Aposolo 19:21 - Panake Pi La: Ula: Buka pita: Kine Pieke Buka

²¹ Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 19:21 Referans Kwoze

Aposolo 20:22

Kutupa ameta꞉ I̱ do handa꞉pe lea꞉me. Holi Sipitidima꞉ I̱ hone yapa꞉ peaaso haena꞉ Diutuseleme da nane pulume. Kutupa koto alena꞉ I̱ pa꞉ta꞉ pulu pa꞉la꞉ hau I̱ mata꞉la꞉pate

Aposolo 20:16

Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.

Aposolo 23:11

Kutupa nate ma꞉nda꞉na꞉ timba Tekehalima꞉ Polo teke pa꞉ta꞉ a꞉pa hata꞉ alota꞉ Honkopu hapeke. Do Diutuseleme da pa꞉ta꞉ yaka pi la halawaeye tupa꞉ mo Loma꞉ da pa꞉ta꞉ make pi la halawaalena꞉e leekeme.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Aposolo 18:21

mo haliweki mina꞉pa꞉lao pulu hata꞉ alota꞉ Koda꞉ma꞉ hone pia꞉ka꞉na꞉ta꞉ iki pa꞉ta꞉ pa ipulueke leekeme. Kutupa palai kawasona꞉ pita Epesese da mina꞉pa꞉lao peekeme.

1 Desalonaika 1:7

Kutu pimiki ekina꞉ mo Ma꞉sedonia Akaya potopinisi yaapo nane pi mea haleme wanda꞉hali paeyaoma꞉ handena꞉ pu tiaememe.

Ka꞉leisia 2:1

Bapi 14 yapeeke hoki naneta꞉ Banabasi yaapo mo Diutuseleme nane Taitasi hatuku paa popa꞉me.

1 Kotindi 16:5

I̱ma꞉ Ma꞉sedonia nanema꞉ laala꞉ puata꞉ iki haleme alena꞉ opolo ipulueke. Ma꞉sedonia nane amba꞉la pua꞉peke ya꞉la꞉me loa꞉me.

Loma꞉ 1:15

Koto ekina꞉ Loma꞉ wanda꞉hali iki pa꞉ta꞉ make mo Pi Seliapo waluekema꞉ tiki tiki hao halome.

Aposolo 28:16

Kutupa mo Loma꞉ daoni pa꞉ta꞉ opolo poma꞉pate pa Polota꞉ ipika꞉ kone honumake haena꞉ mo ami hali homekema꞉ ipiki handeteke haena꞉ lememe.

Aposolo 27:24

Poloo ota꞉ paala꞉ma꞉ na homa꞉peke. Neketa꞉ Sisa teke pa꞉ta꞉ pua halipikie lea꞉me lea꞉me. Kutupa opie. Koda꞉ma꞉ neke ame̱le̱ pulimi haliweki paeyao pa kilieke lea꞉me.

Aposolo 27:1

Kutupa Ideli nane palai kawaso tiekena꞉ pomana꞉e laa hone wimiki pita꞉ Polo mandane dipula haliweki ame̱le̱ ami opisa hali homeke Diuliusi pa꞉ta꞉ halaaka꞉na꞉ ipikana꞉ma꞉ta꞉ Okasitani tapake hali hata꞉ handeteke haena꞉yeke pimime.

Aposolo 21:17

Diutuseleme da nane poma꞉ dina꞉ta꞉ Ketiso wanda꞉halima꞉ ta꞉na꞉ma꞉ homolo hata꞉ niki handa꞉ mimime.

Aposolo 21:4

Koto pa꞉ta꞉ pua mandane disaipolo wanda꞉hali handa꞉ wiaata꞉ pula homeke iki ame̱le̱ pelia haoma꞉me. Holi Sipitidima꞉ ika꞉ hone u tiaaso haena꞉ ikana꞉ma꞉ Polo pa꞉ta꞉ alota꞉ Diutuseleme da nane na pua꞉peke aleo laa lememe.

Aposolo 18:12

Kutu piekepate Ka꞉liota꞉ mo Akaya nane kapomani tieke haena꞉ leeke pita꞉ta꞉ mo Diu haliwekima꞉ Polo luekema꞉ apa꞉tao pi yokaalu puluekema꞉ mea pua alota꞉

Aposolo 16:12

Koto pa꞉ta꞉ hao mina꞉pa꞉laota꞉ mo Ma꞉sedonia nane teke da Pilipai da nane opolo poma꞉me. Koto da pa꞉ta꞉ make Loma꞉ haliweki wopu haemekeme. Koto daoni pa꞉ta꞉ nate mandaneeki haota꞉

Aposolo 19:22

Kutupa ipiki tamba꞉ mu haepeke hali yaapo Timodi Eta꞉situsi yaapo mo Ma꞉sedonia nane tapaota꞉ ipikita꞉ mo Eisia nane pa hayekeme.

Aposolo 19:29

Koto ekina꞉ mo daoni wanda꞉halima꞉ hone ti yokolo hata꞉ Polona꞉ ta꞉ma꞉ni pea pomu haemeke Ma꞉sedonia yankeketiti Kaiasi A꞉tisakusi yaapo yola꞉ mea anke hao mo mombolo haemeke alena꞉ pemekeme.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

1 Kotindi 4:19

Pate Tekehalima꞉ hone pia꞉ka꞉na꞉ta꞉ I̱ma꞉ iki pa꞉ta꞉ koto kone paa ipulueke. Paa epoa꞉ka꞉na꞉ta꞉ mo hande Niki kone ana꞉ pa꞉la꞉me aleme haliwekina꞉ pa alemeeki manuta꞉ hone na wiki ika꞉ ota꞉ ana꞉na꞉ pea꞉pekeeki manuta꞉ pa a꞉pa handa weilueke.

2 Kotindi 10:16

Kutu paata꞉ nikana꞉ma꞉ mo Pi Seliapota꞉ mo papate hala꞉ tutu ma꞉nda꞉ pa꞉ta꞉ walolo hata꞉ mo hali ma꞉nda꞉na꞉ amba꞉ pokea꞉ ena꞉ kenke pa꞉ta꞉ hakoko na liomono yeke loa꞉me.