Aposolo 18:10 - Panake Pi La: Ula: Buka pita: Kine Pieke Buka

¹⁰ Pa ekipeke I̱ta꞉ neke yaapo halome. Kutupa neke luekema꞉ hali ma꞉nda꞉ na tiaalieke leekeme. Do da pa꞉ta꞉ ya wanda꞉hali wotu halememe laa leekeme.

Aposolo 18:10 Referans Kwoze

2 Kotindi 12:9

ipika꞉ hombo peaya꞉ ekita꞉ dupa lea꞉me. Yaka a꞉ta꞉ma꞉ homa tamba꞉ mina꞉la꞉ ekita꞉ ana꞉ pa꞉la꞉me. Pa ekipeke neke damako pele dina꞉ta꞉ kota꞉ yaka welena꞉ ota꞉ lombei pea tieke ula꞉me lea꞉me. Koto ekina꞉ta꞉ mo yaka damako pa꞉la꞉ ekimanu pa꞉ta꞉ hakoko luluekema꞉ I̱ta꞉ ta꞉na꞉ wopu pa꞉la꞉me. Pa ekipeke mo Ketisona꞉ handeteke hala꞉ welema꞉ I̱ handeteke hala꞉eki handuluekema꞉ loa꞉me.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Loma꞉ 8:31

Koto pa꞉la꞉ ekina꞉ nikana꞉ma꞉ eki pi loluma꞉pe. Do tupa꞉ lapeke ya꞉la꞉me. Koda꞉ma꞉ nika꞉eki peaeya꞉ka꞉na꞉ta꞉ hali epima꞉ niki pa꞉ta꞉ a꞉nda꞉ lia꞉peke ya꞉la꞉pe. Ma꞉nda꞉ma꞉ koto hau pea꞉peke na ya꞉la꞉me.

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

2 Timodi 4:22

Mo Tekehalita꞉ naka꞉ temoko yaapo hao haena꞉e. Koda꞉na꞉ a꞉ta꞉ma꞉ homa tamba꞉ mina꞉la꞉eki make iki paeyao ame̱le̱ hao haena꞉e.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Ma꞉tiu 10:30

Kutaa ameta꞉ ika꞉ ekina꞉ make dupa alome Ika꞉ you itiki paeyaota꞉ amba꞉ kone yata꞉pa ana꞉ lao ula꞉me.

Aposolo 15:18

Tekehalima꞉ amba꞉ kone dupiki pi la halaata꞉ koto ala꞉ handa꞉e leekeme.

Luku 21:18

Kutu pulu pelemepate ika꞉ amboke itiki homeke kone na alupilieke.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.

Ma꞉tiu 1:23

Mo potopede halima꞉ta꞉ dupa leekeme. Mo halima꞉ na watake wandikina꞉ weleke pa꞉ta꞉ta꞉ weki weleke lombaata꞉ hali weki mendilieke. Koto wekina꞉ bikita꞉ Imanua꞉le lelieke leekeme. Koto bikina꞉ teketa꞉ Koda꞉ niki ame̱le̱ a꞉pa hala꞉me.

Aposolo 15:14

Koda꞉ma꞉ mo Diendaili wanda꞉hali pa꞉ta꞉ mandane ekimanu ota꞉ ipika꞉ wanda꞉hali talopu mea haena꞉ la꞉la꞉ ekima꞉ iki pa꞉ta꞉ ipika꞉ epeke hone wita꞉la꞉eki niki wala꞉la꞉me. Saimonoma꞉ koto la ka꞉la꞉me.

Aposolo 18:9

Kutupa Tekehalima꞉ timba upama꞉ tupa꞉ Polo pa꞉ta꞉ leekeme. Dupa. Paala꞉ma꞉ homolo hata꞉ neke pa na pitiki ya pi wala꞉tiki pu hapeke leekeme.

Aposolo 18:11

Koto ekina꞉ Poloma꞉ ba pi homekena꞉ sumba꞉ yunki mindiki hata꞉ haota꞉ koto pa꞉ta꞉ Koda꞉na꞉ pi alemanu iki pa꞉ta꞉ wala꞉tiki pu hayekeme.