Aposolo 21:19 - Panake Pi La: Ula: Buka pita: Kine Pieke Buka

¹⁹ Kutupa Poloma꞉ keiyae pi laa ipikana꞉ma꞉ amba꞉ pi wala꞉ tia pomieke pita꞉ Koda꞉ma꞉ mo Diendaili wanda꞉hali pa꞉ta꞉ pieke ekimanu homeke homeke lo la hala꞉tiki pia꞉me.

Aposolo 21:19 Referans Kwoze

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Aposolo 1:17

Yesuma꞉ Diudasi make niki ame̱le̱ mandakena꞉ e pokomonoyeke talopu mea haena꞉ leeke handaata꞉ niki ame̱le̱ pomu haya꞉me leekeme.

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

2 Kotindi 12:12

Mo hande na handeke haumanu make ta꞉ta꞉piki haumanu make iki tukikina꞉ peneme yaasota꞉ I̱ta꞉ ota꞉ aposolo hali wala꞉la꞉me. Kutupiki haumanu pua꞉ ekita꞉ homuma꞉ pua꞉ ekina꞉ loa꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 15:4

Kutupa Diutuseleme da pa꞉ta꞉ opolo pemeketa꞉ mo aposolo haliweki make tondiki haliwekima꞉ make mo siosi wanda꞉halima꞉ make ta꞉na꞉ma꞉ homolo hata꞉ iki handa꞉ mimikime. Kutupa Koda꞉ma꞉ ipiliki pa꞉ta꞉ pieke ekimanu paeyao walepekepate

Ma꞉tiu 23:7

Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.