Aposolo 2:42 - Panake Pi La: Ula: Buka pita: Kine Pieke Buka

⁴² Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 2:42 Referans Kwoze

Hibulu 10:25

Mo nika꞉ Ketiso kametonu ame̱le̱ mombolo haloma꞉eki manuta꞉ mandane wanda꞉halima꞉ mina꞉pa꞉lao haleme tupa꞉ nikana꞉ma꞉ na mina꞉pa꞉lamana꞉e. Kotoeki na pikita꞉ mo Tekehalina꞉ epolo pa꞉la꞉ nate teke pa꞉ta꞉ yoma꞉ a꞉pa꞉la꞉ ekina꞉ta꞉ nikana꞉ma꞉ nika꞉ nika꞉ kone hone utia alualu pumana꞉e.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

1 Dioni 1:3

Nikana꞉ma꞉ handaa opoloma꞉ ekita꞉ iki paeyao pa꞉ta꞉ make opuaasoma꞉me. Pa ekipeke nikana꞉ma꞉ mo Ateke make ipika꞉ Eiyeke Yesu Ketiso ame̱le̱ hone homeke uluma꞉ ekita꞉ iki ame̱le̱ mandakena꞉ apa꞉tamena꞉yeke loma꞉me.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 20:7

Mo Sande natena꞉ nikita꞉ palaowa pindi pindi puluekema꞉ momba꞉la hamono Poloma꞉ mo wanda꞉hali pa꞉ta꞉ pi walea꞉me. Ipikana꞉ma꞉ da ka꞉la꞉paaso polueke hone wiaata꞉ timba buta꞉hokina꞉ make pi ombu walea꞉me.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Diudi 1:20

Koto pa꞉la꞉pate ya yankeke tonuo. Ikana꞉ma꞉ta꞉ ika꞉ mo hande wataapeke na ya꞉la꞉ ta꞉ta꞉ putupa ula꞉ hone tulaasa꞉eki pa꞉ta꞉ puki hana꞉ noka꞉pa꞉tiki pu hapa꞉peke. Holi Sipitidina꞉ honkopuma꞉ yeni pu hapa꞉peke.

Kolosi 4:2

Hoto paeyao yeni putia pulu ombu hapa꞉peke. Kutupa Koda꞉ pa꞉ta꞉ keiyae laa yeni pitolo hata꞉ wopu handeteke hapa꞉peke.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

2 Timodi 3:14

Kutu pu halimipate neketa꞉ hande waleeke opi ota꞉ pimanu wopu miniki hale ekita꞉ na mina꞉pa꞉lapeke. Hande neke walea꞉ tapaketa꞉ naka꞉ hone wilime.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Aposolo 6:4

Kutupa nikana꞉ma꞉ta꞉ Koda꞉na꞉ pi paa walolo ombu halumeke lemekeme.

Aposolo 4:31

Yeni pu paeyeketa꞉ ika꞉ mo hande mombelemeke da kone la꞉ma꞉ la꞉ma꞉ piekeme. Koto pa꞉ta꞉ pitimiki wanda꞉hali paeyaota꞉ Holi Sipitidi tumba pituma꞉ pituma꞉ piekeme. Kutupa Koda꞉na꞉ pita꞉ ikana꞉ma꞉ puki taka꞉lao hata꞉ lemekeme.

1 Kotindi 10:21

Ikana꞉ma꞉ Tekehalina꞉ kapo pa꞉ta꞉ make hoke temokona꞉eki apa꞉tao napeke na ya꞉la꞉me. Ikana꞉ma꞉ Tekehalina꞉ teipolona꞉ make mo temokona꞉eki make apa꞉tao napeke na ya꞉la꞉me.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Hibulu 10:39

Nikita꞉ mo nika꞉ da꞉ta꞉pekeeki alu pina꞉ yola꞉ pamba hapeke wanda꞉hali na haloma꞉me. Kotoeki na pikita꞉ nikita꞉ hone ti laaso hata꞉ da꞉ta꞉la꞉eki mea haloma꞉me.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

1 Kotindi 11:2

Ikana꞉ma꞉ hoto paeyao I̱ pa꞉ta꞉ hone wiata꞉ I̱ma꞉ iki pa꞉ta꞉ walolo ekimanu pu haleme ekina꞉ta꞉ I̱ma꞉ iki pi laasome.

Aposolo 20:11

Kutupa Polota꞉ paa a꞉meiya puata꞉ palaowa pindi pindi pea naaka꞉na꞉ta꞉ iki ame̱le̱ pi ombu alo alo pita da kelepeeke handa mina꞉pa꞉lao peekeme.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Aposolo 4:23

Pida Dioni yaapota꞉ lomba꞉ tapaeyeke pita꞉ta꞉ kuta kone ipilikana꞉ma꞉ ipilika꞉ wanda꞉hali pa꞉ta꞉ la꞉ka꞉la puaka꞉na꞉ mo hande yeni peao haemeke teke haliwekima꞉ make mo tondiki haliwekima꞉ make lemekeeki mo wanda꞉hali pa꞉ta꞉ la halepekeme.

Luku 24:35

Kutupa ipilikana꞉ma꞉ mo hande pota꞉na꞉ pieke ekimanu make Yesuma꞉ betedi pindipina꞉ handa꞉peke ekimanu make mo wanda꞉hali pa꞉ta꞉ la halepekeme.

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

1 Kotindi 14:6

Koto ekina꞉ kametitio. I̱ta꞉ iki pa꞉ta꞉ a꞉pa mo da ta꞉ta꞉ ta꞉ta꞉ piki pimanu kone loa꞉ka꞉na꞉ta꞉ ikita꞉ ekipa tamba꞉ muluepe. Dia꞉me. Iki na tamba꞉ mulueke. Koda꞉ma꞉ I̱ pa꞉ta꞉ la kita꞉la꞉eki ma꞉nda꞉ make handoloeki mandane ekimanu make iki pa꞉ta꞉ Koda꞉na꞉ pi la꞉ mea kulu poloeki ma꞉nda꞉ make pi walo poloeki ma꞉nda꞉ make kutupiki pimanu laa iki pa꞉ta꞉ loa꞉ka꞉na꞉ta꞉ ana꞉ pilieke.

Pilipai 1:5

Pa ekipeke mo amba꞉ hande titi panake pa꞉ta꞉ kone kini pea a꞉pa ame do natena꞉ I̱ma꞉ mo Koda꞉na꞉ Pi Seliapo walono ikana꞉ma꞉ I̱ tamba꞉ mimi hau manuna꞉ hone witolo hata꞉ loa꞉me.