Aposolo 18:8 - Panake Pi La: Ula: Buka pita: Kine Pieke Buka

⁸ Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Aposolo 18:8 Referans Kwoze

Aposolo 11:14

Koto halima꞉ neke pa꞉ta꞉ lolo pa꞉la꞉ pima꞉ta꞉ neke make naka꞉ da pa꞉ta꞉ haleme wanda꞉hali paeyao tonka꞉na꞉ da꞉taalieke laa lea꞉me.

Aposolo 8:12

Kutu piekepate wanda꞉halima꞉ Pilipima꞉ mo Koda꞉na꞉ epeke Kilu Tombuao Hala꞉ ekina꞉ pi seliapo Yesu Ketisona꞉ biki tonka꞉na꞉ pua waleekeeki pa꞉ta꞉ hone tulaemeke handaata꞉ kota꞉ haliweki make wanda꞉weki make paeyao bapitaisi pimikime.

Aposolo 18:17

Kutupa paeyaoma꞉ mo hande pi hotu haemeke da handeteke hayeke hali Sosenisi da꞉ka꞉pe minaata꞉ mo pi yokaalu pu haemeke da hama꞉ nane hata꞉ yombua baemekepate Ka꞉lioma꞉ pi ma꞉nda꞉ na leekeme.

Aposolo 16:34

Kutupa ipika꞉ da pa꞉ta꞉ mo hali yaapo hatuku a꞉pa ipilika꞉ ne haleekeme. Kutupa ipika꞉ weki wanda꞉ ame̱le̱ hata꞉ Koda꞉na꞉ pi mimiki ekina꞉ ta꞉na꞉ma꞉ wotu homemekeme.

Aposolo 13:15

Hali ma꞉nda꞉ma꞉ mo Mosesima꞉ wape pea ula꞉ Lo Pimanu make mo potopede haliwekima꞉ wape pea ula꞉ pimanu make yata꞉pa haena꞉ta꞉ mo pi hotu haemeke da you haliwekima꞉ Polo ameda pa꞉ta꞉ pi la꞉moneaaso alota꞉ Kame titio. Wanda꞉hali honkopu hao halo pa꞉la꞉ pi lapa꞉peke yea꞉ka꞉na꞉ta꞉ kota꞉ loa꞉mina꞉e hone witoloma꞉me lemekeme.

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Maka 5:35

Yesuma꞉ pi pa alo haena꞉ mandane haliwekima꞉ hande pi hotu haemeke da you halina꞉ da nane hao a꞉pa alota꞉ Naka꞉ wandikita꞉ ota꞉ homea꞉me laa Ekipeke mo Disa honke loloendi pitelepe lemekeme.

Maka 5:22

Pi hotu haemeke da you hali ma꞉nda꞉ Diaitisima꞉ a꞉pa Yesuna꞉ anke teke pa꞉ta꞉ panda꞉puniao honke alo hata꞉ alota꞉

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Kini Pieke 18:19

I̱ma꞉ta꞉ ipikana꞉ma꞉ ipika꞉ weki titi make ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ make I̱ pa꞉ta꞉ homu pea tikitiki hau make ota꞉ hau make ota꞉ pia꞉pa꞉peke laa la halena꞉yeke ipiki ma̱leke lulume. Ikana꞉ma꞉ kutu pimika꞉na꞉ta꞉ kota꞉ I̱ma꞉ mo ipiki pa꞉ta꞉ pi la꞉ ua꞉ tupa꞉ hau paeyao peawalueke leekeme.

Kini Pieke 17:27

Kutupa ipika꞉ pa hameke e pokaemeke haliweki make mandakena꞉ pimikime.

Aposolo 18:1

Kutupa A꞉ta꞉ni da mina꞉pa꞉lao mo Kotindi da nane puaata꞉

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

2 Kotindi 1:1

Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

2 Kotindi 1:23

Koda꞉ta꞉ yaka wekitisi hali lonoe. Ipikana꞉ma꞉ta꞉ yaka honeta꞉ hone ula꞉me. I̱ma꞉ta꞉ iki ka꞉nda꞉ kia꞉peke yeketa꞉ Kotindi nane pao na poa꞉me.

2 Kotindi 6:11

Kotindi haleme yankeke tonuo. Nikana꞉ma꞉ nikina꞉ iki pa꞉ta꞉ pa ka꞉la꞉pa꞉ tapao ota꞉ la kuma꞉me. Nikana꞉ma꞉ta꞉ nika꞉ puki manuta꞉ iki pa꞉ta꞉ anekema꞉ ku haloma꞉me.

2 Timodi 4:20

Eta꞉situsi ipikita꞉ Kotindi da nane haya꞉me. Totobimasi yeni hayeke handaa Mailitasi da pa꞉ta꞉ haena꞉ epoa꞉me.