Aposolo 2:43 - Panake Pi La: Ula: Buka pita: Kine Pieke Buka

⁴³ Kutupa Koda꞉ma꞉ wele peaaso haena꞉ mo aposolo haliwekima꞉ na hando haemeke ekimanu wotu pimiki handaa wanda꞉hali paeyaoma꞉ paala꞉ma꞉ homemekeme.

Aposolo 2:43 Referans Kwoze

Dioni 14:12

I̱ma꞉ta꞉ iki pa꞉ta꞉ ota꞉ pi alome laa I̱ pa꞉ta꞉ hone tulao hala꞉ halima꞉ta꞉ I̱ma꞉ pitoloeki manuta꞉ ipikana꞉ma꞉ make pilieke. Kutupa yaka Apa꞉ pa꞉ta꞉ I̱ polue ekina꞉ta꞉ I̱ma꞉ pitolo ekimanu kone mo halima꞉ ankulao hau tiekemanu pilieke leekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Maka 16:17

Kutupa pi mulu peleme wanda꞉halima꞉ do wele pita꞉la꞉ ekimanu handilimikie leekeme. Ya bikina꞉ hoke temokomanu tolu limikie. Panake pimanu lelimikie.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Aposolo 4:33

Kutupa wele pita꞉la꞉eki tiekema꞉ta꞉ mo aposolo haliwekima꞉ Yesu Ketisona꞉ tiaeya꞉ ekina꞉ wekitisi halu alu pea kutupa Koda꞉na꞉ a꞉ta꞉ma꞉ homa꞉la꞉ ekita꞉ mo wanda꞉hali paeyao pa꞉ta꞉ pitiekeme.

Aposolo 9:34

Pidama꞉ ipiki pa꞉ta꞉ alota꞉ Iniasio. Yesu Ketisoma꞉ neke epeaasa꞉me. Naka꞉ yapa꞉ta꞉ oko pea mina tiae laa leekeme. Koto leeke pita꞉ kone Iniasita꞉ tiaeyekeme.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Aposolo 5:5

Do leeke ekimanu opuaata꞉ A꞉na꞉naisi kenkena꞉ honda꞉pa lopa homeekeme. Kutupa koto hao yapeeke haliwekima꞉ doeki opimiki haliwekima꞉ make paala꞉ma꞉ homolo hata꞉ leke opo handa꞉hake wimikime.