Aposolo 18:21 - Panake Pi La: Ula: Buka pita: Kine Pieke Buka

²¹ mo haliweki mina꞉pa꞉lao pulu hata꞉ alota꞉ Koda꞉ma꞉ hone pia꞉ka꞉na꞉ta꞉ iki pa꞉ta꞉ pa ipulueke leekeme. Kutupa palai kawasona꞉ pita Epesese da mina꞉pa꞉lao peekeme.

Aposolo 18:21 Referans Kwoze

1 Kotindi 4:19

Pate Tekehalima꞉ hone pia꞉ka꞉na꞉ta꞉ I̱ma꞉ iki pa꞉ta꞉ koto kone paa ipulueke. Paa epoa꞉ka꞉na꞉ta꞉ mo hande Niki kone ana꞉ pa꞉la꞉me aleme haliwekina꞉ pa alemeeki manuta꞉ hone na wiki ika꞉ ota꞉ ana꞉na꞉ pea꞉pekeeki manuta꞉ pa a꞉pa handa weilueke.

Dia꞉mesi 4:15

Dupa lapa꞉peke alee. Tekehalima꞉ hone pia꞉ka꞉na꞉ta꞉ niki da꞉ta hata꞉ nikana꞉ma꞉ doeki peata꞉ moeki pulumeke la lapa꞉peke alee alopate ameta꞉ ikana꞉ma꞉ hakoko litolo hata꞉ pi wotu hapa꞉leleme. Kutu piki pi hapa꞉leleme ekita꞉ hokeekie.

Hibulu 6:3

pa mandane ekimanu make handa꞉tia pomana꞉e. Kutu piomono Koda꞉ma꞉ niki pa꞉ta꞉ waleke kia꞉ka꞉na꞉ta꞉ kota꞉ ota꞉ putia polumeke.

Loma꞉ 15:32

Kutu pimika꞉na꞉ta꞉ Koda꞉na꞉ hone pa꞉la꞉ ekina꞉ I̱ma꞉ ta꞉na꞉ma꞉ homa꞉ paleke iki pa꞉ta꞉ ipulueke. Kutupate nika꞉ mandakena꞉ halo poloma꞉ ekima꞉ I̱ ta꞉na꞉ma꞉ homaalieke.

Loma꞉ 1:10

I̱ma꞉ yeni pu haloeki Koda꞉ma꞉ handa꞉la꞉me. Koda꞉ma꞉ hone pia꞉ka꞉na꞉ta꞉ I̱ta꞉ ame iki pa꞉ta꞉ a꞉pa hosiki haluekema꞉ Koda꞉ma꞉ peaena꞉yeke honke alome.

Aposolo 20:16

Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.

1 Pida 3:17

Nika꞉ epeke hau puluma꞉ ekina꞉ ka꞉nda꞉ muluma꞉ ekita꞉ Koda꞉ma꞉ hone pa꞉la꞉ ekina꞉ ka꞉nda꞉ muma꞉ka꞉na꞉ta꞉ kota꞉ ana꞉ pa꞉la꞉pate nika꞉ hoke hau puluma꞉ ekina꞉ ka꞉nda꞉ muluma꞉ ekita꞉ kotota꞉ ana꞉ na pa꞉la꞉me.

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

1 Kotindi 16:7

Iki ame̱le̱ pa ta꞉ka꞉li hamana꞉ hone na witolome. Tekehalima꞉ hone pia꞉ka꞉na꞉ta꞉ kota꞉ iki ame̱le̱ nate wopu haluekema꞉ loa꞉me.

Aposolo 21:14

Kutupa ipika꞉ hone la꞉ka꞉laapeke na yeke handa nikana꞉ma꞉ kiao alota꞉ Tekehalina꞉ hone pa꞉la꞉eki pina꞉e loma꞉me.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 15:29

Toopi tima꞉ wepia ula꞉ ale pa꞉ta꞉ lia halemeke hoteke ne ala꞉ta꞉ ala꞉ta꞉ na neke we make na neke mo da꞉ka꞉pe miniki hata꞉ homaasa꞉eki na neke loke hoeyaasa꞉ hau na piki kutupa koto haumanu na pimika꞉na꞉ta꞉ epeke tupa꞉ halimikie aloma꞉me. A꞉taloe laa wape pu paeya꞉me.

