Aposolo 21:18 - Panake Pi La: Ula: Buka pita: Kine Pieke Buka

¹⁸ Kutupa da ka꞉la꞉paota꞉ mo handeteke haemeke tondiki haliweki paeyao pitina꞉ Polo ame̱le̱ nikita꞉ Dia꞉mesi handolo poma꞉me.

Aposolo 21:18 Referans Kwoze

Ka꞉leisia 1:19

Koto hata꞉ta꞉ I̱ma꞉ aposolo hali ma꞉nda꞉ na handoa꞉pate pa mo Tekehalina꞉ hameke Dia꞉mesi homeke handoa꞉me.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.

Aposolo 15:13

Pi lo paeyaepeketa꞉ Dia꞉mesima꞉ ipilika꞉ pi hombo peaaso alota꞉ Ya kametitio. I̱ma꞉ alo pi opua꞉pe.

Aposolo 11:30

Koto ekina꞉ kotoeki peata꞉ oli siosi tondiki haliweki pa꞉ta꞉ Banabasi Solo yaapoma꞉ mea puaena꞉ laa tapaemekeme.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

Aposolo 20:17

Kutupa Mailitasi da hao mo Epesese da nane pi tapaasota꞉ mo siosi wanda꞉hali handeteke haemeke tondiki haliwekita꞉ ipiki pa꞉ta꞉ epena꞉yeke pi tapaeya꞉me.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 15:6

Mo hande aposolo haliweki make tondiki haliweki ame̱le̱ mo hande lota꞉ pieke ekina꞉ mombelemekeme.

Aposolo 15:2

Koto lemeke ekina꞉ Polo Banabasi yaapoma꞉ mo haliweki ame̱le̱ ka꞉nda꞉piki pi tieke lepeketa꞉ hande A꞉ndioko Ketiso tapake haliwekima꞉ Polo Banabasi yaapo make mandane haliwekima꞉ mo Diutuseleme haemeke aposolo haliweki pa꞉ta꞉ make mo handeteke haemeke tondiki haliweki pa꞉ta꞉ make hande walemeke pi hotulu pena꞉yeke mimikime.

Aposolo 12:17

Kutu pimikipate Pidama꞉ kikima꞉ kone pi na lapee leekeme. Kutupa Tekehalima꞉ mo dipula da pa꞉ta꞉ hatuku epeeke pi la haleekeme. Kutupa Pidama꞉ alota꞉ Dia꞉mesi pa꞉ta꞉ make Ketiso kametiti pa꞉ta꞉ make do pi la hala꞉pa꞉peke leekeme. Kutupa mina꞉pa꞉lao pua da ma꞉nda꞉ pa꞉ta꞉ peekeme.

Ma꞉tiu 10:2

Koto 12 Aposolo haliwekina꞉ biki manuta꞉ doe. Titina꞉ta꞉ Saimono biki ma꞉nda꞉ta꞉ Pida kutupata꞉ Pida ipika꞉ hameke A꞉ndutu make Sepedina꞉ eiyeke Dia꞉mesi Dioni hama̱la̱꞉ make

Aposolo 24:11

Amba꞉ta꞉ da ka꞉la꞉pa꞉la꞉eki 12 tupa꞉ koto natena꞉ kone oli Diutuseleme da pa꞉ta꞉ I̱ma꞉ Koda꞉ pa꞉ta꞉ panda꞉puniao yeni puluekema꞉ poa꞉ ekita꞉ naka꞉ kone weiya handa꞉ wia꞉peke ya꞉la꞉me.