Aposolo 18:12 - Panake Pi La: Ula: Buka pita: Kine Pieke Buka

¹² Kutu piekepate Ka꞉liota꞉ mo Akaya nane kapomani tieke haena꞉ leeke pita꞉ta꞉ mo Diu haliwekima꞉ Polo luekema꞉ apa꞉tao pi yokaalu puluekema꞉ mea pua alota꞉

Aposolo 18:12 Referans Kwoze

Aposolo 18:27

Ipikita꞉ Akaya da nane poluekema꞉ hone pieke pita꞉ mo Ketiso haliwekima꞉ A꞉pa꞉la꞉ma꞉ polena꞉e laa oli da nane haemeke Ketiso haliweki pa꞉ta꞉ pase wape pea alota꞉ Do hali handa꞉ mea꞉pa꞉peke lemekeme. Kutupa opolo puaata꞉ Koda꞉ma꞉ a꞉ta꞉ma꞉ homa꞉la꞉ ekina꞉ pi mimiki wanda꞉halita꞉ ipikana꞉ma꞉ wotu petelo hayekeme.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

Aposolo 13:7

Koto halita꞉ mo hokina꞉ kapomani you hali Sesiasi Polasi yaapo ame̱le̱ hao hayeke halie. Mo Sesiasi Polasi ipikita꞉ hone wopu lenkena꞉ pea u hayeke halie. Mo kapomani you halima꞉ Koda꞉na꞉ pi opuluekema꞉ Banabasi Solo yaapo ipiki pa꞉ta꞉ epena꞉ wi leekeme.

2 Kotindi 11:10

Ketisona꞉ ota꞉ pi I̱ pa꞉ta꞉ pila꞉eki yalota꞉ I̱ma꞉ do yaka hakoko litolo pita꞉ ota꞉ koto Akaya kenke paeyao pa꞉ta꞉ta꞉ na palueke laa pi la꞉ witolome.

2 Kotindi 9:2

Pa ekipeke ikana꞉ma꞉ tamba꞉ muluekema꞉ hone wopu wilimi ekita꞉ I̱ma꞉ hone ulume. Kutupa ika꞉ piteleme ekita꞉ mo Ma꞉sedonia wanda꞉hali pa꞉ta꞉ I̱ma꞉ pi la waloa꞉me. Mo wanda꞉hali pa꞉ta꞉ alota꞉ Mo Akaya haleme kame tonuma꞉ta꞉ mo paeya꞉ bapina꞉ kini pea tamba꞉ muluekema꞉ tikitiki yao halememe laa loa꞉me. Ika꞉ puluekema꞉ a̱i̱ hone wilimi ekima꞉ta꞉ wopuna꞉ hone u tialememe.

2 Kotindi 1:1

Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

1 Kotindi 16:15

Some ma꞉nda꞉ Sitepanisita꞉ ipika꞉ weki wanda꞉ tonka꞉na꞉ ikana꞉ma꞉ handelememe. Koto tapaketa꞉ mo Akaya Potobinisi nane hata꞉ta꞉ ota꞉ amba꞉ titina꞉ pi mea hata꞉ pa Koda꞉na꞉ wanda꞉halina꞉ e pokaatiki pitelememe. Koto ekina꞉ ya kametiti iki pa꞉ta꞉ honke alo hata꞉ dupa alome.

Loma꞉ 15:26

Do I̱ polueke alo ekita꞉ mo hande Ma꞉sedonia Kitiki kenke yaapo nane haleme siosi wanda꞉halima꞉ta꞉ mo hande Diutuseleme da nane haleme Koda꞉na꞉ wanda꞉hali pa mandane natehali wanda꞉hali pa꞉ta꞉ mani haluekema꞉ hone wilimi ekina꞉ pulu loa꞉me.

Aposolo 25:10

Koto leeke Poloma꞉ alota꞉ Sisama꞉ pi yokaalu peao hala꞉ da pa꞉ta꞉ta꞉ do halota꞉ laata꞉ do da pa꞉ta꞉ kone pea꞉peke ya꞉la꞉me. Do Diu haliweki pa꞉ta꞉ I̱ma꞉ hau ma꞉nda꞉ na poloeki make naka꞉ kone handeleme.

Aposolo 17:13

Kutu pimikipate mo Desalonaika Diu haliwekima꞉ Poloma꞉ mo Betia da pa꞉ta꞉ make Koda꞉na꞉ pi ale wala꞉la꞉me pi opuata꞉ koto pa꞉ta꞉ make a꞉paata꞉ pa wanda꞉hali sutiaaso hata꞉ mineke panka꞉ tiaemekeme.

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 14:2

Kutu pimiki handa pi na miki Diu haliwekima꞉ mo Diendaili haliweki sutiaaso hata꞉ ika꞉ hone dunki peao Ketiso wanda꞉hali pa꞉ta꞉ hoke hone wina꞉yeke lemekeme.