Luku 9:61

Hali ma꞉nda꞉ma꞉ alota꞉ Tekehalio. I̱ta꞉ neke telia꞉ mea ipuluekema꞉ titina꞉ amba꞉la yaka tapake pa꞉ta꞉ A꞉taloe lolo ponoe leekeme.

Ma꞉tiu 26:39

Hosiki mo pate leke puaata꞉ kenkena꞉ puki yama peliniaaso dupiki yeni piekeme. Ya Apa꞉o. Nakana꞉ma꞉ pea꞉peke ya꞉ka꞉na꞉ta꞉ kota꞉ do ipula꞉ ka꞉nda꞉ tieke wopu tumbiki kapota꞉ I̱ pa꞉ta꞉ na epena꞉ leke yoka꞉ muelena꞉e laa hone pa꞉la꞉pate ya hone pa꞉la꞉eki dia꞉me. Pa naka꞉ hone pa꞉la꞉eki homekee leekeme.

Maka 6:46

Kutupa Yesuma꞉ mo disaipolo haliweki mina꞉pa꞉laota꞉ pote pa꞉ta꞉ yeni pulu peekeme.

Aposolo 18:19

Kutupa Epesese opolo a꞉paata꞉ ipiliki koto pa꞉ta꞉ haena꞉ laata꞉ ipika꞉ kone mo pi hotu haemeke da pa꞉ta꞉ honda꞉ pamba pua Diu haliweki ame̱le̱ pi yokaalu pimikime.

Aposolo 18:20

Mo haliwekima꞉ Hosiki hapeke aleo lemekepate Poloma꞉ Dia꞉me laaka꞉na꞉

Aposolo 18:24

Diu hali ma꞉nda꞉ Apolosita꞉ A꞉lekesa꞉ndia da hali mo Epesese da pa꞉ta꞉ epeekeme. Ipikita꞉ Baibolo buka pi hone wotu wia pi wotu yoka la꞉tiki pieke halie.

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

Aposolo 19:17

Koto piekeeki mo Epesese da Kitiki pita꞉ Diu wanda꞉hali paeyaoma꞉ opuaka꞉na꞉ paala꞉ma꞉ homemekeme. Kutupa Tekehali Yesuna꞉ bikita꞉ kende tia wiekeme.

Aposolo 21:29

Amba꞉ta꞉ Polo mo hande Epesese da hali Totobimasi yaapo daoni nane pomipikieki hando hao ika꞉ honema꞉ta꞉ Poloma꞉ koto hali tembolo da tukiki pa꞉ta꞉ hatuku mea pulu pia꞉me hone wimikime.

1 Kotindi 15:32

I̱ma꞉ do Epesese da pa꞉ta꞉ hata꞉ mandane sayalemanu pa꞉ta꞉ a꞉nda꞉ piki nono pua꞉ ekima꞉ta꞉ kota꞉ koto pua꞉ ekima꞉ta꞉ I̱ ekipa tamba꞉ miliepe. Pate amba꞉ homemeke wanda꞉hali paa mea tiaapeke na yea꞉ka꞉na꞉ta꞉ kota꞉ mo Belia tuneke homolo poloma꞉ ekina꞉ta꞉ kota꞉ ame ne ikali naa keamana꞉ pipe laa lo haleme ekina꞉ niki make lapeke ya꞉la꞉me.

1 Kotindi 16:8

Kutu pulu polopateta꞉ hande Pendikosi nate epena꞉ do Epesese da pa꞉ta꞉ handeteke halueke.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.

Peneme Yaeyekeeki 2:1

Mo Epesese siosina꞉ enisolo pa꞉ta꞉ dupa lae. Do pita꞉ mo hande watake hata꞉ hombulanka꞉manu ipika꞉ popeke nane kikina꞉ miniki hata꞉ mo watake hata꞉ koloma꞉ wepiki ola꞉pake keo panka꞉la꞉ ale anka꞉lopuna꞉ pomina꞉la꞉ somema꞉ tapaasa꞉me.