Aposolo 17:11 - Panake Pi La: Ula: Buka pita: Kine Pieke Buka

¹¹ Mo da Diu haliwekima꞉ Desalonaika Diu haliwekima꞉ pimiki hau na piki pa epeke tupa꞉ hata꞉ homu pea mo hande pi opuaata꞉ Ota꞉ekipe la handuluekema꞉ mo Baibolo buka pa꞉ta꞉ yata꞉pa nate paeyao weiya꞉tiki pimikime.

Aposolo 17:11 Referans Kwoze

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

Ma꞉tiu 13:23

Kutu pu halemepate mo waleme pi opuolo epeke mea miniki haleme wanda꞉hali ikita꞉ mo epeke kenkena꞉ lopeeke wae manuma꞉ handelememe. Ika꞉ kiliki a꞉elo peleme tupa꞉ta꞉ dupa. Mandane wanda꞉hali ika꞉ kilikita꞉ 100manu tupa꞉ mandane ekita꞉ 60manu tupa꞉ mandane ekita꞉ 30manu a꞉eyeke tupa꞉ halimikie leekeme.

1 Desalonaika 1:6

Nikana꞉ma꞉ puma꞉ hau make Tekehalina꞉ hau make ikana꞉ma꞉ telia꞉ mea ipulu hata꞉ pimime. Kutupa tanda tieke minolo hata꞉ kone hande Holi Sipitidima꞉ iki ta꞉na꞉ma꞉ homa tiaaso haena꞉ ikana꞉ma꞉ pi mimime.

Dioni 3:21

Kutu pa꞉la꞉pate hali epima꞉ ota꞉ hau pu hala꞉ halima꞉ mo pa̱a̱ pa꞉la꞉eki pa꞉ta꞉ ipilieke. Kutupa mo pa̱a̱ pa꞉la꞉ ekima꞉ ipika꞉ piekeeki manuta꞉ Koda꞉ yaapo hata꞉ pieke ekimanu peneme yao walena꞉yeke ipilieke.

2 Desalonaika 2:10

Kutupa ipikana꞉ma꞉ mo alu pulu peleme wanda꞉hali pa꞉ta꞉ hoke makeaasa꞉ hau ta꞉ta꞉ ta꞉ta꞉ wopu pilieke. Mo hande alu pulu peleme wanda꞉hali ika꞉ pa꞉ta꞉la꞉la꞉eki na miki alu pulu peleme ekina꞉ teketa꞉ ikana꞉ma꞉ Koda꞉na꞉ ota꞉ hau handa꞉ mea pukima꞉ na homemekeme.

1 Pida 2:2

Panake mendia꞉la꞉ wekiwandikima꞉ andu na꞉na꞉ma꞉ homa꞉la꞉ tupa꞉ ikana꞉ma꞉ ika꞉ temoko tamba꞉ mulu pa꞉la꞉ yako piki andu na꞉na꞉ lo hapa꞉peke. Koto ekina꞉ mo andu no haemeka꞉na꞉ta꞉ epeke tupa꞉ daeya hata꞉ Koda꞉na꞉ pa꞉ta꞉ la꞉la꞉eki milimikie.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dia꞉mesi 1:21

Koto ekina꞉ keke loluekema꞉ hoke hone wita꞉la꞉ haumanu paeyao make daeyatia pulu hata꞉ hoke hau pita꞉la꞉ ekimanu paeyao make ota꞉ mina꞉pa꞉laota꞉ kutupa Koda꞉ pa꞉ta꞉ homu pea hata꞉ neke mea da꞉taapeke ya꞉la꞉ pi alemanu ipikana꞉ma꞉ ika꞉ puki pa꞉ta꞉ noka꞉paeya꞉ka꞉na꞉ta꞉ ota꞉ mea mendia꞉pa꞉peke.

Aposolo 10:33

Koto ekina꞉ koto kone neke handa꞉ mulu pimi haliweki tapaowa꞉me leekeme. Kutupa epeke epeme leekeme. Ameta꞉ Tekehalima꞉ neke pa꞉ta꞉ dupa lapeke lea꞉ pimanu paeyao opoluekema꞉ do a꞉pa Koda꞉ pa꞉ta꞉ momba꞉la haloma꞉me leekeme.

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

Aposolo 17:1

Kutupa A꞉mbipolisi A꞉polonia da yaapo nane lombei pupa mo Diu haliwekina꞉ pi hotu haemeke da homeke hayeke pa꞉ta꞉ Desalonaika da nane opolo pemekeme.

Aposolo 11:1

Mo Diudia nane haemeke aposolo haliweki paeyao pa꞉ta꞉ make Ketiso wanda꞉hali make iki paeyaoma꞉ta꞉ mo Diendaili wanda꞉halima꞉ make Koda꞉na꞉ pi mimiki ekita꞉ opimikime.

Luku 16:29

Koto leeke handa Eipoloha꞉ma꞉ma꞉ alota꞉ Naka꞉ kame tonuna꞉ kinki pita꞉la꞉ pi manuta꞉ Mosesima꞉ make potopede haliwekima꞉ amba꞉ lao ula꞉me. Naka꞉ kame tonuma꞉ mo haliwekina꞉ pi opina꞉e laa leekeme.

Luku 1:2

Mo amba꞉ hande pieke ekimanu paeyaota꞉ ota꞉ kini pea handaa walemeke haliwekima꞉ niki pa꞉ta꞉ la kimi tupa꞉ kone ikana꞉ma꞉ make ika꞉ wapemanu pa꞉ta꞉ laemekeme.

Luku 11:3

Nika꞉ ame nolo poloma꞉ neta꞉ ana꞉na꞉ kia꞉peke.