Aposolo 19:23 - Panake Pi La: Ula: Buka pita: Kine Pieke Buka

²³ Kutupa koto dina꞉ta꞉ hande Ketiso hauna꞉ a꞉nda꞉ liekeeki tiaeyekeme.

Aposolo 19:23 Referans Kwoze

Aposolo 24:22

Koto leeketa꞉ Pilikisima꞉ta꞉ mo Hau pita꞉la꞉eki dupae laa ma꞉nda꞉ma꞉ ipiki pa꞉ta꞉ la haleeke handaata꞉ ipikana꞉ma꞉ alota꞉ Pi ana꞉ma. Paape laa leekeme. Mo haliweki pa꞉ta꞉ alota꞉ Mo a꞉nda꞉ tumiki hali Laisiasi opolo epea꞉ka꞉na꞉ta꞉ I̱ma꞉ ika꞉ pi tikitiki yao lalueke leekeme.

Aposolo 19:9

Kutu piekepate mandane haliwekima꞉ pi na miki ki hone witolo hata꞉ mo hande Hauna꞉ wanda꞉hali pa pitina꞉ hoke pi lemeke pita꞉ Polota꞉ mo Ketiso haliweki ame̱le̱ koto haliweki mina꞉pa꞉lao puata꞉ Taita꞉nusina꞉ mombolo haemeke da pa꞉ta꞉ nate paeyao pi yokaalu pea꞉tiki piekeme.

Aposolo 9:2

Kutu putia mo yeni peao haemeke you haliwekina꞉ you hali pa꞉ta꞉ pua alota꞉ Mo Damasikasi nane pi hotu haleme damanu pa꞉ta꞉ do hande panake hau piteleme wanda꞉hali dipula mea Diutuseleme nane mea ipuluekema꞉ loa꞉ma꞉ pase kie laa pua honke leekeme.

2 Kotindi 6:9

Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.

Aposolo 24:14

Koto pa꞉la꞉pate I̱ma꞉ neke pa꞉ta꞉ do lolo polo pita꞉ ota꞉ pi lolueke. Mo haliwekima꞉ ika꞉ honema꞉ta꞉ yayapiki hau aleme Hau kone I̱ma꞉ telia꞉ mea pulume. Kutu puluekema꞉ yaka apa꞉mei amedana꞉ Koda꞉ pa꞉ta꞉ panda꞉puniao yeni pu halome. Kutupa make mo Mosesima꞉ wape pea ula꞉ Lo Pimanu paeyao make mo potopede haliwekima꞉ wape pea ula꞉ buka manuna꞉ pi paeyao make I̱ma꞉ opu halome.

Aposolo 22:4

Kutupa do hande Hau pita꞉la꞉ ekita꞉ amba꞉ta꞉ I̱ma꞉ a꞉nda꞉ wotu litolo hata꞉ wanda꞉hali da꞉ka꞉pa꞉ minata꞉ dipula da pa꞉ta꞉ mea lopao haowa꞉me leekeme.

Aposolo 18:26

Mo pi hotu haemeke da pa꞉ta꞉ ipikana꞉ma꞉ taka꞉lao hata꞉ pi honda꞉ mea waleekepate Pisila Akuila toolima꞉ ipika꞉ pi opuaata꞉ ipiki hatuku mea pua Koda꞉na꞉ hau wopu walepekeme.

2 Kotindi 6:5

Nikita꞉ yombua baeme ekimanu make dipula mea lopaeme ekimanu make nate ma꞉nda꞉ nina꞉ wanda꞉hali wopuma꞉ mineke pankolo hata꞉ niki hopiliaaso hata꞉ hoke tetopiki pimanu wopu lememe. Kutupa make haka꞉ta꞉pao e pokoma꞉ ekimanu make u na poluma꞉ ekimanu make ne na noma꞉eki make wopu pua꞉me.

2 Kotindi 11:26

Yaka wopu pomua꞉tiki pu haowa꞉ pa꞉ta꞉ manuta꞉ I̱ lia homaaluekema꞉ mo ikali tieke tea꞉ ekima꞉ teke pa꞉ta꞉ epea꞉ make mo pake nala꞉ haliwekima꞉ make teke pa꞉ta꞉ haememe. Mo Diu yankeke tonu pita꞉ Diendaili tapake yaapoma꞉ta꞉ I̱ hoeyaaluekema꞉ hone wimime. Mo daonimanu pa꞉ta꞉ make hapu hayeke alemanu pa꞉ta꞉ make dawala tieke manuna꞉ make makeaaso yankeke tonu pa꞉ta꞉ make ota꞉ I̱ hoeyaapeke alemanu teke pa꞉ta꞉ hatiki pu haowa꞉me.