Aposolo 19:8 - Panake Pi La: Ula: Buka pita: Kine Pieke Buka

⁸ Kutupa mo pi hotu haemeke da pa꞉ta꞉ puata꞉ sumba꞉ tepona꞉ hata꞉ Koda꞉na꞉ Kilu Tombuao Hala꞉ ekina꞉ paala꞉ma꞉ na homeke pi yokaalu pea꞉tiki pea honke alo hata꞉ pi la꞉tiki piekeme.

Aposolo 19:8 Referans Kwoze

Aposolo 1:3

Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Diudi 1:3

Yaka yankeke tonuo. I̱ma꞉ta꞉ mo hande Koda꞉na꞉ pa꞉ta꞉la꞉la꞉eki mu haloma꞉ ekina꞉ iki pa꞉ta꞉ tameiya꞉ tapaaluekema꞉ taapoa꞉me. Pate Koda꞉ma꞉ hoto homeke mo hone tulaasa꞉ ekita꞉ ipika꞉ ma̱leke lila꞉ wanda꞉hali pa꞉ta꞉ handeteke haena꞉ haleekeeki ma꞉nda꞉ma꞉ hoeyaama꞉na꞉ honkopu hao hamena꞉yeke I̱ma꞉ do sutiaasa꞉ tameiya꞉ a̱i̱ koto kone tapaanoe hone ua꞉me.

Aposolo 19:9

Kutu piekepate mandane haliwekima꞉ pi na miki ki hone witolo hata꞉ mo hande Hauna꞉ wanda꞉hali pa pitina꞉ hoke pi lemeke pita꞉ Polota꞉ mo Ketiso haliweki ame̱le̱ koto haliweki mina꞉pa꞉lao puata꞉ Taita꞉nusina꞉ mombolo haemeke da pa꞉ta꞉ nate paeyao pi yokaalu pea꞉tiki piekeme.

Aposolo 18:19

Kutupa Epesese opolo a꞉paata꞉ ipiliki koto pa꞉ta꞉ haena꞉ laata꞉ ipika꞉ kone mo pi hotu haemeke da pa꞉ta꞉ honda꞉ pamba pua Diu haliweki ame̱le̱ pi yokaalu pimikime.

Aposolo 18:4

Kutupa Hoto Pila꞉ Nate paeyaona꞉ mo pi hotu haemeke da pa꞉ta꞉ Diu haliweki make Kitiki haliweki make ika꞉ hone la꞉ka꞉laluekema꞉ pi yokaalu pia꞉tiki pu hayekeme.

Aposolo 17:17

Koto ekina꞉ mo pi hotu haemeke da pa꞉ta꞉ mo Diu haliweki Koda꞉ pa꞉ta꞉ hone wopu wimiki haliweki ame̱le̱ mo makedi pa꞉ta꞉ haemeke haliweki ame̱le̱ make nate paeyao pi yokaalu pea꞉tiki pimikime.

Aposolo 14:1

Kutupa mo Aikoniomo da pa꞉ta꞉ mo Diu haliwekina꞉ pi hotu haemeke da pa꞉ta꞉ telipina꞉ honda꞉ pambepekeme. Kutupa pi epeke tupa꞉ walepeke handa Diu wanda꞉hali wopu make Kitiki wanda꞉hali wopu make Koda꞉na꞉ pi mimikime.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 13:14

Peka da mina꞉pa꞉lao puaata꞉ mo Pisidia da nane hayeke da A꞉ndioko da pa꞉ta꞉ opolo puaata꞉ mo Hoto Pila꞉ Natena꞉ mo haliwekita꞉ mo Diu haliwekina꞉ pi hotu haemeke da pa꞉ta꞉ honda꞉ pamba pua pitimikime.

Aposolo 18:26

Mo pi hotu haemeke da pa꞉ta꞉ ipikana꞉ma꞉ taka꞉lao hata꞉ pi honda꞉ mea waleekepate Pisila Akuila toolima꞉ ipika꞉ pi opuaata꞉ ipiki hatuku mea pua Koda꞉na꞉ hau wopu walepekeme.

Aposolo 19:7

Mo haliweki paeyaota꞉ 12manu haemekeme.

Aposolo 19:10

Koto hau pitolo haena꞉ bapi yaapo yaapeekeme. Koto ekina꞉ mo Eisia wanda꞉hali paeyaoma꞉ Kitiki wanda꞉hali make Diu wanda꞉hali make Tekehalina꞉ pi alemanu opimikime.

Aposolo 20:31

Koto ekina꞉ ikita꞉ handeteke hao hapa꞉peke. Kutupa I̱ma꞉ta꞉ bapi tepona꞉ u pelia꞉la꞉eki yolao da ka꞉la꞉pa꞉la꞉eki yolao iki paeyao pa꞉ta꞉ e̱ alo hata꞉ pi walo haowa꞉ ekita꞉ hone wia꞉pa꞉peke lea꞉me.