Aposolo 18:5 - Panake Pi La: Ula: Buka pita: Kine Pieke Buka

⁵ Kutupa Sailasi Timodi yaapo Ma꞉sedonia nane hao opolo epepeke pita꞉ta꞉ Poloma꞉ mo Diu haliweki pa꞉ta꞉ Yesuta꞉ Ketisoe la waluekema꞉ hone wotu wia wala꞉tiki pu hayekeme.

Aposolo 18:5 Referans Kwoze

2 Kotindi 5:14

Ketisona꞉ pukima꞉ homa꞉la꞉ ekima꞉ta꞉ niki handeteke hala꞉me. Pa ekipeke nikana꞉ma꞉ hone witolota꞉ hali homekema꞉ta꞉ paeyaona꞉ homaeyekeme. Koto hauma꞉ta꞉ paeyaoma꞉ ipika꞉ homa꞉la꞉eki putu pelememe.

Aposolo 18:28

Hande Baibolo buka pi walolo hata꞉ Yesuta꞉ ota꞉ Ketisoe laa mo Diu haliwekita꞉ penemena꞉ hata꞉ pima꞉ bepolao hayeke handaa piekeme.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Aposolo 17:3

Ketiso tanda pita꞉la꞉eki amba꞉la meaata꞉ wetepena꞉ homa tiaalieke laa wotu waleekeme.

Aposolo 9:22

Kutu piekepate Soloma꞉ta꞉ pi waluekema꞉ wele wopu piekeme. Ipikana꞉ma꞉ Yesuta꞉ ota꞉ Koda꞉na꞉ Ketisoe laa ota꞉ ana꞉na꞉ peneme yao waleeke mandane pi manuta꞉ mo Damasikasi da haleme Diu haliwekima꞉ pi homeke ma꞉nda꞉ma꞉ hombo pealuekema꞉ ana꞉ na pimikime.

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

Aposolo 16:9

Timba upama꞉ piki nono pea Poloma꞉ hali ma꞉nda꞉ handeekeme. Ma꞉sedonia hali homekema꞉ ipiki pa꞉ta꞉ honke alo hata꞉ alota꞉ Ma꞉sedonia nane niki tamba꞉ mulu a꞉pa꞉peke laa leeke some homeke handeekeme.

Aposolo 16:1

Kutupa mo Debi Lisita da yaapo nane opolo epepekeme. Ketiso hali homeke Timodi koto pa꞉ta꞉ hayekeme. Ipika꞉ inkikita꞉ Diu wanda꞉ma꞉ kone pi miniki hayeke wanda꞉na꞉ eiyeke hayekepate ipika꞉ ateketa꞉ Kitiki hali hayekeme.

Aposolo 15:22

Koto pa꞉la꞉ ekina꞉ mo aposolo haliweki make mo tondiki haliweki make siosi wanda꞉hali paeyao ame̱le̱ ikana꞉ma꞉ iki pa꞉ta꞉ mandane haliweki talopu mea haena꞉ laata꞉ Polo Banabasi yaapo ame̱le̱ hata꞉ta꞉ mo A꞉ndioko da pa꞉ta꞉ tapaaluekema꞉ hone wimikime. Diudasi biki ma꞉nda꞉ Basabasi meata꞉ Sailasi make talopu mea haena꞉ lemekeme. Mo Ketiso wanda꞉halima꞉ koto hali yaapo pa꞉ta꞉ epeke hone u haemekeme.

Aposolo 10:42

Kutupa ipikana꞉ma꞉ niki pa꞉ta꞉ mana꞉ alo hata꞉ alota꞉ dupae. Wanda꞉hali pa꞉ta꞉ pi walemeka꞉na꞉ta꞉ Koda꞉ma꞉ I̱ta꞉ homa꞉la꞉ wanda꞉hali make pa haleme wanda꞉hali make ika꞉ pi yokaalu peaalo polo hali mea hano lea꞉me lapa꞉peke lea꞉me.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Dioni 15:27

Kutupa iki make amba꞉ kone I̱ ame̱le̱ haleme ekina꞉ yaka pi lawaaseme wekitisi haliweki halimikie.

