Aposolo 2:40 - Panake Pi La: Ula: Buka pita: Kine Pieke Buka

⁴⁰ Pidama꞉ koto tupa꞉ pi walaata꞉ pa mandane pimanu make mea a꞉meiyao alota꞉ Do hoke wanda꞉hali hoeyaaluekema꞉ ipilie panisima꞉ iki tonka꞉na꞉ hoeyaapa꞉na꞉ ota꞉ paapa꞉peke.

Aposolo 2:40 Referans Kwoze

1 Timodi 4:16

Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

2 Kotindi 6:17

Koto ekina꞉ mo Tekehalima꞉ alota꞉ Ikana꞉ma꞉ mo wanda꞉hali mina꞉pa꞉lao iki ame̱le̱ putupa꞉ alu pea hapa꞉peke. Mo ha̱i̱piki haumanu pa꞉ta꞉ nindi pea haluekema꞉ taapa꞉peke. Kutu pimika꞉na꞉ta꞉ I̱ma꞉ iki handa꞉ mulueke.

Ma꞉tiu 17:17

Yesuma꞉ ipika꞉ pi hombo peaaso alota꞉ Koto wanda꞉halita꞉ hone wopu na tulaake ota꞉ puki taka꞉lake wanda꞉halie. I̱ta꞉ iki pa꞉ta꞉ hao pua hando natena꞉ hao na lua꞉pe. I̱ma꞉ iki pa꞉ta꞉ a꞉ta꞉ma꞉ homolo hata꞉ pa pu hamena꞉ kiaota꞉ hando natena꞉ tunkulua꞉pe laata꞉ Mo wekita꞉ I̱ pa꞉ta꞉ mea epoe leekeme.

Ma꞉tiu 16:4

A꞉pa꞉e. Do you hoke wanda꞉halima꞉ta꞉ ekipeke handaa mo na handeke hau ma꞉nda꞉ handuluekema꞉ alemepe. Dia꞉me. Mo amba꞉ hande Diona pa꞉ta꞉ pieke yeke na handeke hau homeke waloa꞉ka꞉na꞉ta꞉ handilimikie. Koto laata꞉ iki mina꞉pa꞉lao peekeme.

Ka꞉leisia 5:3

Hoto yaapo peao paa kinki pitolo I̱ma꞉ alota꞉ Hali ma꞉nda꞉ epima꞉ ma꞉nda꞉ma꞉ ipiki sekemesaisi hau pina꞉ lea꞉ka꞉na꞉ta꞉ kota꞉ koto halita꞉ mo hande Lo Pi ula꞉eki paeyaona꞉ oto pa꞉ta꞉ homeke hao halieke.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Ma꞉tiu 23:33

Ikita꞉ keto manuna꞉ eiyeke tonu kone keto halememe. Ikana꞉ma꞉ta꞉ iki mo ti to hala꞉ ale pa꞉ta꞉ pomena꞉ tapaalo pa꞉la꞉ ekita꞉ ekieki pa wendulumeke hone wilimipe.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

1 Desalonaika 2:11

Atekema꞉ ipika꞉ weki wandiki pa꞉ta꞉ pu hala꞉ tupa꞉ niki make iki ame̱le̱ hata꞉ koto tupa꞉ puma꞉eki ikana꞉ma꞉ handememe.

2 Kotindi 5:20

Koto ekina꞉ ameta꞉ niki do Ketisona꞉ pi lawaaso handa꞉e. Koda꞉ niki pa꞉ta꞉ yama꞉ ipika꞉ homu toluma꞉ wi la꞉la꞉eki kone peneme yaasa꞉me. Nikana꞉ma꞉ta꞉ Ketisona꞉ pi laaso hata꞉ wi aloma꞉ ekita꞉ dupae. Koda꞉ma꞉ iki a꞉nda꞉ tunkuliki wanda꞉hali halemeeki topo peao ipika꞉ yankeke au laena꞉ lapee lo haloma꞉me.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Maka 8:38

