Aposolo 21:5 - Panake Pi La: Ula: Buka pita: Kine Pieke Buka

⁵ Koto lemepate nikita꞉ koto da pa꞉ta꞉ iki ame̱le̱ haoma꞉ di paeyeketa꞉ iki mina꞉pa꞉lao poma꞉me. Koto haliweki paeyaoma꞉ ika꞉ weki wanda꞉ paeyao ame̱le̱ make daoni nane niki hatuku tapaalo epememe. Kutupa niki paeyaoma꞉ koto dawala ikali tea꞉na꞉ tumiki yotuao pita꞉ yeni puma꞉me.

Aposolo 21:5 Referans Kwoze

Aposolo 20:36

Koto pi laaka꞉na꞉ tumiki yotuao iki paeyao ame̱le̱ homeke pa꞉ta꞉ pita꞉ yeni pia꞉me.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Aposolo 20:38

Ipikana꞉ma꞉ta꞉ ya leke mineke paa na handilimikie leeke handaa a꞉ta꞉ma꞉ wotu homememe. Kutupa mo palai kawaso pa꞉ta꞉ ipiki hatuku pememe.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 17:10

Koto kone mo Ketiso haliwekima꞉ Polo Sailasi yaapo Betia da pa꞉ta꞉ timba kone tapaemekeme. Kutupa mo da pa꞉ta꞉ opolo puata꞉ Diu haliwekina꞉ pi hotu haemeke da pa꞉ta꞉ pemekeme.

Maka 1:40

Kutupa mo kindi yeni hayeke hali homekema꞉ Yesu pa꞉ta꞉ a꞉pa tumiki yotu hao pita꞉ ipiki pa꞉ta꞉ honke alo hata꞉ alota꞉ Nakana꞉ma꞉ hone pika꞉na꞉ta꞉ ya loke wamo pea hano lapeke ya꞉la꞉me laa honke leekeme.

Ma꞉tiu 14:21

Kutupa mo hande palaowa wala꞉sunu nemeke haliwekita꞉ mo wekiwanda꞉ na apa꞉take pa haliweki homeketa꞉ 5 daoseni halima꞉ nemekeme.

Luku 22:41

Koto laa Yesuta꞉ iki mina꞉pa꞉lao mo toopi baasa꞉ tupa꞉ leke mopate pua tumiki yotuao pita꞉ yeni piekeme.