Aposolo 20:25 - Panake Pi La: Ula: Buka pita: Kine Pieke Buka

²⁵ Kutupa ameta꞉ opua꞉pe. Iki paeyao pa꞉ta꞉ pominolo hata꞉ Koda꞉na꞉ Kilu Tombuao Hala꞉eki waloendi pu haowa꞉pate I̱ma꞉ handolome. Ya leke mineke paa na handilimikie lea꞉me.

Aposolo 20:25 Referans Kwoze

Aposolo 28:31

ma꞉nda꞉ma꞉ sa꞉sa꞉ na pitolo haena꞉ ipikana꞉ma꞉ honkopu haaso hata꞉ Koda꞉na꞉ Kilu Tombuao Hala꞉ ekina꞉ make mo Tekehali Yesu Ketisona꞉eki make pi wala꞉tiki pu hayekeme.

Aposolo 20:38

Ipikana꞉ma꞉ta꞉ ya leke mineke paa na handilimikie leeke handaa a꞉ta꞉ma꞉ wotu homememe. Kutupa mo palai kawaso pa꞉ta꞉ ipiki hatuku pememe.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Ka꞉leisia 1:22

Koto pita꞉ma꞉ta꞉ mo Diudia kenke pa꞉ta꞉ haemeke siosi wanda꞉halima꞉ ya leke popeleketa꞉ na handemekepate

Loma꞉ 15:23

Kutu pua꞉pate ameta꞉ hande hone ua꞉ kenke paeyaomanu pa꞉ta꞉ I̱ma꞉ e poko paeyaalome. Kutupa bapi wopu I̱ma꞉ iki handolo ipuluekema꞉ hone wia꞉tiki pua꞉ ekina꞉

Aposolo 8:12

Kutu piekepate wanda꞉halima꞉ Pilipima꞉ mo Koda꞉na꞉ epeke Kilu Tombuao Hala꞉ ekina꞉ pi seliapo Yesu Ketisona꞉ biki tonka꞉na꞉ pua waleekeeki pa꞉ta꞉ hone tulaemeke handaata꞉ kota꞉ haliweki make wanda꞉weki make paeyao bapitaisi pimikime.

Luku 16:16

Mo Lo Pi wieke ekimanu make mo hande potopede haliwekima꞉ wape pimiki ekimanu make la꞉tia a꞉pa hande bapitaisi peao hayeke hali Dionima꞉ walo paeyaeyekeme. Koto natena꞉ kini pu mea a꞉pa ame do natena꞉ kone Koda꞉na꞉ Kilu Tombuao Hala꞉ ekina꞉ Pi Seliapota꞉ wala꞉tia pu haleketa꞉ kota꞉ mo wanda꞉hali aneke hapuma꞉ koto pa꞉ta꞉ ipuluekema꞉ honkopu wotu halememe leekeme.

Luku 9:60

Yesuma꞉ alota꞉ Homeeke wanda꞉halima꞉ kone ika꞉ homa꞉la꞉ wanda꞉hali toko mea hoina꞉ma꞉ neketa꞉ Koda꞉na꞉ Kilu Tombuao Hala꞉ ekina꞉ pi pua wala꞉tiki pu hae leekeme.

Ma꞉tiu 13:52

Koto lemeke opitolo Yesuma꞉ alota꞉ Hali ma꞉nda꞉ epi a꞉nda꞉ma꞉ta꞉ mo amba꞉ la꞉ wieke Lo Pimanu walo hala꞉ hali hata꞉ta꞉ pa mo hepenina꞉ Kilu Tombuao Hala꞉ ekina꞉ hau paeyao miniki hala꞉ hali make haya꞉ka꞉na꞉ta꞉ kota꞉ koto someta꞉ mo da tiekena꞉ tekehali tupa꞉ hata꞉ ipika꞉ momba꞉la nu pindu hao u hala꞉ da panda꞉ pa꞉ta꞉ pua amba꞉ epeke alemanu make panake epeke alemanu make apa꞉tao mea a꞉pa peneme yaasa꞉ somema꞉ handilieke leekeme.

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 10:7

Kutupa iki puaata꞉ dupiki pi lapa꞉peke Mo hande Hepenina꞉ Kilu Tombuao Hala꞉ ekita꞉ iki teke pa꞉ta꞉ ta a꞉pa hala꞉ handa꞉pe lapa꞉peke.

Ma꞉tiu 4:17

Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.