Do hande Koda꞉ pa꞉ta꞉ hone na wiki ti teke yoko haleme wanda꞉hali ame̱le̱ hala꞉ hali ma꞉nda꞉ epima꞉ I̱ pa꞉ta꞉ tonka꞉na꞉ yaka pi alemanu pa꞉ta꞉ tonka꞉na꞉ hunkupuma꞉ homea꞉ka꞉na꞉ta꞉ kota꞉ koto hali pa꞉ta꞉ mo Wanda꞉halina꞉ Eiyekema꞉ hunkupuma꞉ homilieke. Ipika꞉ Atekena꞉ pa̱a̱ pa꞉la꞉eki tukiki pa꞉ta꞉ hao hande yakopiki enisolo tonu ame̱le̱ ipilia꞉ dina꞉ta꞉ kota꞉ koto hali handa꞉peketa꞉ hunkupuma꞉ homilieke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Dioni 21:25

Yesuma꞉ hau mandane ekimanu wopu piekeme. Hali ma꞉nda꞉ma꞉ hande Yesuma꞉ pieke ekimanu paeyao homeke homeke lo wape pia꞉ka꞉na꞉ta꞉ kota꞉ yaka honema꞉ta꞉ mo wape pia꞉peke buka manuma꞉ta꞉ do kenke tumbulu baaso ana꞉ na pilieke hone witolome.

Aposolo 20:11

Kutupa Polota꞉ paa a꞉meiya puata꞉ palaowa pindi pindi pea naaka꞉na꞉ta꞉ iki ame̱le̱ pi ombu alo alo pita da kelepeeke handa mina꞉pa꞉lao peekeme.

Aposolo 20:9

Kutupa wekihali homeke Yuta꞉kusita꞉ windo lombaeya꞉ pa꞉ta꞉ pitia꞉me. Kutupa Poloma꞉ pi ombu alo pitina꞉ mo wekihali u̱ tonda꞉pao pita u̱ pelia꞉me. Kutupa u̱ ota꞉ pelia꞉pate da yaapo ankulao oni kenkena꞉ lopeeke handa pua mea a꞉meiyaemepate ota꞉ homea꞉me.

Aposolo 20:2

Koto da pa꞉ta꞉manu pi waloendi pitolo hata꞉ wanda꞉hali honkopu ha tiatiki piekeme. Kutupa hao Kitiki kenke nane opolo puata꞉

Aposolo 15:32

Kutupa Diudasi Sailasi yaapo potopede hali yaapo hata꞉ kone pi wopu walolo hata꞉ta꞉ honkopu haena꞉ lepekeme.

Aposolo 10:42

Kutupa ipikana꞉ma꞉ niki pa꞉ta꞉ mana꞉ alo hata꞉ alota꞉ dupae. Wanda꞉hali pa꞉ta꞉ pi walemeka꞉na꞉ta꞉ Koda꞉ma꞉ I̱ta꞉ homa꞉la꞉ wanda꞉hali make pa haleme wanda꞉hali make ika꞉ pi yokaalu peaalo polo hali mea hano lea꞉me lapa꞉peke lea꞉me.

Ma꞉tiu 12:34

Ketoma꞉ handeke some hombo ikita꞉ hoke some hombo haemeka꞉na꞉ta꞉ ekipa epeke pimanu lo hapa꞉peke yelemepe. Pa ekipeke. Mo hone pa꞉ta꞉ tumba ula꞉eki kone kake pa꞉ta꞉ a꞉pa꞉tiki pu hala꞉me.

Luku 16:28

Koto pa꞉ta꞉ta꞉ yaka kame tonu yunki hata꞉ halemema꞉ iki make do tanda pu hala꞉ alena꞉ a꞉paama꞉na꞉yeke La꞉satesima꞉ kinki pulu pena꞉yeke loa꞉me leekeme.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.