taiya da mina꞉pa꞉lao kawasona꞉ pita mo Tolemese da pa꞉ta꞉ opolo poma꞉me. Koto pa꞉ta꞉ haeme Ketiso wanda꞉hali kiki mina꞉ alu alu pea hoto homeke iki ame̱le̱ poluma꞉me.

Aposolo 21:7 Referans Kwoze

Hibulu 13:24

Nika꞉ a꞉taloe pi manuta꞉ ika꞉ you haliweki paeyao pa꞉ta꞉ make mo Koda꞉na꞉ wanda꞉hali paeyao pa꞉ta꞉ make la halawapa꞉peke. Do Ideli haleme Ketiso yankeke tonuma꞉ ika꞉ a꞉talo pi iki pa꞉ta꞉ tapaasememe.

Aposolo 28:12

Kutupa pua mo Sitakusi daoni pa꞉ta꞉ opolo pua nate tepo koto pa꞉ta꞉ haowa꞉me.

Aposolo 25:13

Mandane pulamanu hao mo kini hali ma꞉nda꞉ Akatipata꞉ Benisi yaapo Pesitasi pa꞉ta꞉ kiki haluekema꞉ mo Sesatia da pa꞉ta꞉ epepekeme.

Aposolo 21:19

Kutupa Poloma꞉ keiyae pi laa ipikana꞉ma꞉ amba꞉ pi wala꞉ tia pomieke pita꞉ Koda꞉ma꞉ mo Diendaili wanda꞉hali pa꞉ta꞉ pieke ekimanu homeke homeke lo la hala꞉tiki pia꞉me.

Aposolo 21:10

Nate mandaneeki koto pa꞉ta꞉ hamono potopede hali homeke Akipasi Diudia nane hao epea꞉me.

Aposolo 18:22

Sesatia da opolo a꞉paata꞉ mo siosi tapake handuluekema꞉ a꞉meiya puata꞉ oni A꞉ndioko da nane hola꞉pa꞉niao peekeme.

Aposolo 12:20

Hetodima꞉ Taiya Saidoni da yaapo pa꞉ta꞉ haemeke wanda꞉hali pa꞉ta꞉ mineke tieke wopu pankeekeme. Koto ekina꞉ mo da yaapo pa꞉ta꞉ haemeke mandane haliwekima꞉ apa꞉tao Hetodi handolo pemekeme. Titina꞉ amba꞉la mo kini halina꞉ da handeteke hayeke hali Ba꞉lasitusita꞉ ika꞉ a꞉nda꞉ liaena꞉yeke ipiki ame̱le̱ pi lolo pemekeme. Mo halima꞉ ika꞉ pi opiekeme. Kotoeki pea꞉ta꞉ a꞉nda꞉ polumana꞉e laa Hetodi pa꞉ta꞉ honke lolo pemekeme. Ika꞉ wanda꞉halina꞉ neta꞉ Hetodima꞉ handeteke hayeke kenke pa꞉ta꞉ mu haemeke ekina꞉yeke lemekeme.

Ma꞉tiu 5:47

Ika꞉ ta꞉ma꞉ni pa꞉ta꞉manu homeke mo ta꞉na꞉ma꞉ homa꞉la꞉ pimanu lo haemeka꞉na꞉ta꞉ kota꞉ ikana꞉ma꞉ kotota꞉ ota꞉ hau pitoloma꞉me laa hone witelemepe. Dia꞉me. Mo pi na miki wanda꞉halima꞉ make ika꞉ ika꞉ kone kutu piki hau pu halememe.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 21:3

Koto pulu hata꞉ta꞉ Saipotasi hoki handoma꞉pate koto hoki nepoko nane pua mo Sitia nane poma꞉me. Taiya da pa꞉ta꞉ opolo puata꞉ kenkena꞉ hola꞉pa poma꞉me. Koto Taiya da pa꞉ta꞉ mo kawasona꞉ mea wia pemeke alemanu londolo wimime.

Aposolo 21:17

Diutuseleme da nane poma꞉ dina꞉ta꞉ Ketiso wanda꞉halima꞉ ta꞉na꞉ma꞉ homolo hata꞉ niki handa꞉ mimime.