Dioni 10:24

Kutu pitolo haena꞉ mo Diu haliwekima꞉ ipiki dupao hata꞉ ipiki pa꞉ta꞉ lota꞉ pitolo alota꞉ Nikita꞉ hoto ekipuna꞉ hone eleke eleke wia hamono lelipiki laata꞉ Neketa꞉ hande Ketisope. Niki pa꞉ta꞉ ota꞉ pi la kia꞉peke lemekeme.

Dioni 3:28

I̱ta꞉ Ketiso dia꞉me. Koda꞉ma꞉ titina꞉ I̱ amba꞉la tapaala꞉me laa iki pa꞉ta꞉ la kua꞉ ekita꞉ amba꞉ opimime leekeme. Hande wanda꞉ mina꞉la꞉ ekita꞉ mo wanda꞉ta꞉ halikina꞉eki halieke laa

Dioni 1:41

Koto kone A꞉ndutuma꞉ ipika꞉ hameke Saimono handa꞉ wia ipiki pa꞉ta꞉ alota꞉ Hande Mesayata꞉ dikana꞉ma꞉ handa꞉ ulupa꞉me leekeme. Do Mesaya ala꞉ ekita꞉ Ketisoe laa ala꞉ekie.

Luku 12:50

I̱ta꞉ bapitaisi pea꞉peke hau homeke mulueke hone ulupate pa a̱i̱ na pu paeyaaso ekina꞉ kota꞉ yaka weleke pukima꞉ ka꞉nda꞉ tieke minolome.

Luku 16:28

Koto pa꞉ta꞉ta꞉ yaka kame tonu yunki hata꞉ halemema꞉ iki make do tanda pu hala꞉ alena꞉ a꞉paama꞉na꞉yeke La꞉satesima꞉ kinki pulu pena꞉yeke loa꞉me leekeme.

Aposolo 16:12

Koto pa꞉ta꞉ hao mina꞉pa꞉laota꞉ mo Ma꞉sedonia nane teke da Pilipai da nane opolo poma꞉me. Koto da pa꞉ta꞉ make Loma꞉ haliweki wopu haemekeme. Koto daoni pa꞉ta꞉ nate mandaneeki haota꞉

Aposolo 20:23

mo Holi Sipitidima꞉ daoni paeyao pa꞉ta꞉ mo dipula pita꞉ tanda pulu pa꞉la꞉eki I̱ la ku hala꞉me lea꞉me.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

2 Kotindi 1:19

Pa ekipeke mo Yesu Ketiso Koda꞉na꞉ Eiyeke hande Sailasima꞉ make Timodima꞉ make I̱ma꞉ make iki pa꞉ta꞉ hande waloma꞉ hali ipikita꞉ aowe make dia꞉me hali dia꞉me. Ota꞉ dia꞉ya꞉la꞉pate ipikita꞉ ota꞉ Koda꞉na꞉ Aowe homekee.

2 Kotindi 11:9

Kutupa iki ame̱le̱ haowa꞉ natena꞉ta꞉ I̱ mani dia꞉yeketa꞉ I̱ tamba꞉ mipe laa iki pa꞉ta꞉ ka꞉nda꞉ peaapeke honke na loa꞉me. Pa ekipeke mo Ma꞉sedonia nanema꞉ epeme kame tonuma꞉ I̱ dia꞉ya꞉la꞉ ale paeyao aneke mea a꞉paememe. Amba꞉ pua꞉ tupa꞉ wetepe nina꞉ make I̱ta꞉ iki ka꞉nda꞉ homaaluekema꞉ na taapulueke.

1 Desalonaika 3:6

Kutu puma꞉pate ameta꞉ Timodi iki mina꞉pa꞉lao paa la꞉ka꞉la a꞉pa ika꞉ epeke pukima꞉ homa hata꞉ make ika꞉ epeke hone tulaalemeeki make niki pa꞉ta꞉ la kia꞉me. Ipikana꞉ma꞉ la kitolo alota꞉ Hoto paeyao ikana꞉ma꞉ niki pa꞉ta꞉ hone wopu witolo hata꞉ nikana꞉ma꞉ iki handuluekema꞉ hone pia꞉ tupa꞉ ikana꞉ma꞉ make niki handuluekema꞉ make homeke hone kone wilimime ala꞉me.