Aposolo 20:16 - Panake Pi La: Ula: Buka pita: Kine Pieke Buka

¹⁶ Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.

Aposolo 20:16 Referans Kwoze

1 Kotindi 16:8

Kutu pulu polopateta꞉ hande Pendikosi nate epena꞉ do Epesese da pa꞉ta꞉ handeteke halueke.

Aposolo 2:1

Mo hande Pendikosi nate epeeke dina꞉ta꞉ mo pi mimiki wanda꞉hali paeyao homeke alena꞉ momba꞉la haemekeme.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 24:17

Diutuseleme da nane mandane bapi manuna꞉ I̱ na poa꞉ ekina꞉ numaneke a꞉nda꞉ poa꞉pita꞉ta꞉ yaka wanda꞉hali pa꞉ta꞉ mani mea pua halaota꞉ Koda꞉ pa꞉ta꞉ haluekema꞉ ma꞉na꞉ make lia haloa꞉me.

Aposolo 21:4

Koto pa꞉ta꞉ pua mandane disaipolo wanda꞉hali handa꞉ wiaata꞉ pula homeke iki ame̱le̱ pelia haoma꞉me. Holi Sipitidima꞉ ika꞉ hone u tiaaso haena꞉ ikana꞉ma꞉ Polo pa꞉ta꞉ alota꞉ Diutuseleme da nane na pua꞉peke aleo laa lememe.

Aposolo 20:22

Kutupa ameta꞉ I̱ do handa꞉pe lea꞉me. Holi Sipitidima꞉ I̱ hone yapa꞉ peaaso haena꞉ Diutuseleme da nane pulume. Kutupa koto alena꞉ I̱ pa꞉ta꞉ pulu pa꞉la꞉ hau I̱ mata꞉la꞉pate

Aposolo 20:13

Kutu pia꞉pate niki amba꞉la puata꞉ mo palai kawaso tiekena꞉ pitata꞉ Todoa꞉si da mina꞉pa꞉lao Polota꞉ Asosi da pa꞉ta꞉ manda꞉hande puluekema꞉ poma꞉me. Poloma꞉ niki pa꞉ta꞉ta꞉ Pota꞉na꞉ pua mo Asosi da pa꞉ta꞉ opolo a꞉pono pupe leeke handa poma꞉me.

Aposolo 20:6

Nikana꞉ma꞉ta꞉ mo hande Na Pombei Yaake Palaowa Ne pamba paeyeketa꞉ Pilipai da pa꞉ta꞉ hata꞉ palai kawasona꞉ pita pulu hamono nate yunki hata꞉ paeyeketa꞉ mo Todoa꞉si da pa꞉ta꞉ opolo puata꞉ mo haliweki ame̱le̱ mandake pa꞉ta꞉ hamono pula homeke yapea꞉me.

Aposolo 18:21

mo haliweki mina꞉pa꞉lao pulu hata꞉ alota꞉ Koda꞉ma꞉ hone pia꞉ka꞉na꞉ta꞉ iki pa꞉ta꞉ pa ipulueke leekeme. Kutupa palai kawasona꞉ pita Epesese da mina꞉pa꞉lao peekeme.

Aposolo 18:19

Kutupa Epesese opolo a꞉paata꞉ ipiliki koto pa꞉ta꞉ haena꞉ laata꞉ ipika꞉ kone mo pi hotu haemeke da pa꞉ta꞉ honda꞉ pamba pua Diu haliweki ame̱le̱ pi yokaalu pimikime.

Aposolo 12:13

Kutupa mo pota꞉ kake pa꞉ta꞉ pua hoto laa kilikili laeyekeme. Kutupa wandiki ma꞉nda꞉ Loudama꞉ lombolo peekepate

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

Aposolo 20:4

Mandane haliweki ipiki ame̱le̱ mandakena꞉ pemekeme. Paitusina꞉ eiyeke mo Betia da hali Sopade make A꞉tisakusi Sekundusi yaapota꞉ Desalonaika da hali yaapo make mo Debi da hali Kaiasi make mo Eisia potopinisi hali tepota꞉ Timodi Tikikasi Totobimasi koto hali tepo make Polo ame̱le̱ mandakena꞉ pemekeme.

Aposolo 20:18

Kutupa mo haliwekita꞉ ipiki pa꞉ta꞉ opolo epeme pita꞉ta꞉ ipikana꞉ma꞉ iki pa꞉ta꞉ alota꞉ I̱ta꞉ Eisia nane panake a꞉pa iki pa꞉ta꞉ haowa꞉ ekita꞉ ikana꞉ma꞉ handememe lea꞉me.