Ma꞉tiu 27:19

Pailedima꞉ ipika꞉ pi yokaalu pulu pa꞉la꞉ alena꞉ ula꞉ handeteke hala꞉ seana꞉ pa pita꞉ pelia haena꞉ ipika꞉ wetekema꞉ ipiki pa꞉ta꞉ dupiki pi tapaeyekeme. Koto hoke hau ma꞉nda꞉ na piki hali pa꞉ta꞉ta꞉ nakana꞉ma꞉ hau ma꞉nda꞉ na pea꞉peke. Pa ekipeke ame timba upama꞉ handaata꞉ I̱ma꞉ ka꞉nda꞉ tieke mua꞉me leekeme.

Dia꞉mesi 2:6

Kutu piliepate ikana꞉ma꞉ta꞉ hande natehali wanda꞉hali yaala꞉ma꞉ homaememe. Mandane haliweki epi amedama꞉ iki ka꞉nda꞉ma꞉ homao halemepe o pi yokaalu puluekema꞉ iki yola꞉ mea pu halemepe. Hande hamoko haliwekima꞉ koto hau pu haleme ekina꞉ loa꞉me.

Loma꞉ 16:5

Ipilika꞉ da pa꞉ta꞉ mombolo haleme siosi wanda꞉hali pa꞉ta꞉ make a꞉taloe pi la꞉niaasome. Ota꞉ yaka yankeke Epenitasi pa꞉ta꞉ make a꞉taloe pi la꞉niaasome. Ipikita꞉ mo Eisia nane wanda꞉hali paeyao ame̱le̱ hata꞉ titina꞉ Ketiso biki ipikana꞉ma꞉ amba꞉la mia꞉me.

Aposolo 17:5

Kutu pimikipate mo Diu haliwekima꞉ honditi pitolo hata꞉ hoke wanda꞉hali pa꞉ta꞉ ti teke yoko haemeke haliweki mandaneeki meaata꞉ haliweki momba꞉lena꞉ laata꞉ mo daoni wanda꞉hali paeyao la꞉tia tia peaata꞉ Dieisonina꞉ da bepolaluekema꞉ pimikipate mo hali yaapota꞉ wanda꞉hali pa꞉ta꞉ hatuku poluekema꞉ pimikime.

Aposolo 13:12

Mo kapomanina꞉ you halima꞉ta꞉ kutu piekeeki hando haota꞉ hone tulaeyekeme. Tekehalina꞉ pi waleekeeki opitolo hata꞉ penkilipa꞉tia pomiekeme.

Dioni 19:13

Pailedima꞉ koto lemekeeki opuaata꞉ Yesu hatuku hama peekeme. Kutupa pi yokaalu puluekema꞉ pitu hayeke seana꞉ pitiekeme. Koto sea wieke alena꞉ bikita꞉ Toopi Yameekeekie. Koto bikita꞉ mo Hibulu pima꞉ Ka꞉ba꞉ta lemekeme.

Aposolo 13:8

Hali yaapo pepekepate mo ti̱o̱ hali Elimasima꞉ mo Kitiki pi laa koto ti̱o̱ halina꞉ bikita꞉ Elimasie ipikana꞉ma꞉ta꞉ Banabasi Solo yaapo sa꞉sa꞉ puluekema꞉ taapeekeme. Mo kapomanina꞉ you halima꞉ Tekehali pa꞉ta꞉ hone tulaasa꞉eki pao la꞉ka꞉la mina haena꞉ loluekema꞉ taapeekeme.

Aposolo 18:11

Koto ekina꞉ Poloma꞉ ba pi homekena꞉ sumba꞉ yunki mindiki hata꞉ haota꞉ koto pa꞉ta꞉ Koda꞉na꞉ pi alemanu iki pa꞉ta꞉ wala꞉tiki pu hayekeme.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

2 Kotindi 11:26

Yaka wopu pomua꞉tiki pu haowa꞉ pa꞉ta꞉ manuta꞉ I̱ lia homaaluekema꞉ mo ikali tieke tea꞉ ekima꞉ teke pa꞉ta꞉ epea꞉ make mo pake nala꞉ haliwekima꞉ make teke pa꞉ta꞉ haememe. Mo Diu yankeke tonu pita꞉ Diendaili tapake yaapoma꞉ta꞉ I̱ hoeyaaluekema꞉ hone wimime. Mo daonimanu pa꞉ta꞉ make hapu hayeke alemanu pa꞉ta꞉ make dawala tieke manuna꞉ make makeaaso yankeke tonu pa꞉ta꞉ make ota꞉ I̱ hoeyaapeke alemanu teke pa꞉ta꞉ hatiki pu haowa꞉me.

1 Desalonaika 2:14

Kametitio. Hande Diudia nane haleme Koda꞉na꞉ siosi tapake Yesu Ketisona꞉ wanda꞉hali pa꞉ta꞉ pieke tupa꞉ kone iki pa꞉ta꞉ make pelememe. Mo hande Diu haliwekima꞉ koto tapake kone tanda halemeke tupa꞉ ika꞉ tapake haliwekima꞉ make iki pa꞉ta꞉ homeke hau kone pimime.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.